Josua 24:7 - Iaai Bible 1901 (New Caledonia)

⁷ Ke adre me tenge kö Iehova, me e ame ip menekholom wanböbun me at Aigupito, me okhuto hudrin köiö me hûlûlû ödra; ke a wâ but je emaköbun ûnyi oge me ânyâ hnyi Aigupito: ke öbun e laba hnyi hnyebuba hnyi je bong ae se.

Josua 24:7 Iomraidhean Croise

Esodo 14:10

Ke Farao ame hakekenyâ, me lakon Isaraela adre me wâ, ke wâ bi ame hnu hotudra at Aigupito; kʼ adre me ot gan hmâ: ke lakon Isaraela adre me tenge kö Iehova.

Esodo 14:20

ke ame he me tot hnyi wanben hunuma anyin at Aigupito me hunuma anyin at Isaraela; ke wale bi eling ûlâ me menekholom minya, ke so bi ame omelamâ hnyinghet: kʼ ame ca hakekenyâ ke at ka ke at hnyi lit hia.

Esodo 14:31

Ke a wâ but at Isaraela huliwa ae gan ame ânyâ Iehova hon at Aigupito, me me outö Iehova tavat: ke adre me labageju kö Iehova me Mose a athnyabainy.

Deuteronomi 1:46

Me öbun e laba ju Kedesi hnyi je bong ae se hia, hoton je bong öbun e labā e.

Deuteronomi 2:14

Ke haba ûseiny je bong ate me he ûheny Kadesi-banea, ke ne but ate me hanyâûâ wagewe Zareda, me thote eit je huna; ke ne o but ame ba hia döiny aten vat hnyi hnyei, helâ me Iehova ame khemanyin ködra.

Deuteronomi 29:2

Ke haba Mose ame hawâ at Isaraela hia thithö, me ha ködra, ka habe, Öbun e wâ ta je ûnyi hia a ânyâ Iehova kö Farao hnyi hnyimaköbun hnyi hnyei Aigupito, me lathnyabainy, me iny hnyei hia:

Deuteronomi 4:34

Ke hawa, hwakecin Khong he ka he me hom hnyei hnân hobi kâu ûnyi hnyi ke hnyei, ge je ûcûbic, me je haten, me je ûnyi hnân lâiâ, me vat, me hnyam ae hwege, me benyin adre hai, me je ûnyi ae gan hnân outen, hoton ta je ûnyi hia waleji a ânyâ Iehova Khongubun hobi köbun hnyi hnvimaköbun hnyi Aigupito?

Heberu 3:17

Ke ie tavat ame hmak hnyekon kodra hnyi je huna a fâte? hawa, ca ödra tavat adre me ânyâ hulo, waleji a kolu but je unyidra eû hnyi hnyebuba?

Josua 5:6

Anyin a haba lakon Isaraela adre me vheno hnyebuba fâte je huna, ke ne o but ame hia tavat adre hnyi vat ûhedra Aigupito, anyin adre me ca long hoton hofuc ho Iehova: me Iehova ame khemanyin ködra a gʼ ame ca he ka omanenâ ködra hnyei, waleji a khemanyin Iehova ka lakamödra he ka ham köta, wale hnyei ame di ge debai me hani.