Josua 23:3 - Iaai Bible 1901 (New Caledonia)

³ öbun e hia but wâ ta je ûnyi a ânyâ Iehova Khongubun ka je hnyei hia eang cabun: anyin a Iehova Khongubun, me wale at ame vat hobi köbun.

Josua 23:3 Iomraidhean Croise

Esodo 14:14

Ame he Iehova ka vat sing öbun, kʼ öbun e he ha laba hayibû.

Esodo 19:4

Öbun e wâ but hnök hna ânyâ ka at Aigupito, a oge köp öbun hon labenyin aeto, me hum öbun könya.

Ezekiela 20:28

Anyin a hnyi ûen oge me hum ödra ka hnyi hnyei, waleji oge me hinöbeny göranyai he ka ham kodra, kʼ adre me wâ je hut hia ae beû, ke je ûö hia ae hlau, me adre me hudo eling anyidra je hut, me ham eling anyidra bwihlany at ame okûâ hmonyin, ke adre me obosoâ anyidra bo so, ke adre me hingâlâ eling hudiny anyi dra ic.

Malaki 1:5

Ke ame he je emaköbun ka wâ, ke öbun e he ka ha, ka habe, E so adre me oganö Iehova hnyi je ke keihen hoton hnyigöuleny Isaraela.

Deuteronomi 1:30

Haba Iehova Khongubun at ame he hnyi hnyimaköbun me e ame he ka vat hobi köbun, helâ me hnen hna ânyâ hobi köbun hnyi hnyei Aigupito hnyi hnyimaköbun:

Deuteronomi 20:4

anyin a Iehova Khongubun ame tha he möbun he ka omeli öbun.

Deuteronomi 4:9

Ke so bi o u âu, me tuö u wia, wâ u nye hnying ta je ûnyi u je wâ, ke wâ e nye hia ta je ûnyi e hnyi hnyekom, hnyi ta je bongon ânyâm möt; ke u me he ka ûnö e ka lakom me laöbem;

Deuteronomi 7:17

U je ne ha hnyi hnyekom, ka habe, E gan je hnyei eling huk, kʼ oge ma kâmâu ka he ka hnyi hnödra!

Deuteronomi 7:24

Ke e ame he ka hna anyidra je than ka hnyi hnyamâm, ke u ma he ka ohia je iödrin eang hmeledrany: e ba at ae khana he ka tot hnyi hnyimâkâm, ke ne o but u je hia but ohiʼ ödra.

Josua 10:14

Ke ba ke bong helâe ehac ke hwaban e, wale Iehova ame löng ifucin at: anyin a Iehova ame vat hobi kâu at Isaraela.

Josua 10:42

Ke haba Josua ame hûgûnâ je than eling hia me idrin je hnyei hnyi khaca thibi ûen, anyin a Iehova Khongon Isaraela ame vat hobi kâu at Isaraela.

Josua 23:10

Ame he at a khaca gabun ka hnu thauzan: anyin a Iehova Khongubun ame vat hobi köbun, helâ me hnen hna ha köbun.