Josua 6:2 - Iaai Bible 1901 (New Caledonia)

² Ke Iehova ame ha kö Josua, ka habe, Wâ bi, oge hia but ham ka hnyi hnyamâm Jeriko, me thaniny, me je taben tavat ae hwege.

Josua 6:2 Iomraidhean Croise

II. Samuela 5:19

Haba Davita ame hnö unyi Iehova, ka habe, Hawa, oge me he ka tot ka at Filisiti? u me he ka hnʼ ödrin ka hnyi hnyamok? Haingö Iehova kö Davita, ka habe, He thö: anyin oge me he ka ti hna at Filisiti ka hnyi hnyamâm.

Nehemia 9:24

Me ame he ka hnyin je lakon me hu hnyei, ke u je hom ûhnyûkongoâ hnyi hnyimaködrin at Kanana tavat a idrin hnyei, me hnʼ ödrin ka hnyi hnyamödrin, tha ödrin me je tuhödrin, me tavat aten hnyei, mʼ ödrin e he ka ânyâ wedrin ködrin.

Daniela 2:21

ke e ame wia je huna me je ûen: e ame hom but je than me otilâ je than: e ame ham metâ ka tavat ae metâ, me wâhmakhmeto ka tavat wâhmakhmeto:

Daniela 2:44

Ke haba hnyi je bong bongon je than eling, me ame he Khongon drany ka oâ ke dokhu a gʼ adre me ca he ka ohia nyiele balua, ke adre me ca he ka hna dokhu eling ka ke hnyei; ke e ame he ka kot omomono me ohia ta je dokhu hia eling, ke e ame he ka tethmâ nyiele balua.

Daniela 4:17

Hnen musi anyin tavat hmâkâ ûnyi eling, me hnen hofuc hwan tavat ae kap hna hûna eling: me me khana tavat ae möt a gʼ ame musi At ae Beönua hnyi dokhu dokhon tavat, ke e ame ham kâu hnen hna weny, me otilâ hon e hoûmonu.

Daniela 4:35

kʼ ame ûnykûme a helâ me thatûnyi tavat adre me labâ hia hmeledrany: ke e ame ânyâ hoton weny unyin je köiöiny drany, ke tavat adre me labâ hmeledrany; ke ba at ame he ka thawâ hnyamen me ba kâu ka habe, Ieû u me ânyâ?

Daniela 5:18

Than lö, Khong ae Beönua ame ham kö Nebukaneza a kamâm dökhu, me hna ogânâ, me mec, me hmanenang:

Deuteronomi 7:24

Ke e ame he ka hna anyidra je than ka hnyi hnyamâm, ke u ma he ka ohia je iödrin eang hmeledrany: e ba at ae khana he ka tot hnyi hnyimâkâm, ke ne o but u je hia but ohiʼ ödra.

Josua 12:9

than Jeriko, khaca; thaniny Ai, wale hakekeny Beth-ela, khaca;

Josua 2:24

Ke ödru me ha ko Josua, ka habe, E hnathu a hia but Iehova hna kötin hnyei hia; he haba khaca ame köiö hnyekon tavat hia thithö a aten idra hnyei, ûnyi gata.

Josua 2:9

ke e ame ha ka li at, ka habe, E khanö nya a Iehova ame ham köbun hnyei, ke a o but kohmun ot gabun, kʼ ame aû but aten hnyei hia thithö hnyi hnyimaköbun.

Josua 20:1

KE Iehova ame ha kö Josua, ka kabe,

Josua 6:1

(KE ame ti thelöng hwegiâ Jeriko can lakon Isaraela: e ba at ame didrut, ke ba at ame didrö.)

Josua 6:3

Ke öbun e he, tavat a hnyi vat hia, ka igigilö taun, me okhaca he igigilö taun. U me he ka ânyâ helâe hnyi je bong a siks.

Josua 8:1

KE haba Iehova ame ha kö Josua, ka habe, Ca ot bi me öbubuny: ke tha hom dö tavat vat hia thithö mou, ke höhöi thö me he Ai ai: wâ bi oge hia but ham ka hnyi hnyamâm thaniny Ai, me lakeiny, me anyin taun, me iny hnyei:

Owisa 11:21

Ke haba Iehova Khongu Isaraela ame hnö Sihona me lakeiny hia thithö ka hnyi hnyamö Isaraela, me adre me kuc ödrin: me Isaraela ame hom hnyei hia iny at Amora, tavat a idrin hnyei eling.

Owisa 11:24

Hawa, u me ca he ka labā hnyei a ham köu he ka labā ga Kemosa a khongom? Me haba ohmun, me ohmun e he ka hom iny tavat hia waleji a obâ Iehova Khonguhmun hnyi hnyimaköhmun.