Josua 3:10 - Iaai Bible 1901 (New Caledonia)

¹⁰ Ke haingö Josua, ka habe, Walang haten mʼ öbun e he ka wâ a e bi unyibun Khong ae möt, kʼ ame he ka ti obâ hnyi hnyimaköbun at Kanana, me Heth, me Hivi, me Perizi, me Girigasa, me Amora, me Jebusi.

Josua 3:10 Iomraidhean Croise

Genese 15:21

me at Amora, me at Kanana, me at Girigasa, me at Jebusi.

I. Je Than 22:28

Ke haba Mikaia ame ha, ka habe, U je ne he ka o hmetu me hnahic, awe, a ca ha Iehova a deny inya. Me haingen, ka habe, Long ju öbun tavat hia thithö.

II. Je Than 19:4

Ame ne he Iehova Khongom ka long la je hofuc hia ho Rabesake, wale a kunâ than Asuria a tuhan he ka haikongoâ Khong ae möt, ke e ame he ka thawâ je hofuc a long Iehova Khongom: anyin a wale hic dö hobi kâu je kolon.

I. Man Ûlabainy Je Than. 1:14

me at Jebusi, me Amora, me Girigasa;

Salamo 42:2

E beic hanuk ka Khong, ka Khong ae möt: Ie ûen oge me he ka o me manen hnyin hnyi hnyimakan Khong?

Salamo 9:16

Ke haba Iehova ame omanenâ e bi, kʼ ame owisa: Kʼ ame hnok dö at ae kong ge huliwa anyin li hnyamen. [Higaiona. Sela.

Esodo 17:7

Ke e ame hwenyi ien dok eling Masa, me Meriba, can fuc a lakon Isaraela, me can hnödra hna cubic Iehova, me habe, Hawa, ka e Iehova unyita, ame ne ba?

Esodo 3:8

kʼ oge me utut ang he ka hûgûnʼ ödra ûnyi hnyi hnyamen at Aigupito, me hum ödra ûnyi hnyi hnyei eling ka hnyi ke hnyei ae so me au, a hnyei ame di hnyin debai me hane; a hnen at Kanana, me at Heth, me at Amora, me Perizi, me Hivi, me Jebusi.

Esodo 33:2

ke oge me he ka kunâ hnyi hnyimâkâm ke angela; ke oge me he ka obâ at Kanana, me Amora, me Heth, me Perizi, me Hivi, me Jebusi:

Isaia 7:14

Anyin a wale, ame he Than ka ham köbun haten; wâ bi, ame he hlu ka erkin, me hnokoâ da, me hwenyi ien e Emanuela.

Jeremia 10:10

Ke Iehova Khong ae hnathu, e thibi Khong ae mot, me Than nyiele balua: ame öbubuny hmeledrany hnyi anyin hmonyin, ke ca khana ta je hnyei ka tot hmâ hnyi anyin wathethot.

Hosea 1:10

Ke so bi haba numerainy lakon Isaraela, me ame he ka ûcû me ûnyin köiö, wale ae ca khana bi ke at he ka tuluto me aû numerainy; ke haba hnyi dok wale adre me ha kodra, ka habe, Ca lakeik ut öbun, me adre me he bi ka ha kodra, ka habe, Öbun lakon Khong ae mot.

Numera 13:29

Kʼ ame laba Amaleka hnyi ke keihen ka hnyi Hwaiöu: ke haba hnyi je bucen ame laba hnyat Heth, me Jebusi, me Amora: kʼ ame laba at Kanana hnyi hobat köiö me hnyi baten Joridano.

Mataio 16:16

Haba Simona Peteru ame thu me ha, ka habe, U thibi Keriso a Nokon Khong ae möt.

Ioane 6:69

Ke ohmun e hia but labageju me wâhmakhmeto a u thibi At ae Kap anyin Khong.

Deuteronomi 31:17

Ke ame he ka ubâhlâ anyik hmönyin ködra hnyi bong eling, ke oge me he ka, hna degeci ödra, me ikhâlâ hnyimakök gadra, kʼ adre me he ka ön ödra, ke ame he ka o ködra je hulö me vec ae se; mʼ adre me he ka ha hnyi bong eling, ka habe, Hawa, ame ca o köta je hulö ang can Khong a ca tha e möta?

Deuteronomi 5:26

Anyin a ewa at unyin tavat hia ame löng hwan Khong ae möt ame fuc hnyin meic helâ me hnöhmun hna löng, kʼ ame möt bi?

Deuteronomi 7:1

E KA hia but Iehova Khongom hum u ka hnyi hnyei wale u me he ka hnyin he ka hu e, ke e ka hia but oc degecâ je hnyei ae se hia hnyi hnyimâkâm, a at Heth, me Girigasa, me Amora, me Kanana, me Perizi, me Hivi, me Jebusi, wale seven je hnyei ae gan me hwege hom;

Deuteronomi 7:21

U ma ca he ka outʼ ödra, anyin a e bi unyâm Iehova Khongom, Khong ae gan me hnân outen.

I. Thesalonika 1:9

Anyin a ödra bi adre me haimemenʼ öhmun je bongon ioihmun köbun; me hnobun hna hwio ka Khong ûnyi ge ta je hnatheat, he ka bi athnyaba ka Khong ae möt me hnathu,

Heberu 10:31

Hnân outen hmonyin he ka ta ka hnyi li hnyamen Khong ae möt.

Josua 11:3

me tavat Kanana e deiö me jio, me at Amora, me Heth, me Perizi, me at Jebusi hnyi je bucen, me at Hivi hmelen Heremona hnyi hnyei Mizepa.

Josua 12:8

hnyi hnyei ae hut, me hnyei ae ca hut me je dok ae tha hon, me je hwatapkolu, me hnyebuba, me hnyi Hwaiöu; a at Heth, me Amora, me Kanana, me Perizi, me Hivi, me Jebusi:

Josua 21:45

Ke ame ca haû ke hofuc hnyi ta je hofuc ae so ame ba Iehova ka lap anyin at Isaraela; kʼ ame hwâdâ hia.

Josua 22:31

Ke haba Fineasa nöku Eleazara at bihut ame ha ka laku Reubena, me laku Gada, me laku Manase, ka habe, E khanʼ otin dut hnyi bong ang a e unyita Iehova, anyin a öbun e ca ânyâ monu ang kö Iehova: walang öbun e omelö lakon Isaraela ûnyi hnyi hnyamö Iehova.

Josua 24:11

Ke öbun e he hanyâûâ Joridano, me o hnyi Jeriko: ke ame vat möbun at Jeriko, me at Amora, me Perizi, me Kanana, me Heth, me Girigasa, me Hivi, me Jebusi; ke oge me hnʼ ödrin ka hnyi hny amöbun.

Josua 3:9

Ke Josua ame ha ka lakon Isaraela, ka habe, Ai öbun, me long je hofuc ho Iehova Khongubun.

Josua 9:1

KE haba je than hia ödrin e long, walʼ ödrin hnyi ke keihen Joridano e jio hnyi je bucen me hnyei ae ca hut, me hnyi hobat köien köiö ae gan hia cicö Lebanona, wale at Heth, me Amora, me Kanana, me Perizi, me Hivi, me Jebusi;

I. Samuela 17:26

Haba Davita ame ha ka tavat adre me tha tot mē, ka habe, Ieû adre me he ka ânyâ ka at, at ame he ka hlingâ at Filisiti e, me ohia hmehma ûnyi ge at Isaraela? anyin a ia at Filisiti ang adre ca peretomonâ, me e ame he ka humbasö je vat anyin Khong ae möt?

I. Samuela 26:6

Ke Davita ame ha kö Abimelek at Heth, me Abisai nöku Zeruia, liamekeiny me Joab, ka habe, Ie at ame he ka tha utut mönya kö Saulo ka hnyi hna hunuma? Haingö Abisai, ka habe, Ötu he.