Josua 4:6 - Iaai Bible 1901 (New Caledonia)

⁶ me me hnân haten eling unyibuny, e ka he lakubun ka hnö nyiele, ka habe, Hnân eû je veto ang?

Josua 4:6 Iomraidhean Croise

Salamo 44:1

KHONG lö, ohmun e long ge je hnyi-könyöhmun, kʼ ame ha gaga kohmun hnen je lakamöhmun. Waleji ge huliwa u je ânyâ hnyi bongudra ta je bong, waleji hnyi ta je bong adrem.

Salamo 71:18

Eke, Khong lö, ca he ka hnö nya hnyi anyik hingat me hûen; Mʼ inye mē he ka omanenâ tang hwegiâm ka ke dö, Ke manâm man ka tavat adre me he ka o.

Esodo 12:14

Ke ame he bong ang ka oûnykûmi öbun, mʼ öbun e he ka ânyâ hnyin bijeû kö Iehova: hnyi anyibun je dö hia öbun e he ka bijeû helâ me hnanyibu nyiele balua.

Esodo 13:14

Ke e ka he nokom nyiele ka hnei u, ka habe, Ieû e? U me he ka ba kâu, ka habe, Iehova ame hum ohmun ge hnyamen ae hwege ûhehmun Aigupito, ûnyi hnyi hnyaban at hwenbâ:

Esodo 13:9

Kʼ ame he ka bi haten köu ûnyi eling hnyi hnyamâm, me hnân oûnykûmeâ hnyi wanben li emâkâm, me me he hnanyibu anyi Iehova ka hnen hnyi hnyimâm: anyin a Iehova ame hum u ûhem Aigupito hnen hnyamen ae hwege.

Esodo 31:13

U me he ka ha ka lakon Isaraela, ka habe, Öbun e he ka tuö anyik je sabath: anyin a wale haten könya mʼ öbun hnyi anyibun ta je dö hia: mʼ öbun e he ka wâ a inya Iehova at ame okabi öbun.

Isaia 38:19

Ame he at ae möt ka oganö u, a at ae möt, helâ me hnok hna ânyâ hnyi bong ang: Hamen kamen he ka omanenâ ânyâm hnathu ka lakon.

Isaia 55:13

Ame he ka kû kop hwaban watetaföcö, ke ame he ka kû adasi hwaban iwadekong: ke e ame he ka hnân ien kö Iehova, me hnân haten nyiele balua, ke adre me ca he ka subâ degecâ.

Ezekiela 20:12

Ke oge me ham minya kodra anyik je sabath, hnân haten könya mödra, me me khanʼ ödra a inya Iehova at ame okabi ödra.

Ezekiela 20:20

ke okabâ thö anyik je sabath; ke ame he ka hnân haten könya möbun, me me khanʼ öbun a inya Iehova Khongubun.

Numera 16:38

a je taben meic anyin hnyat ae hulö ang ödrin e bi joniny anyidrin möt: ke e so adre me kot lauâ ta je ûnyi e ge hama, me hnân tube taben hut: anyin a ödrin e hudo hnyi ta je ûnyi e hnyi hnyimakö Iehova, anyin a wale e kap: me me hnân haten ka lakon Isaraela.

Ta je huliwa 2:39

Anyin a haba hna ha bânâ, me hnân hobi köbun me je lakubun, me hobi kâu hnyat a ödra sâkâu, wale hnyat hia ame he Than a Khonguta ka hawâ kâu.

Deuteronomi 11:19

Ke öbun e be ka nâ hofuc e ka lakubun, me ûhnenamö gan, u ka laba hnyin umâm uma, me he eû hnyi gethen, ke u ka he ka mokut me köûö hmetu bi.

Josua 22:27

ke so bi hnân haten e wanböhmun möbun, me anyitin je dö hwabötin, mʼ ohmun he ka ânyâ huliwa anyi Iehova hnyi hnyimakan hnyi je hudiny leû, me je hut, me je hudiny ûsoköu; me me ca he lakubun ka ha nyiele ka lakuhmun, ka habe, E ba jekhöûbun unyi Iehova.

Josua 4:21

Ke e ame ha ka lakon Isaraela, ka habe, E ka he lakubun ka hnö je lakamödrin nyiele, ka habe, Hnân eû je veto ang?

Josua 4:5

ke Josua ame ha ködrin, ka habe, Hanyâûâ thö hnyi hnyimakan tang anyi Iehova Khongubun, ka hnyi wanben Joridano, me hom dö ûsa khaca veto hon je bajebenyibun, hoton ûseiny je tribuiny lakon Isaraela: