Josua 23:16 - Iaai Bible 1901 (New Caledonia)

¹⁶ Öbun ka he ka hanyâûâ ûhihinyköu anyi Iehova Khongubun, wale e ame hûna köbun, me he ka bi athnyaba ke je khong bi me khudrung ködrin: awe, ame he ka ubâhlâ hmönyin anyi Iehova köbun, ke ame he ka logot hiʼ öbun ûmyi hnyi hnyei ae so wale e ame hia but ham köbun.

Josua 23:16 Iomraidhean Croise

I. Je Than 14:15

Anyin ame he Iehova ka kot Isaraela helâ me hna jijingâ sa hlowe hnyi an; ke e ame he ka oc me wân Isaraela ûnyi hnyi hnyei ang ae so, waleji e ame ham ka je lakam-ödrin, me ovesei ödrin ka hnyi ke keihen hoton Wagewe; anyin a ödrin e hia but theati Aseira, me okûâ hmonyin anyi Iehova.

I. Je Than 9:6

Ke öbun e ne hmetu gak, ame ne lakom bi, me ca tuö bi hnok je hna hûna me anyik je hnanyibu, wale oge hia but ip hnyi hnyimaköbun, he ka he me bi athnyabainy je khong baû, me khudrung ködrin:

I. Je Than 9:7

awe, oge me he ka subâ degeci Isaraela ûnyi hnyi hnyei wale oge ham ködrin; ke haba uma ang oge okabâ hobi kâu iök, me oge me he ka degec ûnyi hnyi hnyimakök; ke ame he Isaraela ka tot hnân hofuc vejec me hluma hnyi ta je hnyei hia:

II. Je Than 17:7

Ke helâe anyin a je lakon Isaraela ame kong hwakecidrin kö Iehova Khongudrin, at a hum ödrin ûnyi hnyi hnyei Aigupito ûnyi hnyi hmelen hnyamö Farao than Aigupito, me outen je khong,

II. Je Than 24:20

Ke haba Iehova ame hmonyin ka Jerusalema me Juda ke ne o but e ame digic ödrin hnyi hnyimakan bi: ke haba Zedekia ame hna degecâ than Babulona.

Isaia 24:5

E ikiki hnyei hmelen tavat adre me labā e; anyin adre me hanyâûâ ta je hnanyibu, me wia hna otilâ, me thu hna ûhihinyköu a nyiele balua.

Jeremia 32:23

ke adre me o ka hnyin, me labā e; ke so bi, adre me ca löng hwâm hofuc, ke adre me ca vheno bi ânyâm je hnanyibu; ke adre ca ânyâ ke ûnyi hnyi je ûnyi hia thithö u je hûna kodra: anyin a wale, u me oâ kodra ta je ûnyi hia eang ae kong:

Jeremia 32:24

wâ bi je kânâ adre hlu goranyai, adre me o but hnyi taun he ka hûgûnâ e; ke adre me hna taun ka at Kaledaia, tavat adre me vat më, can hele vat, me hmiâ, me mok ae cap: ke ame hwâdâ thö hnâm hna ha; ke, wâ bi, u je wâ.

Numera 33:56

Me haba ta je ûnyi waleji oge me ûnykûme he ka ânyâ ködra, me wale oge me he ka ânyâ köbun bi.

Deuteronomi 17:3

kʼ ame he me bi athnyabainy ke je khong me khudrung ködrin, ame ne seûno, ame ne tehi, ame ne ke ûnyi hnyi drany, wale oge ca hûna;

Deuteronomi 28:15

Ke u je ca löng hofuc ho Iehova Khongom he ka wâ wia me ânyâ anyin je hnanyibu hia, me hnen je hna hûna, wale oge me hûna köu hnyi bong ang; me ame he ka o köu me hom tilö u ta je hnaûhango hia eang.

Deuteronomi 6:15

anyin a haba Iehova Khongom unyâm, me, Khong ame ciâ; wâ e nye ubâhlâ hmönvin anyi Iehova Khongom köu, ke e ame ohiö u but ûnji hnyi hon kânâ.

Owisa 2:14

Me ame ubâhlâ thö hmonyin anyi Iehova ka at Isaraela, me e ame hnʼ ödrin ka hnyi hnyamen hnyat sei me sei ödrin, me e ame ûcû ödrin me je iwahnaihmiony mödrin igigilo, me me ca khanʼ ödrin hmetu bi he ka tot hnyi hnyimakan je iwahnaihmiony mödrin.

Owisa 2:20

Me ame ubâhlâ thö hmonyin anyi Iehova ka at Isaraela; me e ame ha, ka habe, anyin a hia but tavat eang hanyâûâ anyik ûhi-hinyköu, waleji oge me hûna ka lakamödrin, me ca long hok hofuc;

I. Samuela 12:25

Ke öbun e ne be bala ka ânyâ hwakecin ae kong, awe, adre me he ka tha ohiʼ öbun me tuhöbun.