Josua 3:13 - Iaai Bible 1901 (New Caledonia)

¹³ Ke e ka tot hnyi Joridano hnyeûcan je hnyat ödrin e vadren tang anyi Iehova, Thaniny hmeledrany hia, me ame he ka subâ luâ but köien Joridano, wale ûnyi hnyi köiö ame di ûheny hnyi hwadrö; ke ame he ka tot helâ me khölöki:

Josua 3:13 Iomraidhean Croise

I. Man Ûlabainy Je Than. 29:11

E unyâm, Iehova lö, ûganiny, me man, me hmanenang, me hwege, me musi: anyin a ânyâm ta je ûnyi hia ethö hnyi drany me eang hmeledrany; e unyâm dökhu, Iehova lö, ke adre oganö u me me ban ta je ûnyi hia thithö.

Salamo 33:7

E ame ûkhacaköuâ köien köiö helâ me dok ae hut: E ame hip je waköiö hnyi je uma omjeû.

Salamo 74:15

U je khenâ luâ pupua me wadutö: U je ohmö ta je wagewe ae gan hmâ.

Salamo 78:13

E ame subâ luâ köiö, me bi dedra; Ke e ame otilâ köiö helâ me li kbölöki.

Esodo 15:8

Ame kakap goranyai köiö ûnyi ge homenâiny li hnyingoiâm, Ame tot wisa je di helâ me khölöki; Ame wahma thö köiö eû hnyi dok ae dit.

Isaia 54:5

Anyin a âiâm bi at a up u: haba ien, me Iehova tuhan sabaoth: ke haba at a ûcû melam, me Kabi Isaraela; adre me he ka hawâ e me Khongon hmeledrany hia thithö.

Habakuka 3:15

U je oheâ halem je hors eû hnyi köiö, Hnyi dok ame khibi hnyin goranyai köiö ae gan.

Zakaria 4:14

Ke haingen, ka habe, Wale li lakon wakaco, a li at ödru me tot hnyi hnyimakan Thaniny hmeledrany hia.

Josua 3:11

Wâ bi ame bân ka hanyâûâ hnyi hnyimaköbun ka hnyi Joridano, tangen ûhihinyköu anyin Thaniny hmeledrany hia.

Josua 4:7

Me öbun e he ka thu ködra, ka habe, Anyin adre subâ luâ köien Joridano hnyi hnyimakan tangen ûhihinyköu anyi Iehova: haba hnyi ûen e ame hanyâûâ Joridano, me adre subâ luâ köien Joridano: ke haba je veto ang me hnân oûnykûmeâ lakon Isaraela nyiele balua.