Biblia Todo Logo
Bìoball air-loidhne

- Sanasan -




Josua 22:6 - Iaai Bible 1901 (New Caledonia)

6 Me Josua ame hahnahici ödrin me kunʼ ödrin, me ödrin e vese but ka hnyi umödrin je uma.

Faic an caibideil Dèan lethbhreac




Josua 22:6
18 Iomraidhean Croise  

Me e ame hahnahicâ, me ba, ka habe, E so e hnahic Aberama ûnyi ge Khong ae Beönua, at a gan drany me hmeledrany:


Ke Jekob ame hahnahici Farao, me he ûheny ûnyi Farao.


Ke Josefa ame hum Jekob a kamen ka hnyi hnyimakö Farao: ke Jekob ame hahnahici Farao.


Ke a hia but Davita hudo je hudiny leû me je hudiny ole me e ame ha hnahicâ tavat hnyi iö Iehova tuhan sabaoth.


Ke e ame khenâ oûco ka i tavat hia, wale ka ûseiny Isaraela hia, obaga me omomo minya, ûsa khaca ong areto, me khaca uthmeno, me khaca u wan vine ae meleca. Me ame vese thö tavat hia ka hnyi je hnyabadrin.


Ke Davita ame hmetu he ka ha hnahicâ anyin bi lap. Ke ame didrut Mikala nöku Saulo he ka ûkhanö me Davita, me ha, ka habe, E ti hmanenang eja than Isaraela, at ame bi wânen lathnyaba a je hlu hluiny lathnyabaem, helâ me at ae hop ame bi wânen!


Ke haba hnyi bong a eitiny e ame kunâ tavat, me adre me hahnahicâ than me ve he ka hnyi umödra je uma mano me senyin me hnyok ame hobâ, can ta je so hia ame ânyâ Iehova kö Davita athnyabainy, me Isaraela a lakeiny.


Anyin ae se hia tavat, wale se hia at Eferaima, me Manase, me Isakara, me Zebulona, adre ca obosoi ödrin bi, ke so bi ödrin e hnyi han paseka ke ca helâ me hna sihnalimen. Anyin a hia but Hezekia hic hobi ködrin, me ha, ka habe, Iehova at ae so, hna but hulo


Ke haba Mose ame wâ ta je huliwa hia thithö, ke wâ bi, adre hia but ânyâ e; adre me ânyâ helâ me hna hûna hnö Iehova: ke haba Mose ame hahnahici odra.


ke haba Simeona ame hahnahici ödru, me ha kö Maria a hinyen, ka habe, Wâ bi, adre me ip wanakat ang hnân okolo me otilâ tavat ae se hia hnyi Isaraela; ke hnân haten minya adre me he ka haikongoâ;


Ke e ame hum ödrin cicö Bethania: ke e ame hai li hnyamen me hahnahici ödrin.


Ke haba Josua ame hahnahicâ e, me ham Heberona kö Kaleba nöku Jefune, me me iny.


Me haba Josua ame kunâ tavat hia ka hnyi je jekhöûdra.


Ke haba Samuela ame thumeto tavat ge bongon dökhu, me sihnalimen e hnyi tusi, me ip hnyi hnyimakö Iehova. Ke Samuela ame kunâ tavat ka hnyi je hnyabadra.


Ke haba Saulo ame ûca hobi kâu kun ta thauzan at Isaraela; haba lo li thauzan ka e bi unyi Saulo hnyi Mikemas me hnyi bucen Beth-ela, ke haba khaca thauzan ka e unyi Jonathana hnyi Gibea hnyi Beniamina: ka haba kolon tavat e ame ve kunʼ ödrin ka hnyi umödrin je uma mano.


Ke haba Eli ame hahnahici Elekana me âiân, me e ame ha, ka habe, E so Iehova ame ham köu wan ûnyi ge momo eang, can bwihlany e ame me ham kö Iehova. Ke ödru me he hmetu ka hnyi hnyabadra.


Lean sinn:

Sanasan


Sanasan