Josua 22:5 - Iaai Bible 1901 (New Caledonia)

⁵ Ke wâ wia ju öbun he ka ânyâ hna hûna me hnanyibu, waleji a hûna köbun Mose athnyabai Iehova, wale he ka hnyok kö Iehova Khongubun me vheno je gethen hia thithö ûnyi gan, me tuö anyin je hna hûna, me kece kâu, me huliwa kâu ge je hnyekubun ae bekhöt me ta je hanubun ae bekhöt.

Josua 22:5 Iomraidhean Croise

Salamo 106:3

Hnahic hnen tavat adre me vheno hna owisa, Ke at ame ânyâ bala hwakecin ae wisa.

Salamo 78:7

Mʼ adre me he ka geju ka Khong, Me ca hnying je huliwa anyin Khong, Mʼ adre me he ka tuö anyin je hnanyibu:

Esodo 15:26

ke haingen, ka habe, U ka he ka löng wia hofuc ho Iehova a Khongom, me ânyâ ûnyi ae wisa hnyi hnyimakan, me tevehlöng hnen hna hûna, me tuö anyin je hnanyibu hia, oge me ca he ka kunâ köu ta je mok waleji oge kunâ ka at Aigupito: anyin a inya Iehova at ame osoi u.

Esodo 20:6

ke ame omanenâ tang ibetengiö ka ta je dö a thauzan tavat adre me hnyok könya, me tuö anyik je hnanyibu.

Esodo 23:13

Ke hnyi ta je hofuc hia oge ha köbun, wâ eâu: ke ca he öbun ka ha ien ke ta je khong, kʼ adre me ca he ka löng e ûnyi hnyi hnyimâm.

Esodo 23:25

Kʼ öbun e he ka bi athnyabai Iehova Khongubun, me ame he ka hahnahicâ âm me belâm; ke oge me he ka hom mok ûnyi gam.

Ta je Vejec 4:23

Ti tuö wia ju hnyekom; Anyin ame o but möt ûnyi e.

Isaia 55:2

Ieû gabun öbun e ham mone hwaban ûnyi a ca jeû? ke anyibun huliwa hwaban ûnyi ame ca osekunâ? long wia ju könya, ke an ju ûnyi ae so, ke ame he je hnyekubun ka senyinâ ûnyi ae pipikhenya.

Jeremia 12:16

Ke ödra ka he ka ti nâ je gethen deny lakeik, me khemanyin hnyi iök, ka habe, Kia inya Iehova; helâji me hnödra hna nâ lakeik he ka khemanyin ga Baala; awe, adre me he ka up ödra goranyai wanben ik hnyei.

Mataio 22:37

Me e ame ha kâu, ka habe, U me he ka hnyok ka Than a Khongom ge hnyekom ae bekhöt, me hanom ae bekhöt, me oûnykûmâm ae bekhöt.

Mataio 4:10

Ke haba Iesu ame ha kâu, ka habe, Satana lö, kec dö: anyin adre hia but sihnalimen, ka habe, U ma he ka khudrung ka Than a Khongom, me bi athnyabainy thibi.

Mataio 6:24

E ba at ae khana be ka athnyabainy li tuhan a lo: anyin a e ame he ka hûkötiâ khaca me weny khaca; kʼ ame ne be ka kece ka khaca me hociâ khaca. E ca khanʼ öbun he ka bi athnyabainy Khong me mamona.

Luka 1:74

A gʼ adre me he ka omeli ota ûnyi hnyi hnyamen ta je iwahnaihmiony möta, Mʼ ate me he ka bi athnyabainy ke ba ot,

Ioane 12:26

A ne ke at ame he ka bi atök, e so e ame he hotuk; ke haba dok o ge me he ka laba hnyin, me ame he minya atök ka laba eling: a ne he ke at ka bi atök ame he Cica ka ogânâ e.

Ioane 14:15

Öbun e ne hnyok könya, öbun e he ka vheno anyik ta je hnanyibu.

Ta je huliwa 11:23

ke ame o but me wâ ibetengiö baû anyin Khong, me e ame senyin, me khöu kodra hia he ka kece ka Than ge hnyok ae tethmâ:

Ta je huliwa 27:23

Anyin a mwi unyik eja hnyinghet angela anyin Khong wale at oge me bi athnyabainy, ke oge me huliwa kâu,

Roma 1:9

Kʼ ame ohnathu nya Khong, at oge me athnyabainy hnyi hanuk hnyi ûthumetu ae so anyin Nokon, a oge me ca menâ bi hai öbun hnyi hijik je hic hia,

Roma 12:9

E so betenge ke ba thoi hnyin. Ikikiâ thö ûnyi ae kong; kece ju ka ûnyi ae so.

Roma 8:28

Ke e khanʼ öta a gʼ ame tha huliwa ta je ûnyi hia me me so ka tavat adre me hnyok ka Khong wale tavat ame hawʼ ödra helâ me hnen hna ûnykûme.

Deuteronomi 10:20

U me he ka outö Iehova Khongom; u me be ka bi athnyabainy, me kece kâu, me khemanyin hnyi ien.

Deuteronomi 11:1

ANYIN a wale u me he ka hnyok kö Iehova Khongom, ke u me he bala ka tuö hnen hna otilâ, me anyin je hnanyibu, me hnen je hna owisa, me hnen je hna hûna.

Deuteronomi 11:13

Ke öbun e ne he ka ti löng hoton anyik je hnanyibu oge me hûna köbun hnyi bong ang, he ka hnyok kö Iehova Khongubun, me bi athnyabainy ge je hnyekubun ae bekhöt, me hanubun ae bekhöt,

Deuteronomi 11:22

Anyin a öbun e ne labö tuö je hnanyibu eang wale oge me hûna köbun he ka ânyâ, he ka hnyok kö Iehova Khongubun, he ka vheno deny je gethen hia, me kece kâu;

Deuteronomi 13:4

Öbun e he ka hnu hotu Iehova Khongubun, me outen, me tuö anyin je hnanyibu, me löng ifucin, kʼ öbun e he ka bi athnyabainy, me kece kâu.

Deuteronomi 4:29

Ke so hi öbun ka he eling ka elöm Iehova Khongom, me u me he ka wâ, u je ne elâm ge hnyekom ae bekhöt, me hanom ae bekhöt.

Deuteronomi 4:4

Ke haba tavat hia gabun adre kece hmâ kö Iehova Khongubun, me öbun e möt hia hnyi bong ang.

Deuteronomi 4:6

He thʼ öbun ka tuö me ânyâ; ke waleling anyibun metâ me anyibun wâhmakhmeto hnyi hnyimakan ta je hnyei, a tavat adre me he ka wâ je hnanyibu eang, me ha, ka habe, E hnathu hnyei ae metâ, me hnyei wâhmakhmeto hnyei eang ae gan.

Deuteronomi 4:9

Ke so bi o u âu, me tuö u wia, wâ u nye hnying ta je ûnyi u je wâ, ke wâ e nye hia ta je ûnyi e hnyi hnyekom, hnyi ta je bongon ânyâm möt; ke u me he ka ûnö e ka lakom me laöbem;

Deuteronomi 5:10

kʼ oge me omanenâ ibetengiö ka ta je dö a thauzaniny tavat adre me hnyok könya, me vheno anyik je hnanyibu.

Deuteronomi 6:17

Öbun e he ka tuö wia je hna hûna hnö Iehova Khongubun, me hnen je hna ohnatho, me anyin je hnanyibu, wale e ame hûna köu.

Heberu 12:15

ke wâ wia ju, wâ e nye hu ke at ame ca o ka hnyi ibetengiö baû anyin Khong; wâ e nye kû thö iwân ae hiny he ka oveci Öbun, me ame he ka kong ut tavat ae se hia hnen e;

Iakobo 1:12

Hnahic hnen at ame hokhnyokâ ûcûbic: anyin a at ka hia but cubecâ, me e ame he ka hu koranainy möt, wale a ha bânâ Than ka tavat adre me hnyok kâu.

Iakobo 2:5

Hnyat me lakeiny a oûnykûmik lö, löng ju öbun; hawa, ame ca ûca hnen Khong watheduoc eang hmeledrany he ka tren omjeû hnyi labageju, mʼ adre me he ka hu dokhu waleji e ame ha bânâ ka tavat adre me hnyok kâu.

Josua 23:8

ke so bi öbun e he ka kece kö Iehova Khongubun, helâ me hnobun hna ânyâ ke ne o but hnyi bong ang.

Hna Omanenâ 15:3

Ke adre me khumöngö khumöng anyi Mose athnyabainy Khong, ke khumöng minya anyin Arenio, ka habe, E gan hmâ ke hnân lâiâ ânyâm ta je huliwa, Than a Khong Ataekhanahia; e wisa me hnathu dem je gethen, u Tuhan ta je dö.

I. Samuela 12:20

Haingö Samuela ka tavat, ka habe, Ca ot öbun: e hnathu öbun e hia but ânyâ ta je hulö eang: ke so bi ca he öbun ka saû ga Iehova, ke bi athnyaba Iehova ge je hnyekubun ae bekhöt;

I. Samuela 12:24

Ke hamöbun bi he ka outö Iehova, me bi athnyabainy hnyi hnathu me hnyekubun ae bekhöt: ke me ûnykûme thʼ öbun ta je ûnyi ae gan e ame hia but ânyâ hobi köbun.

I. Samuela 7:3

Ke Samuela ame ha ka lap anyin at Isaraela hia, ka habe, Öbun e ne hmetu kö Iehova me hnyekubun a khaca, awe, degec ut je khong kanyua me Aseira unyibun, me penapena je hnyekubun kö Iehova, me bi athnyaba thibi kâu: ke e ame he ka omeli öbun ûnyi hnyi hnyamen at Filisiti.