Josua 24:11 - Iaai Bible 1901 (New Caledonia)

¹¹ Ke öbun e he hanyâûâ Joridano, me o hnyi Jeriko: ke ame vat möbun at Jeriko, me at Amora, me Perizi, me Kanana, me Heth, me Girigasa, me Hivi, me Jebusi; ke oge me hnʼ ödrin ka hnyi hny amöbun.

Josua 24:11 Iomraidhean Croise

Genese 15:19

at Keni, me at Kenaza, me at Kademoni,

Salamo 105:44

Me e ame ham kodra ta je hnyei iny aten ke je hnyei; Mʼ adre me he ka hu hobi kodra bi huliwa hnen aten ke je hnyei:

Salamo 114:3

A wâ but hnen köiö, me ame kec ut; Ame ohmetu thö Joridano.

Salamo 114:5

Köiö lö, ieû can gam, me u me kec ut? Me u Joridano, a u je hmetu ju?

Esodo 13:5

Ke e ka he Iehova ka hum u ka hnyi hnyei Kanana, me Heth, me Amora, me Hivi, me Jebusi, waleji a khemanyin ka lakâmâm he ka hani köu, a hnyei ame di ge dân basin me hani, me u ma he ka ânyâ huliwa eang hnyi tehi eang.

Esodo 23:23

Anyin ame he anyik angela ka hnyimakan ânyâm bunyen, me hum u ka at Amora, me Heth, me Perizi, me Kanana, me Hivi, me Jebusi: kʼ oge me he ka ohiʼ odra.

Esodo 23:28

Ke oge me he ka kunâ bânâ wahankânâ wale ame he ka obâ at Hivi, me Kanana, me Heth ûnyi hnyi hnyimâkâm.

Esodo 23:31

Ke oge me he ka si hnyigöulâm hwân hnyi Köiö ae Dra ke ne o but ka hnyi köien at Filisiti, ke hwân hnyi hnyebuba ke ne o but hnyi Wagewe: anyin oge me he ka hna ka hnyi hnyamöbun tavat adre me labâ hnyei; kʼ u me he ka obʼ odra hnyi hnyimâkâm.

Esodo 3:17

kʼ oge hia but ha a oge me he ka hum öbun ûnyi hnyi ta je vec hnyi Aigupito ka hnyi hnyei iny at Kanana, me Heth, me Amora, me Perizi, me Hivi, me Jebusi, wale hnyei ame di hnyin debai me hani.

Esodo 3:8

kʼ oge me utut ang he ka hûgûnʼ ödra ûnyi hnyi hnyamen at Aigupito, me hum ödra ûnyi hnyi hnyei eling ka hnyi ke hnyei ae so me au, a hnyei ame di hnyin debai me hane; a hnen at Kanana, me at Heth, me at Amora, me Perizi, me Hivi, me Jebusi.

Esodo 33:2

ke oge me he ka kunâ hnyi hnyimâkâm ke angela; ke oge me he ka obâ at Kanana, me Amora, me Heth, me Perizi, me Hivi, me Jebusi:

Ta je huliwa 13:19

Ke a hia but ohia je hnyei a seven hnyi hnyei Kanana, e ame khene idra mʼ adre me labâ helâke foa haded me fifte je huna:

Ta je huliwa 7:45

Ke haba lakamöta unyi Josua, me adre me hom ûnyi eling hnyi ûen adre me kap hnyei iny Aten ta je hnyei, waleji hnen Khong hna obâ hnyi hnyimakan lakamöta, ke ne o but hnyi ta je bong bongu Davita;

Deuteronomi 7:1

E KA hia but Iehova Khongom hum u ka hnyi hnyei wale u me he ka hnyin he ka hu e, ke e ka hia but oc degecâ je hnyei ae se hia hnyi hnyimâkâm, a at Heth, me Girigasa, me Amora, me Kanana, me Perizi, me Hivi, me Jebusi, wale seven je hnyei ae gan me hwege hom;

Josua 3:10

Ke haingö Josua, ka habe, Walang haten mʼ öbun e he ka wâ a e bi unyibun Khong ae möt, kʼ ame he ka ti obâ hnyi hnyimaköbun at Kanana, me Heth, me Hivi, me Perizi, me Girigasa, me Amora, me Jebusi.

Josua 4:1

KE adre hia but hanyâûâ Joridano hnen tavat hia thithö, haba Iehova ame ha kö Josua, ka habe,

Josua 4:19

Ke ame ölö tavat ûheny hnyi Joridano hnyi bong a teniny tehi a bân, me hunuma hnyi Gilegala hnyi ke keihen e deiöiny Jeriko.

Josua 4:23

Anyin a Iehova Khongubun ame ohmö köien Joridano hnyi hnyimakö-bun, ke ne e but öbun e hia but hanyâûâ, helâ me Iehova Khongubun ame ânyâ ka hnyi Köiö ae Dra, waleji e ame ohmö hnyi hnyimakötin ke ne o but otin e hia but he hanyâûâ;

Josua 9:2

me ödrin e ûkhacaköu he ka tot metâ kö Josua me at Isaraela hnyi hnyok a khaca.