Josua 23:5 - Iaai Bible 1901 (New Caledonia)

⁵ Ke ame be Iehova Khongubun ka obʼ ödrin hnyi hnyimaköbun, me ohiʼ ödrin unyibun; ke ame he bi ka hwajekhöubun idrin hnyei helâji me Iehova Khongubun ame ha köbun.

Josua 23:5 Iomraidhean Croise

Esodo 23:20

Wâ bi, inya oge me kunâ angela he ka bân hnyi hnyimâkâm he ka tuö u eû hnyi gethen, me hum u ka hnyi dok oge hia but penapena.

Esodo 33:2

ke oge me he ka kunâ hnyi hnyimâkâm ke angela; ke oge me he ka obâ at Kanana, me Amora, me Heth, me Perizi, me Hivi, me Jebusi:

Esodo 34:11

Wâ wia hnök hna hûna köu hnyi bong ang: wâ bi, oge me he ka obâ hnyi hnyimâkâm at Amora, me Kanana, me Heth me Perizi, me Hivi, me Jebusi.

Deuteronomi 11:23

awe, ame he Iehova ka obâ je hnyei hia eang ûnyi hnyi hnyimaköbun, ke öbun e he ka hu je hnyei ae gan me hwege hubun.

Josua 13:6

je aten hia adre me laba hnyi je bucen, hwân Lebanona ke ne o but Miserefa-maim, me at Zidona hia; oge me he ka obʼ ödra hnyi hnyimakan lakon Isaraela: ke so bi hamâm he ka khenâ e hnen ugleköb hnân iny at Isaraela, helâ me hnok hna hûna köu.

Owisa 2:21

awe, oge me ca he hmetu ka obâ je hnyei hobi ködrin a je kolon hnyi ûen mok a Josua: