Josua 2:18 - Iaai Bible 1901 (New Caledonia)

¹⁸ Wâ bi, öhmun ka e hnyi hnyei eang, hamâm he ka hûkâlâ tö ae dra eang hnyi mamalama u je hnʼ ohmu hnyin: ke u me he ka ûkhacaköuâ unyâm e hnyi hnyabam eang kâmâm me hinyâm, me je liamekeiny mou, me lap hia anyin kâmâm.

Josua 2:18 Iomraidhean Croise

Genese 12:2

ke oge me he ka wiö u me me dökhu ae gan, ke oge me he ka ohnahici u, me ogânâ iâm; ke u ma he ka hnahic:

Genese 7:1

HABA Iehova ame ha kö Noa, ka habe, Aiö u me ânyâm lap hia ka hnyin aka; anyin a oge hia but wâ a u wisa hnyi hnyimakök hnyi dö ang.

Esetera 8:6

anyin oge me he ka kâmâu ka wâ hna okongoâ ame o ka hnyi hon ik hnyei? ke oge me he ka kâmâu ka wâ hnödra hna he ka ohia lahanök?

Esodo 12:13

Ke haten köbun dra hnyi ta je uma öbun e laba hnyin: ke iny ka wâ but dra, me oge me he ka hanyâûʼ öbun, kʼ ame ca he ka o köbun mok at ame ohia, iny ka he ka kot hnyei Aigupito.

Khumöng Hwanyi Solomona. 4:3

E ûcû li esongodâm me tö ae dra, E hmanenang hnyimâm: E ûcû haleloûâm me ong rimona Hnyi hnyin hna tube hnyimâkâm.

Levitiko 14:4

me ame he at bihut ka ûkhûnöng he ka hom lo li meno ame gâ ae möt me bo so, me uto arasi, me leûnen mamoe ae dra, me thi boviny hisop, hobi kâu at adre me he ka obosoâ:

Numera 19:6

ke ame he at bihut ka hom uto arasi, me thi hisop, me ûnyi ae dra, me khûâ ka hnyi hna thong kau.

Numera 4:8

ke adre me he ka ulolo hon je ûnyi e imano ae dra vec, me tube je ûnyi e ge tubwiny a unen takasa, me inâ li venyâiny.

Luka 19:9

Ke haba Iesu ame ha kâu, ka habe, A o but möt ka hnyi hnyaba eang hnyi bong ang, anyin a walang ke at nöku Aberahama.

Ta je huliwa 10:27

E ame ûhnenamö mē, kʼ ame didro, ke e ame wâ tavat ae se hia adre me ûkhacaköu:

Ta je huliwa 10:33

Anyin a wale oge me ie ûkhûnöng köu; ke so anyin a u but ang, a u je o thö. Anyin a wale ohmun hia but ang hnyi hnyimakan Khong, he ka long ta je ûnyi hia ame he Than ka hûna köu.

Ta je huliwa 11:14

at ame he ka ha köu ta je hofuc, hnân omeli u me ânyâm lap hia.

II. Timoteo 1:16

E so ame he Than ka betenge ka lap anyi Onesiforo: anyin a e osehia okahwö nya, ke e ame ca hmehma gak me tö fao adre cö nya kâu;

Heberu 9:19

Anyin a hia but Mose ha ka tavat hia ta je ûnyi hia adre me hûna hoton hnanyibu, me e ame hom dren je nokon kau, me got, tha e me köiö, me leûnen mamoe ae dra, me hisop, me e ame dukâiâ tusi me tavat hia thithö,

Josua 2:21

Me haingen, ka habe, Ame he ka helâ me hnöbu hna ha. Ke e ame kunʼ ödru, me ödru me he: me e ame hûkâlâ tö ae dra hnyi mamalama.

Josua 6:23

Me ame didro li hidröu li at ecmak, me hum Rahaba kâû, me kamen me hinyen, me je liamekeiny mē, mödrin hia a tha ödrin mē, ke ödru me hom kâû anyin lap hia; me hnʼ ödrin ka hnyi hoton hna hunuma anyin at Isaraela.

Josua 6:25

Ke Josua ame omeli Rahaba momo hnyi gethen, me lap anyin kamen, mödrin hia a tha ödrin mē; ke e ame laba hnyi Isaraela ke ne o but hnyi bong ang; anyin a e ame ikhâlâ li metâ waleji Josua ame kunâ he ka ecmâkâ Jeriko.