Josua 3:6 - Iaai Bible 1901 (New Caledonia)

⁶ Ke Josua ame ha ka tavat bihut, ka habe, Vadren dö tangen ûhihinyköu, me hanyâûâ hnyi hnyimakan tavat. Me ödrin e hom tangen ûhihinyköu, me bodrin hnyi hnyimakan tavat.

Josua 3:6 Iomraidhean Croise

I. Je Than 8:3

Ke ame o hia but wahingatiny Isaraela, ke je at bihut ödrin e kap tang.

II. Man Ûlabainy Je Than. 5:4

Ke ame o but wahingatiny Isaraela hia, me at Levi ödrin e vadren tang.

Mika 2:13

Ame he at thö hnyi hnyimakodra: adre me hia but utut me be thö ka hnyi homagoule, me didrut hnyin: ke haba tuhödra ame he hnyi hnyimakodra, ke Iehova a hnyimakan kodra.

Numera 10:33

Ke adre me he but ûhedra hnyi bucen anyi Iehova hnyi kun ta bong; ke haba tangen ûhihinyköu ame he bân hnyi kun ta bong, he ka elâm hna menâ hobi ködra.

Numera 14:15

Ke walang ang u ka hlingâ tavat eang helâ me at a khaca, awe, ame he ka ha hnen je hnyei adre me löng ânyam lung, ka habe,

Heberu 6:20

waleji ame didro kâu Iesu at a bân hobi köta, anyin adre me wia e me me at bihut ae nua nyiele balua helâ me bongu Melekisedek.

Josua 3:3

ke ödrin e hûna ka tavat, ka habe, Öbun ka wâ tangen ûhihinyköu anyi Iehova Khongubun, kʼ ame vadren e tavat bihut, a at Levi, me öbun e he ka köûö ûheny hnyi hnobun, me hnu hoton.

Josua 3:5

Ke haba Josua ame ha ka tavat, ka habe, Okabi öbun dö, anyin a haba bong nyi me Iehova ame he ka ânyâ unyibun ta je ûnyi hnân lâiâ.

Josua 3:7

Ke haba Iehova ame ha kö Josua, ka habe, Oge me he ka hwân hnyi bong ang ka oganö u hnyi hnyimakan at Isaraela hia thithö, me me khanʼ ödra a tha inya möu, helâji me tha inya me Mose.

Josua 6:6

Ke haba Josua nöku Nuna ame hawâ tavat bihut, me ha ködra, ka habe, Hom dö tangen ûhihinyköu, ke hamen hnyat bihut a seven ka hom tilâ je trutruiny jubeli a seven hnyi hnyimakan tang anyi Iehova.