Josua 23:9 - Iaai Bible 1901 (New Caledonia)

⁹ Anyin a hia but Iehova obâ hnyi hnyimaköbun je hnyei ae gan me hwege: ke haba öbun, me ba at ame tot hnyi hnyimaköbun ke ne o but hnyi bong ang.

Josua 23:9 Iomraidhean Croise

I. Je Than 21:26

Ke e ame ânyâ ûnyi ae ikiki hnyi hnen hna hnu hoton je idola, helâ me hna ânyâ hia ge at Amora, waleji ame obʼ ödra Iehova hnyi hnyimakan lakon Isaraela.)

II. Man Ûlabainy Je Than. 20:7

Hawa Khonguhmun lö, ca u at ame obâ tavat adre me labā hnyei ang hnyi hnyimakan lakem a at Isaraela, me ham e ka mâtrâni Aberahama a hânâm nyiele balua?

Esodo 23:23

Anyin ame he anyik angela ka hnyimakan ânyâm bunyen, me hum u ka at Amora, me Heth, me Perizi, me Kanana, me Hivi, me Jebusi: kʼ oge me he ka ohiʼ odra.

Esodo 23:30

Ke oge me he ka obʼ odra ûhnyûkong tot hnyi hnyimâkâm ke ne o but u me se hia, me labâ hnyei.

Ta je huliwa 7:45

Ke haba lakamöta unyi Josua, me adre me hom ûnyi eling hnyi ûen adre me kap hnyei iny Aten ta je hnyei, waleji hnen Khong hna obâ hnyi hnyimakan lakamöta, ke ne o but hnyi ta je bong bongu Davita;

Deuteronomi 11:23

awe, ame he Iehova ka obâ je hnyei hia eang ûnyi hnyi hnyimaköbun, ke öbun e he ka hu je hnyei ae gan me hwege hubun.

Deuteronomi 7:24

Ke e ame he ka hna anyidra je than ka hnyi hnyamâm, ke u ma he ka ohia je iödrin eang hmeledrany: e ba at ae khana he ka tot hnyi hnyimâkâm, ke ne o but u je hia but ohiʼ ödra.

Josua 1:5

E ba at ame he ka khana ka tot hnyi hnyimâkâm hnyi je bong bongon ânyâm möt; oge me he ka tha inya mou helâji me hnok hna tha e me Mose: ame ca he ka hiö nya unyâm me hna degeci u.

Josua 15:14

Ke haba Kaleba ame obâ je laku Anaka a kun ûheny e, jia Sesai, me Ahiman, me Talemai, a laku Anaka.

Josua 23:5

Ke ame be Iehova Khongubun ka obʼ ödrin hnyi hnyimaköbun, me ohiʼ ödrin unyibun; ke ame he bi ka hwajekhöubun idrin hnyei helâji me Iehova Khongubun ame ha köbun.

Josua 23:8

ke so bi öbun e he ka kece kö Iehova Khongubun, helâ me hnobun hna ânyâ ke ne o but hnyi bong ang.

Josua 24:18

ke Iehova ame obâ tavat hia thithö hnyi hnyimakötin, wale at Amora tavat adre me labā hnyei: anyin a wale ohmun e he minya ka bi athnyabai Iehova; anyin a e Khongutin.