Josua 4:22 - Iaai Bible 1901 (New Caledonia)

²² me öbun e he ka omanenâ ka lakubun, ka habe, Adre hanyâûâ jem Joridano eang hnen at Isaraela hnyi kânâ ae mada.

Josua 4:22 Iomraidhean Croise

Esodo 14:22

Me ame he but lakon Isaraela hnyi wanben köiö hon kânâ ae mada: ke li hak ködra köiö hnyi ke keihen metödra me medra.

Esodo 14:29

Ke haba lakon Isaraela adre me vheno dok ae mada wanben köiö; ke li hak ködra köiö hnyi ke keihen metödra me medra.

Esodo 15:19

Anyin ame tha utut kâ û ka hnyi köiö je hos hale Farao me anyin je kariota me tavat tabö hos, ke haba Iehova ame okhuto hmetu köiö hudra; ke haba lakon Isaraela adre me he hnyi wanben li köiö hnyi dok ae mada.

Isaia 44:27

at ame ha ka dok ae dit, ka habe, Hme but, ke oge me he ka ohwahwacitâ ânyâm je wagewe:

Isaia 51:10

Hawa, ca u at ame ohmö köiö wale köiö ae dit hmonyin; at ame wia dok ae dit hnyi köiö me hnân gethen bi me me vheno hnen tavat adre ûco melidra?

Josua 3:16

me ame todru köiö ûheny hnyi hwadrö ame görany dö helâ me khölöki ûsâkâûö, hwân Adamu, wale taun cicö Zaretana: ke ame hme köiö ame di ka hnyi köien dok ae tha hon, wale Köiö ae Hiny, ame subâ but: me ame he hanyâûâ ge tavat cicö Jeriko.

Josua 3:17

Ke ame tot me ca bwebwet tavat bihut, hnyat ödrin e vadren tangen ûhihinyköu anyi Iehova, hnyi dok ae mada, wanben Joridano, ke adre me he hanyâûâ hnyi dok ae mada a at Isaraela hia thithö ke ne o but ame hanyâûâ Joridano haen tavat hia.

Josua 4:21

Ke e ame ha ka lakon Isaraela, ka habe, E ka he lakubun ka hnö je lakamödrin nyiele, ka habe, Hnân eû je veto ang?

Hna Omanenâ 16:12

Ke haba at a siksiny ame hingâlâ anyin kaia ka hnyi wagewe ae gan Euferate; me ame hme thö köiö, mʼ adre me he ka penapena ke gethen deny je than ûhedra e jimeyo.