Josua 4:10 - Iaai Bible 1901 (New Caledonia)

¹⁰ Anyin a haba hnyat bihut, wale hnyat vadren tang, me ödrin e tot hnyi wanben Joridano, ke ne o but adre umo hia waleji a hûna Iehova kö Josua he ka ha ka tavat, helâ me Mose ame hûna kö Josua: ke haba tavat adre me mweimwei me hanyâûâ.

Josua 4:10 Iomraidhean Croise

Salamo 119:60

Oge me mweimwei me ca bec bi, He ka tuö ânyâm ta je hnanyibu.

Esodo 12:39

Kʼ adre me le salawa adre op waleji adre hom ûnyi Aigupito, je ong areto adre ca levenâ bi, anyin adre ca levenâ: anyin adre obʼ odra ûnyi Aigupito, ke ca khanʼ odra bi he ka halubahingen, kʼ adre me ca bi kamec.

Ta je Vejec 27:1

U ma ca hobâ ge bong nyi, Anyin ae ca khanö u ûnyi ame he ka o hnyi bong.

At Khet 9:10

Haba hna wâ hnen li hnyamâm he ka ânyâ, ânyâ thö hnen hwegiâm; anyin ae ba huliwa, me ûnykûme, me wâhmakhmeto, me metâ, hnyi erkemok, u me he ka hnyin.

Isaia 28:16

anyin a wale ame ha Than Iehova, ka habe, Wâ bi, inya oge me ip hnyi Ziona veto hnân taben, a veto adre cubec, vetoiny ban kopiny ae gan hwaban hnân taben ae hmâ: kʼ ame ca he ka he mweimwei at ame labageju kâu.

II. Korinito 6:2

(anyin a haingen, ka habe, Oge me ling u hnyi ûen eji ae so, Ke oge me hadruo u hnyi bonginy möt: ke wâ bi, walang ûen ae so; wâ bi walang ang bonginy möt):

Deuteronomi 31:9

Ke haba Mose ame sihnalimen hnanyibu eang me ham e ka hnyat bihut a laku Levi, tavat adre me vadren tangen ûhihinyköu anyi Iehova, me wahingatiny at Isaraela hia.

Josua 24:11

Ke öbun e he hanyâûâ Joridano, me o hnyi Jeriko: ke ame vat möbun at Jeriko, me at Amora, me Perizi, me Kanana, me Heth, me Girigasa, me Hivi, me Jebusi; ke oge me hnʼ ödrin ka hnyi hny amöbun.

Josua 3:13

Ke e ka tot hnyi Joridano hnyeûcan je hnyat ödrin e vadren tang anyi Iehova, Thaniny hmeledrany hia, me ame he ka subâ luâ but köien Joridano, wale ûnyi hnyi köiö ame di ûheny hnyi hwadrö; ke ame he ka tot helâ me khölöki:

Josua 4:11

Ke a hia but tavat hia hanyâûâ, me ame hanyâûâ tang anyi Iehova, me tavat bihut minya unyin tavat.

Josua 4:9

Ke haba Josua ame hwa je veto a twelv eû hnyi wanben Joridano, hnyi dok ame tot hnyin li can hnyat bihut, hnyat ödrin e vadren tangen ûhihinyköu: ke ka eling ke ne o but hnyi bong ang.