Josua 5:6 - Iaai Bible 1901 (New Caledonia)

⁶ Anyin a haba lakon Isaraela adre me vheno hnyebuba fâte je huna, ke ne o but ame hia tavat adre hnyi vat ûhedra Aigupito, anyin adre me ca long hoton hofuc ho Iehova: me Iehova ame khemanyin ködra a gʼ ame ca he ka omanenâ ködra hnyei, waleji a khemanyin Iehova ka lakamödra he ka ham köta, wale hnyei ame di ge debai me hani.

Josua 5:6 Iomraidhean Croise

Salamo 107:4

Adre me ngenu monu hnyi hnyebuba ae ba getheniny; Adre me ca wâ taun hnân labâ.

Esodo 3:17

kʼ oge hia but ha a oge me he ka hum öbun ûnyi hnyi ta je vec hnyi Aigupito ka hnyi hnyei iny at Kanana, me Heth, me Amora, me Perizi, me Hivi, me Jebusi, wale hnyei ame di hnyin debai me hani.

Esodo 3:8

kʼ oge me utut ang he ka hûgûnʼ ödra ûnyi hnyi hnyamen at Aigupito, me hum ödra ûnyi hnyi hnyei eling ka hnyi ke hnyei ae so me au, a hnyei ame di hnyin debai me hane; a hnen at Kanana, me at Heth, me at Amora, me Perizi, me Hivi, me Jebusi.

Jeremia 2:2

He thö, hongot dö hnyi je hnyikonyen Jerusalema, ka habe, Walang hna ha hnö Iehova, ka habe, Inya oge me ûnykûmi u wale ge hwakecâm ae menyik ku tiga hlu, me ânyâm betenge waleji hnyi hnâm hna ûköcö: waleji hnyi hnâm hna he hotuk hnyi hnyebuba, hnyi hnyei adre ca belökâ.

Ezekiela 20:15

Ke haba khaca, oge me hinöbeny göranyai kodra hnyi hnyebuba, a oge me ca he ka hum ödra ka hnyi hnyei waleji oge ham kodra, ame di hnyin debai me hani, ae beönua hon ta je hnyei hia thithö;

Ezekiela 20:6

haba hnyi bong eling oge me hinöbeny hnyin kodra he ka hum ödra ûnyi hnyi hnyei Aigupito ka hnyi hnyei waleji oge me elâm hobi kodra, kʼ ame di hnyin debai me hani, kʼ ame hmanenang hon ta je hnyei hia thithö:

Joela 3:18

Ke haba hnyi ûen eling ame he ta je bucen ka khukhula ge waina ae hnebwia, ke ame he je hut ka di ge debai, ke ame he ka khukhutu köien je wagewe Juda; ke ame he pupua ka o ûnyi hnyi uma umo Iehova, me hû hnyigöulen bucen Sitima.

Numera 14:23

awe, adre me ca he ka wâ hnyei waleji oge khemanyin ka lakamödra, kʼ ame ca he ka wâ e hnen tavat adre me hûkötiö nya:

Numera 26:63

Wale tavat a aû hnö Mose me Eleazara at bihut: wale li at ödre aû lakon Isaraela, hnyi dok ae tha hon hnyi Moaba, hnyi Joridano, hnyi Jeriko.

Deuteronomi 1:3

Ke haba hnyi huna a fâte, hnyi tehi a eleveniny, hnyi bong a bâniny tehi, me haba Mose ame ha ka lakon Isaraela ta je ûnyi hia hoton hna hûna hnö Iehova kâu gadra;

Deuteronomi 2:14

Ke haba ûseiny je bong ate me he ûheny Kadesi-banea, ke ne but ate me hanyâûâ wagewe Zareda, me thote eit je huna; ke ne o but ame ba hia döiny aten vat hnyi hnyei, helâ me Iehova ame khemanyin ködra.

Deuteronomi 2:7

Anyin a Iehova Khongom ame hia but ohnahici u hnyi ta je huliwa hia anyin li hnyamâm: e ame wâhmakhmeto hnâm hna vheno hnyebuba eang ae gan: kʼ ame tha e mou Iehova Khongom hnyi ta je huna a fâte; ke ba ke ûnyi a hia gam.

Deuteronomi 8:4

Ame ca bobot ânyâm je ûkhaû waleji u me khavâ, kʼ ame ca khibi cam hnyi ta je huna eling a fâte.

Heberu 3:11

Me oge me khemanyik waleji hnyi anyik hmonyin, ka habe, Adre me ca he ka dit ka hnyi hnok hna menâ.

Josua 1:6

Hwege thö, ke hnyok baga but: anyin a hamâm he ka ohuâ hnyei ka tavat eang, waleji oge me khemanyin he ka ham ka lakamödra.

Josua 24:7

Ke adre me tenge kö Iehova, me e ame ip menekholom wanböbun me at Aigupito, me okhuto hudrin köiö me hûlûlû ödra; ke a wâ but je emaköbun ûnyi oge me ânyâ hnyi Aigupito: ke öbun e laba hnyi hnyebuba hnyi je bong ae se.

Josua 5:5

Anyin adre peritomonâ tavat hia ûhedra Aigupito: ke so bi adre tiga ca peritomonâ tavat hia waleji adre hnokoâ hnyi hnyebuba eû hnyi gethen hnyi ûhedra Aigupito.

Josua 5:7

Ke haba Josua ame peritomonâ lakudra wale tavat adre hnokoâ me hwabödra: anyin adre tiga ca hia but peritomoni ödra, anyin adre ca peritomoni ödra eû hnyi gethen.