Josua 2:11 - Iaai Bible 1901 (New Caledonia)

¹¹ Ke öhmun e long e, me ame köiö but je hnyekuhmun, ke ba hmetu tang hwege eû hnyi hnyekon ke at, cabun: anyin a Iehova Khongubun me e thibi Khong ethö hnyi drany, me eang hmelen.

Josua 2:11 Iomraidhean Croise

I. Je Than 8:60

me me khana ta je hnyei hia thithö eang hmeledrany a Iehova thibi Khong; ke ba minya ju.

II. Je Than 5:15

Me e ame hmetu ka aten Khong, e me anyin bunyen hia, me o, me tot hnyi hnyimakan: ke e ame ha, ka habe, Wâ bi, oge me wâ ju walang ang, ae ba Khong hnyi hmeledrany hia, ke hnyi Isaraela thibi: ke walang ang ö u hom dö bwihlany gak a athnyabaem.

Nehemia 6:16

Ke a long ut je iwahnaihmiony möhmun hia, haba ta je hnyei hia igigili ohmun adre me ot me hmak hmonyin: anyin adre me wâhmakhmeto a gʼ adre ânyâ huliwa e ge Khongutin.

Esetera 8:17

Ke haba hnyi je ke keihen hnyei hia, me je taun hia a o ka hnyin hnanyibu me hofuc hwan than, me ame senyin me hobâ at Juda, ke e hu bijeû me bong ae so. Ke se hia tavat aten hnyei adre me hnyi hanen hmi Juda; kʼ adre me outen at Juda.

Salamo 102:15

Ke ame he ta je hnyei ka outen iö Iehova, Me ânyâm hmanenang minya hnen ta je tuhan hmeledrany hia thithö;

Salamo 22:14

Adre me hingâlâ degeci nya helâ me köiö, Ke ame ok ut je jeiok hia: Haba oûnykûmik me helâ me wasu; Ame okoiâ but eû hnyi hnyekuk.

Salamo 58:7

E so adre me oköiʼ ödra but helâ me köiö ame hingölö wia: E ka lau anyin cafana, me so ame he je fana ka helâke ûnyi adre subâ degecâ.

Salamo 83:18

Me me khanʼ ödra a u thibi, wale a iâm Iehova, At ae Beönua hon hmeledrany hia thithö.

Esodo 15:14

A löug ut ta je hnyei, adre me öbubuny: Vec ae gan ame o ka tavat adre me labâ Filisiti.

Esodo 15:15

Ame uthmok ta je tuhan hnyei Edoma; Ame öbubun tavat hwege hnyi Moaba: Kʼ ame aû tavat hia adre me laba Kanana.

Isaia 13:7

Anyin a wale ame he ka him but ta je beny hia, kʼ ame he ka köiö but hnyekon tavat hia thithö:

Isaia 19:1

HOK honen Aigupito. Wâ bi Iehova ame tabâ ûlâ ae logot, kʼ ame he ka o hnyi Aigupito: me ame he ka bwebwet je idolainy Aigupito hnyi hnyimakan, kʼ ame he ka köiö but hnyekon Aigupito eû hnyin e.

Ezekiela 21:15

Oge hia but ip obiny hele vat hnyi je homagöuledra hia, me me köiö but je hnyekudra me me osehia hnödra je hna haû: ekölö! adre ânyâ e helâ me hucuce, adre khet homakan e hnân ûhlingö.

Nahuma 2:10

E ba onyen e, adre me öba onyen, iny jut wau: ke ame köiö but hnyok, kʼ ame öbubuny je boucadra, ke vec hia thö je hnyidra, ke löhau but ta je hnyimakodra hia.

Deuteronomi 1:28

Ate me ölö ua? haba je liamekeiny möta ödrin e oköiâ je hnyekuta, haingödrin, ka habe, E gan hmâ tavat me beû huta; ke gan hmâ je taun adre up haginy ke ne o but ka hnyi drany; ke haba khaca ohmun e wâ eling je laku Anaka.

Deuteronomi 20:8

Ke hamen je taben he ka ha hmetu ka tavat, me ha, ka habe, Ewa at ame ot me hlohlo hnyekon? e so e ame he me hmetu ka hnyi umen uma, wâ e nye oköiö hnyekon je liamekeiny mē helâ me hnyekon.

Deuteronomi 4:39

Ke khanö u thö hnyi bong ang, ke ip hmâ eû hnyi hnyekom a haba Iehova me Khong ethö hnyi drany me eang hmelen; hake e ke ba ke at.

Josua 14:8

Ke so bi haba je liamekeiny mönya, adre tha he mönya, ödrin e oköiâ hnyekon tavat: ke oge me tha hnu hotu Iehova Khonguk.

Josua 2:24

Ke ödru me ha ko Josua, ka habe, E hnathu a hia but Iehova hna kötin hnyei hia; he haba khaca ame köiö hnyekon tavat hia thithö a aten idra hnyei, ûnyi gata.

Josua 5:1

KE haba je tuhan hia at Amora a ödrin hoton Joridano ke e jio, me je tuhan hia at Kanana hnyi hobat köiö, me ödrin e long a Iehova ame hia but ohmö köien Joridano hnyi hnyimakan lakon Isaraela ke ne o but ate me hanyâûâ, me ame gâ udrin, ke ba hmetu hwege eû hnyi je hnyekudrin ge lakon Isaraela.

Josua 7:5

Ke haba at Ai ödrin e kot thote siks ta hnyat gadrin: ke ödrin e hnu ödrin hwân hnyi homagöule ke ne o but ka hnyi Sebarima me kuc ödrin hnyi hna utut: me ame oköiö je hnyekon tavat me me helâ me köiö.

Josua 9:24

Ke ödrin e thu kö Josua, ka habe, Adre me ha hnathoâ ka lathnyabaem a Iehova Khongom ame hûna kö Mose a athnyabainy he ka ham köbun hnyei hia thithö, me he ka ohia aten hnyei hnyi hnyimaköbun, anyin a wale öhmun e ot gan hmâ me bemöt gabun, waleling mʼ öhmun e ânyâ ûnyi e.

Hna Omanenâ 6:16

me adre me ha ka ta je bucen me je kic, ka habe, Öbun na kolu takû öhmun ju, me oiyongi öhmun dut ge hnyimakan at ame laba hon theron, me ûnyi minya ge tang hmonyin anyin Arenio: