Josua 5:4 - Iaai Bible 1901 (New Caledonia)

⁴ Ke walang can Josua ame peritomonâ: Haba tavat hia adre me o ûheny Aigupito, a obaga hia adre me hnyi vat, me adre me mokcu hnyi hnyebuba eû hnyi gethen, hnyi ûhedra Aigupito.

Josua 5:4 Iomraidhean Croise

Numera 14:22

ke can anyin a olibenyita cubic nya hnen tavat hia eang adre me wâ hmanenangik me anyik je ûöman, waleji oge ânyâ hnyi Aigupito, me hnyi hnyebuba, kʼ adre ca löng hok hofuc;

I. Korinito 10:5

Ke ame ca senyin Khong ka tavat gadra ae se hia: anyin adre me hudrin ju hnyi hnyebuba.

Deuteronomi 2:14

Ke haba ûseiny je bong ate me he ûheny Kadesi-banea, ke ne but ate me hanyâûâ wagewe Zareda, me thote eit je huna; ke ne o but ame ba hia döiny aten vat hnyi hnyei, helâ me Iehova ame khemanyin ködra.

Deuteronomi 2:16

Ke haba hnyi ûen adre hia but ohia aten vat hia hnyi hnyei, kʼ adre mokcu,

Josua 5:3

Ke Josua ame ânyâ je watagi oût me peritomonâ lakon Isaraela hnyi Gibea-aralota.

Josua 5:5

Anyin adre peritomonâ tavat hia ûhedra Aigupito: ke so bi adre tiga ca peritomonâ tavat hia waleji adre hnokoâ hnyi hnyebuba eû hnyi gethen hnyi ûhedra Aigupito.