Josua 22:8 - Iaai Bible 1901 (New Caledonia)

⁸ me ha ködrin, ka habe, He hmetu thö ka hnyi umöbun je uma me tang omjeû ae gan, me je meno ae se hia hmönyin, me sileva, me gol, me bras, me fao, me je ûkhaû ae ti se hia: öbun e he ka tha khenâ me je liamekeiny möbun je ûnyi adre hûgûnâ ûnyi ge je iwahanaihmiöny möbun.

Josua 22:8 Iomraidhean Croise

I. Man Ûlabainy Je Than. 5:9

ke e ame laba e deiö ke ne o but hnyi gethen ame he ka hnyi hnyebuba hnyi wagewe Euferati: anyin ame si but haledrin je meno hnyi hnyei Gileada.

II. Man Ûlabainy Je Than. 17:5

Anyin a wale Iehova ame otethmâ dokhu hnyi hnyamen; ke haba at Juda hia ödrin e hom kö Jehosafata je bwihlany; ke e gan hmâ anyin omjeû me hmanenanginy.

II. Man Ûlabainy Je Than. 32:27

Ke ti gan hmâ omjeû me hmanenangi Hezekia: me e ame ânyâ hobi kâu bi je uma hnân ip sileva me gol, me je veto ae ûnyi hnathu, me je utö ae bo so, me je bec, me je kaia ae so ae ve hwakecin;

Salamo 68:12

Ame kec je tuhan je utbavat, adre me kec dö: Ke haba momo ame laba eiö hnyin uma ame khenâ omjeû adre söh.

Ta je Vejec 3:16

E se hia ta je bong hnyi benyin a metân; Ke tang omjeû, me hna ogânâ hnyi benyin a meny.

Numera 31:27

me khenâ luâ but ta je hna hûgûnâ ka tavat vat ae metâ ûhedra hnyi vat, me ka ûkhacaköu hia:

I. Korinito 15:58

Anyin a wale, hnyat a oûnykûmik lö, tethmâ ju öbun, ca bwebwet, ke hwege bala thö hnyi huliwa anyin Than, anyin ae khanʼ öbun a gʼ ame ca ûnyi baû anyibun huliwa ka Than.

Heberu 11:26

ke e ame ûnykûme a hing omjeû hnödra hna haikongoâ e can Keriso, hon ta je omjeûiny Aigupito: anyin a e ame wâ hmâ hing hwaban.

I. Samuela 30:16

Me e ame su e, me wâ bi, adre me laba me avâ kânâ hia, kʼ adre me han me ic me bijeûâ, anyin ae se hia je ûnyi adre me hûgûnâ ödrin e hom ûnyi hnyi hnyei iny at Filisiti, me hnyei Juda.

I. Samuela 30:24

Ke ie at ame he ka ling öbun hnyi ûnyi eang? anyin adre me he ka khenâ kâu at ame he ka hnyi vat helâ me hna khenâ kâu at ame laba me tuö ta je omjehen: adre me he ka khenâ oûco thibi.