Josua 4:19 - Iaai Bible 1901 (New Caledonia)

¹⁹ Ke ame ölö tavat ûheny hnyi Joridano hnyi bong a teniny tehi a bân, me hunuma hnyi Gilegala hnyi ke keihen e deiöiny Jeriko.

Josua 4:19 Iomraidhean Croise

II. Je Than 2:1

KE haba hnyi ûen ame he Iehova ka hum Elia hnyi drany ai a deny höu, me Elia ame tha he me Elisaia ûheny Gilegala.

Amosa 4:4

Ai öbun Beth-ela ai, me ânyâ monu; ke Gilegala ai, me osehia hnobun je hna hanyâûâ; ke hom anyibun je hut hnyi je hnyomakatu, ke anyibun je ke keihen a libenyitainy hwaban ta bong a kun hia;

Amosa 5:5

ke ca elâm bi hnyi Beth-ela, ke ca didro ka hnyi Gilegala, ke ca hanyâûâ Bere-seba ai: anyin e hnathu ame he Gilegala ka bâ, ke ame he ka ûnyi baû Beth-ela.

Mika 6:5

Lakeik lö, ûnykûme thö walang ang ge hna elâm gan hnö Baraka than Moaba, ke hnö Balaama nöku Beora hna thu kâu; ûnykûme ju hwân hnyi Sitima ke ne o but huyi Gilegala, me me khanʼ öbun Hwakecin ae wisa anyi Iehova.

Deuteronomi 1:3

Ke haba hnyi huna a fâte, hnyi tehi a eleveniny, hnyi bong a bâniny tehi, me haba Mose ame ha ka lakon Isaraela ta je ûnyi hia hoton hna hûna hnö Iehova kâu gadra;

Deuteronomi 11:30

Hawa ca hoton Joridano li dok e, cicö hna dit hnen seûno, hnyi hnyei ing at Kanana tavat adre me laba hnyi Araba cicö Gilegala hakekeny sawajo anyi More!

Josua 10:43

Ke haba Josua ame tha hmetu me at Isaraela hia, ka hnyi hna hunuma e Gilegala.

Josua 10:6

Ke haba at Gibeona ödrin e ûkhûnöng kö Josua hnyi hna hunuma Gilegala, me ha, ka habe, Ca he ka hnʼ ohmun lathnyabaem; ie he thö jem kohmun, me omeli ohmun, me hadruʼ ohmun: anyin a hia but ûkhacaköu kohmun je thaniny hia thithö at Amora, tavat ödrin e laba hnyi je bucen.

Josua 15:7

kʼ ame he bala bi hnyigöulen Debira ai, hwân hnyi hnyigöulen bucen Akora, ke helâe ka hnyi hwadrö cicö Gilegala, wale cicö gethen ame he Adumim ai, wale hnyi baten köiö ka hnyi hwaiöu: ke ame he bala hnyigöulen ka hnyi köiö Eni-semes, me ame um ju hnyi Eni-rogel:

Josua 24:11

Ke öbun e he hanyâûâ Joridano, me o hnyi Jeriko: ke ame vat möbun at Jeriko, me at Amora, me Perizi, me Kanana, me Heth, me Girigasa, me Hivi, me Jebusi; ke oge me hnʼ ödrin ka hnyi hny amöbun.

Josua 4:18

Ke e ka ölö thö tavat bihut hnyat ödrin e vadren tangen ûhihinyköu anyi Iehova ûnyi hnyi wanben Joridano, ke ame uto dok ae mada hnen hnyeûcan hnyat bihut, me ame khutu hmetu but köien Joridano ka hnyi hnen, me öliâ je baten helâ me et.

Josua 5:10

Ke ame hunuma hnyi Gilegala, lakon Isaraela; ke ödrin e ânyâ paseka hnyi bong a fortininy tehi hnyi sahac, hnyi dok ae tha hon hnyi Jeriko.

Josua 5:9

Ke haba Iehova ame ha kö Josua, ka habe, Oge hia but ohia hnyi bong ang ûnyi hnân ohmehma unyibun ûheny Aigupito. Anyin a wale adre me hwenyi ien dok eling Gilegala ke ne o but hnyi bong ang.

Josua 9:6

Me ödrin e he kö Josua hnyi hna hunuma e Gilegala, kʼ ödrin e ha kâu, me at Isaraela, ha habe, Ûhehmun hnyi hnyei ae sâkâû: ke walang ang e so öbun e ânyâ ûhihinyköu möhmun.

I. Samuela 10:8

Ke bâm dö Gilegala ai, ke ama bilik; ke wâ bi, oge me he ka utut köu he ka hudo je hudiny leû, me hudo je hudiny ûsököu: seven je bong u me he ka hulubahingen ke ne o but oge me o köu, me omanenâ köu ûnyi u me he ka ânyâ.

I. Samuela 15:33

Ke Samuela ame ha, ka habe, Hnen ânyâm hele vat hna öba nokon je momo, helâe adre me he ka öba nokon hinyâm unyin je momo. Ke Samuela ame susubö Agaga hnyi hnyimakö Iehova hnyi Gilegala.