Josua 23:12 - Iaai Bible 1901 (New Caledonia)

¹² Ke öbun e ne hmetu ju, me kece ka je kolon je hnyei eling, wale je kolon unyibun, me faipoipo mödrin, me he ködrin, ke ödrin, ödrin e he köbun:

Josua 23:12 Iomraidhean Croise

Genese 2:24

Waleling me me he at ka hna kamen me hinyen, me kece ka âiân; kʼ ame he ka khaca thibi unyidru.

Genese 34:3

Kʼ ame kece but hnyekon kö Dina nöku Jekob, ke e ame betenge ka hlu, me fuc menyik ka hlu.

I. Je Than 11:2

ûnyi hnyi je hnyei waleji a ha Iehova ka lakon Isaraela, ka habe, Ca he öbun ködrin, ke khaca ödrin e ca he ka he köbun: anyin ae hnathu ödrin e he ka wia je hnyekubun he ka hnu hoton je khongudrin: me ame kece hnyeku Solomona ködrin.

I. Je Than 11:4

Anyin ae ka hingat ut Solomona, haba laâiân ödrin e wia thö hynekon he ka hnu hoton je khong me monu: ke e ca bekhot bi hnyekon kö Iehova a Khongon, helâ me hnyeku Davita a kamen.

Salamo 125:5

Ke haba tavat adre me saû ka hnyi ta je gethen ae hwali, Ame he Iehova ka hum ödra he ka tha he me tavat adre me ânyâ hulo. E so e e hon Isaraela hnahic.

Salamo 36:3

E kong me iyawö ta je hofuc ûnyi hnyi hnyimen: E ame ca metâ hmetu me ânyâ so.

Isaia 1:4

Ekölö gam hnyei ae kong hwakecin, tavat ae hmak ut ge hulo, mâtrâniny tavat adre ânyâ monu, je lakon adre he hwali: adre hia but hna degeci Iehova, me hûkotiâ Kapi Isaraela, adre me atkanyua but me hmetu hmetu but.

Ezekiela 18:24

Ke ame ne hmetu at ae wisa ûnyi hnyi anyin hwakecin ae wisa, kʼ ame ânyâ bi hulo, kʼ ame ânyâ hia je ûnyi ae ikiki wale ame ânyâ at ae kong, hawa, e ame he bi ka möt? Haba ta je hwakecin hia ae wisa waleji e ame ânyâ, me adre me ca he hmetu ka ha: ke haba anyin monu waleji e ame monu hnyin, ke anyin hulo waleji e ame hulo hnyin, me e ame he ka moko.

Zefania 1:6

ke tavat adre me hmetu unyi Iehova; ke tavat adre me ca elöm Iehova, me ca hnö e.

Mataio 12:45

Me e ame he but me tha hom mē je hanu a seven ae beönua anyidrin monu hon e, ke ödrin e didro me laba eling: ke haba obiny ka at eling, ame he ka kong hon a bân. Ke ame he ka helâe minya ka dö ang ae kong.

Ioane 6:66

Anyin a wale, e se hia laten adre me hmetuhmetu me ca tha he hmetu mê.

Roma 12:9

E so betenge ke ba thoi hnyin. Ikikiâ thö ûnyi ae kong; kece ju ka ûnyi ae so.

Deuteronomi 6:15

anyin a haba Iehova Khongom unyâm, me, Khong ame ciâ; wâ e nye ubâhlâ hmönvin anyi Iehova Khongom köu, ke e ame ohiö u but ûnji hnyi hon kânâ.

Deuteronomi 7:3

ke haba khaca u me ca he ka ûhok ta momo mödra; u me ca he ka ham nokom hlu ka nokon baga, ke u me ca he ka hom nokon hlu hobi kâu nokom baga.

Deuteronomi 7:4

Anyin a e ame he ka okâ nokom unyik, me me he ka bi athnyabainy ke je khong: me ame he ka ubâhlâ hmönyin anyi Iehova köbun, ke e ame he ka ie ohiö o.

Josua 23:11

Anyin a wale wâ wia bi öbun he ka hnyok kö Iehova Khongubun.

I. Ioane 2:9

Haba at ame ha, ka habe, e but hnyi melam, ke ame hûkotiâ bi liamekeiny më, awe, e bala bi hnyi lit ke ne o but walang ang.

Owisa 14:3

Haba kamen me hinyen ödru me ha kâu, ka habe, Hawa, e ba momo nokon je liamekeiny mou, me ik hnyei hia, mʼ u me he ka hok âiâm unyin at Filisiti adre ca peritomonâ bi? Ke haingö Samasona ka kamen, ka habe, He thö ka hom e hobi könya anyin ae so e könya.

Owisa 3:6

ke adre me hom lakudrin je hlu me me laöiödra, me ham lakudra bi je hlu ka lakudra obaga, me bi athnyabainy je khongudrin.