Josua 6:4 - Iaai Bible 1901 (New Caledonia)

⁴ Ke ame he tavat bihut a seven ka hom tilâ je trutruiny jubeli hnyi hnyimakan tang: ke haba hnyi bong a seveniny, hamöbun he ka oseven he igigilö taun, ke ame he tavat bihut ka tûâ tilâ je trutru.

Josua 6:4 Iomraidhean Croise

Genese 2:3

Ke haba Khong ame hahnahicâ bong a seveniny, me okabâ e: anyin a e ame menâ hnyin, ûnyi hnyi anyin ta je huliwa hia thithö waleji Khong ame op me ânyâ.

I. Je Than 18:43

Ke e ame ha ka athnyabainy, ka habe, Ölö thö walang ang, me bwele ka hnyi köiö. Me e ame ölö, me wâ, me ha, ka habe, E ba ûnyi, He thö hmetu ke ne o but ka hnyi seven ta ûhem.

II. Je Than 5:10

Haba Elisaia ame kunâ ûthumetu kâu me ha, ka habe, He thö ka soû ama oseven hnyi Joridano, me ame be ka so hmetu unyâm me hât.

II. Je Than 5:14

Me e ame he me oseven khut hnyi Joridano helâ me hofuc hwan aten Khong: me ame hmetu utioiny helâ me utioiny wanakat ae ûhnyûkong, ke e ame so but.

II. Man Ûlabainy Je Than. 13:12

Ke wâ bi e unyihmun Khong me ban kohmun, me anyin tavat bihut me je trutru ame fuc haten ot, he ka tûâ haten ot gabun. Lakon Isaraela lö, ca vat bi me Iehova Khongon lakamöbun; anyin öbun e ca he ka hnahic.

II. Man Ûlabainy Je Than. 20:17

E ca ûnyi hnathu köbun he ka vat eling: tot metâ ju, me todru, me wâ ûhomeli anyi Iehova hobi köbun a at Juda me Jerusalema: ca ot bi, me ca öbubuny: he thʼ öbun ködrin nyi: anyin a tha Iehova möbun.

II. Man Ûlabainy Je Than. 20:19

Ke haba at Levi, hanen lakon at Kohatha, me lakou at Kora, ödrin e tot he ka ogânö Iehova Khongon at Isaraela, me fuc hwege goranyai.

II. Man Ûlabainy Je Than. 20:21

Me e ame ûhnenamö me tavat, me otilâ tavat khumöng kö Iehova, me olungâ meciny hwakecin ae kap, ödrin ka he hnyi hnyimakan utbavat, me ha, ka habe, Ole thö kö Iehova, anyin a nyiele balua anyin ibetengiö.

Jobu 42:8

Ke walang ang hom dö hobi köbun bi je bolok a seven, me je mamoe baga a seven, ke he thö ko Jobu athnyabaik, me hudo hobi köbun hudiny leû; ke ame he Jobu athnyabaik ka hic hobi köbun; anyin a oge me he ka kap e, mʼ oge me ca he ka ânyâ köbun hoton anyibun monu; anyin a öbun e ca ha gak ûnyi ae wisa helâ me Jobu athnyabaik.

Isaia 27:13

Ke haba hnyi bong eling, me adre me he ka tûâ trutru ae gan; ke ame he ka he tavat wale adre me hakekeny ka mok hnyi hnyei Asuria, me tavat adre me hna degecâ hnyi hnyei Aigupito; me adre me he ka hmi kö Iehova hnyi bucen ae kap hnyi Jerusalema.

Levitiko 14:16

kʼ ame he at bihut ka hneû banyen a metân hnyi tap wakaco a e hnyi hnyamen a meny, kʼ ame he ka oseven dukâiâ wakaco ge banyen hnyi hnyimakö Iehova:

Levitiko 4:6

kʼ ame he at bihut ka hneû banyen hnyi dra, me oseven dukâiâ dren hnyi hnyimakö Iehova, cicö singiny dok ae kap.

Zakaria 4:2

Me haingen könya, ka habe, Ieû u je wâ? Me haingök, Inya oge hia but wâ, ke wâ bi taben lamepa a gol hia, ke hu kaiainy hnyi ban e, ke je lamepainy a seven ethö hon e; ke seven je deny wakaco ka hnyi je lamepa hnyin e:

Zakaria 4:6

Me e ame thu me ha könya, ka habe, Walang hna ha hnö Iehova kö Zerubabela, ka habe, Ca ûnyi ge man, ke ca ûnyi ge tang hwege, ke so bi ûnyi ge hanûk, haingö Iehova tuhan sabaoth.

Numera 23:1

KE Balaama ame ha kö Balaka, ka habe, Ânyâ thö je taben hut a seven eang, ke penapena thö eang seven ta bolok, ke seven ta mamoe baga.

Josua 6:13

Ke haba hnyat bihut a seven, me ödrin e hom tilâ je trutruiny jubeli a seven hnyi hnyimakan tang anyi Iehova, ödrin e he bala me tûö trutru tot, kʼ ame bân tavat adre hom omjehen vat; kʼ ame he hoton tang anyi Jehova obiny bunyen, me tûö trutru tot.

Josua 6:3

Ke öbun e he, tavat a hnyi vat hia, ka igigilö taun, me okhaca he igigilö taun. U me he ka ânyâ helâe hnyi je bong a siks.

Josua 6:5

Ke e ka beû but hna tûâ trutruiny jubeli, ke öbun ka long ut ifuciny trutru me ame he tavat ka kuku hwege: me ame he ka ū but haginy taun adre up veten, me me ve ölö thö tavat hia thithö hnyi hnyimaködra.

Hna Omanenâ 1:20

walang bongon ae iyong a ta je okhû a seven waleji u je wâ hnyi hnyamok a metök, me je taben lamepa gol a seven. Haba je okhû a seven, me wale ta je angela anyin ekalesia a seven: ke haba je taben lamepa a seven u je wâ, me wale ta je ekalesia a seven.

Hna Omanenâ 1:4

Inya Ioane oge me set ka ta je ekalesia a seven hnyi Asia: E so e unyibun ibetengiö bâu, me ûsoköu ûnyi gan, at a e walang ang, ke kâû adrem, ke ame he ka o; me ûnyi ge ta je Hanu a seven hnyi hnyimakan anyin theron;

Hna Omanenâ 10:3

ke e ame ha hwegiâ helâ me ifucin liona: ke e ame fuc, me ame lung je hendreng a seven.

Hna Omanenâ 15:1

KE oge me wâ ke haten hnyi drany ae gan rae hnân lâiâ, a seven je angela ae hu je mok a biliny a seven, anyin adre umo hnyi hmonyin anyin Khong.

Hna Omanenâ 15:7

Ke haba ke at hnyi je ûnyi a vak a möt ame ham ka je angela a seven je kaia a seven ae unöngöt ge tang hmonyin anyin Khong ae möt nyiele nyiele balua.

Hna Omanenâ 16:1

KE oge me löng ifucin ae gan hnyin uma kap ame ha ka je angela a seven, ka habe, He thʼ öbun ka hingâlâ je kaiainy tang hmönyin anyin Khong ka hnyi hmeledrany.

Hna Omanenâ 5:1

KE oge me wâ hnyi hnyam a metân at ame laba hon theron, tusi adre set hnyin me hoton, adre ohmâ haten ge je hna ohmâ a seven.

Hna Omanenâ 5:6

Ke oge me wâ hnyi wanben theron, me vak ta ûnyi ae möt, me hnyi wanben wahingat, ame tot ke Arenio, helâke adre hia but hlingâ, seven je faoiny, ke seven je emakan, wale je Hanon Khong a seven, adre kunâ ka hnyi hmeledrany hia thithö.

Hna Omanenâ 8:2

Ke oge me wâ je angela a seven waleji ödrin e tot hnyi hnyimakan Khong; ke adre me ham ködrin ta je trutru a seven.

Hna Omanenâ 8:6

Me haba je angela a seven ödrin e penapena he ka tuö trutru, wale hnyat ae hu je trutru a seven gadrin.