Josua 2:16 - Iaai Bible 1901 (New Caledonia)

¹⁶ Ke e ame ha ködru ka habe, Kec dʼ öbu ka hnyi bucen, wâ e nye ûkhanö möbu tavat ûhnûhnû; me öbu me lubaduöng eling hnyi kun ta bong, ke ne o but ame hmetu tavat ûhnûhnû: ke hwa ban e, mʼ öbu he thö.

Josua 2:16 Iomraidhean Croise

Salamo 11:1

INYA oge me labageju kö Iehova: Anyin a ieû öbun e ha ka hanuk, ka habe, Kec dö helâ me meno ame gâ ka hnyi anyibun bucen?

Iakobo 2:25

He helâe minya, adre ca haiwisai Rahaba momo hnyi gethen ge ta je huliwa hnyi hnen hna kap soâ li at ecmak me kunʼ ödru hnyi ke gethen bi?

Josua 2:15

Me e ame öû ödru ge tö ûheny hnyi mamalama: anyin a umen uma, me ethö hon haginy taun adre up, ke e ame laba hnyi hon hna up haginy.

Josua 2:22

Ke ödru me he but me o ka hnyi bucen me laba eling hnyi kun ta bong, ke ne o but ame hmetu tavat ûhnûhnû: ke adre elöm ödru hnyi gethen hia ge tavat ûhnûhnû, me ödrin e ca wâ bi.

I. Samuela 23:14

Ke haba Davita ame laba hnyi hnyebuba hnyi je hnabâ, me laba hnyi hnyei ae hut hnyi hnyebuba Zif. Ke Saulo ame elâm e hnyi je bong, ke Khong ame ca hna e kâu.

I. Samuela 23:29

Ke Davita ame he ûheny e, me laba hnyi je hnabâ hnyi Eni-gedi.