Josua 22:9 - Iaai Bible 1901 (New Caledonia)

⁹ Me ame he hmetu je laku Reubena, me je laku Gada, me hafiny tribu Manase ge lakon Isaraela ûheny Silo hnyi hnyei Kanana, he ka he ka hnyi hnyei Gileada, ka hnyi idrin hnyei, wale ae hu gadrin, helâji me hna ha hnö Iehova a deny Mose.

Josua 22:9 Iomraidhean Croise

II. Samuela 2:9

me otilâ e ka than hon at Gileada, me Asuri, me Jezerela, me Eferaima, me Beniamina, me Isaraeli hia.

I. Man Ûlabainy Je Than. 5:9

ke e ame laba e deiö ke ne o but hnyi gethen ame he ka hnyi hnyebuba hnyi wagewe Euferati: anyin ame si but haledrin je meno hnyi hnyei Gileada.

Salamo 60:7

Anyik bi Gileada, ke anyik Manase; Ke singiny bok Eferaima; Ke Juda anyik uciny musi.

Numera 32:1

KE haba laku Reubena, me laku Gada ödrin e tren omeno ae se hia: ke ödra adre me wâ hnyei Jazera, me hnyei Gileada, me wâ bi, hnyei ae so hobi kâu ta je meno;

Numera 32:20

Ke haba Mose ame thu ködrin, ka habe, Öbun e ne he ka ânyâ ûnyi e; wale öbun e ne he ka penapena he ka he hnyi hnyimakö Iehova he ka hnyi vat e helë,

Numera 32:22

me hom ûhnyûkongo hnyei hnyi hnyimakö Iehova: awe, öbun e he ka hmetu hwaban e, kʼ ame he ka ba hulö gabun hnyi hnyimakö Iehova, me hnyi hnyimakan at Isaraela; ke haba hnyei eang, me ibun bi hnyei hnyi hnyimakö Iehova.

Numera 32:26

Ame he lakuhmun me laöiöhmun, me halehmun je hnahat mamoe, me halehmun je meno hia ka laba hnyi je taun e Gileada:

Numera 32:29

Ke Mose ame ha ködra, ka habe, Ame ne tha he möbun laku Gada me laku Reubena ka hanyâûâ Joridano, a je hnyat hia adre hom omjehen vat, hnyi hnyimakö Iehova, me hom ûhnyûkongoâ hnyei hnyi hnyimaköbun; awe, öbun e he ka ham ködra hnyei Gileada me me idra bi:

Deuteronomi 3:18

Ke oge me hûna köbun hnyi ûen eling, ka habe, Haba Iehova Khongubun ame ham köbun hnyei eang he ka labā: ke öbun e be ka penapena ûnyi hnân vat me hanyâûâ hnyi hnyimakan je liamekeiny möbun a lakon Isaraela, tavat hia ae hwege.

Deuteronomi 3:20

ke ne o but Iehova ame he ka omenâ je liamekeiny möbun, helâ möbun, me bu gadra hnyei waleji Iehova Khongubun ame ham ködra hnyi ke keihen Joridano: me öbun e he ka ve hmetu ka hnyi je gabun wale oge ham köbun.

Deuteronomi 34:1

KE haba Mose ame ölö ûheny hnyi dok ae thahon hnyi Moaba, ka hnyi hon bucen Nebo, ka hnyi ban Pisega, cicö Jeriko. Ke Iehova ame omanenâ kâu hnyei Gileada hia ke ne o but Dana;

Josua 13:11

me Gileada, me hnyigöulen at Gesuri, me at Maaka, me bucen Heremona hia, me Basana hia ke ne o but Saleka;

Josua 13:25

Ke haba hnyigöulödrin me Jazera me je taun hia hnyi Gileada, me hafiny hnyei iny laku Amona, ke ne o but Aroera cicö Raba;

Josua 13:31

me hafiny Gileada, me Aseterotha, me Ederei, a je tauniny dökhu dökhu Oga hnyi Basana, hnân hobi kâu je laku Makir nöku Manase, hobi kâu ke hafiny laku Makir hoton anyidrin je lap.

Josua 22:10

Ke ödrin e o hnyi baten Joridano hnyi hnyei Kanana, me haba je laku Reubena, me je laku Gada, me hafiny tribu Manase ödrin e otilâ taben hut hnyi Joridano, tap ae gan hnân wâ.

Owisa 20:1

ME haba lakon Isaraela hia thithö adre me he, me ame ûkhacaköu tavat helâ me at a khaca, hwân hnyi Dana ke ne o but hnyi Bere-seba, a tha ödra me hnyei Gileada, unyi Iehova hnyi Mizepa.

Owisa 5:17

Gileada ame laba hnyi hoton Joridano: Ke ieû ga Dana, me e ame laba bala hon je hu? Ke ame laba baû Asera hnyi hobat köiö Me laba hnyi anyin je bwedua