Josua 2:10 - Iaai Bible 1901 (New Caledonia)

¹⁰ Ke öhmun e hia but long a Iehova ame ohmö köien Köiö ae Dra i hobi köbun, hnyi ûen öbun e he jem ûheny Aigupito; ke hnöbun minya hna ânyâ ka li than Amora hnyi hoton Joridano, a Sihona, me Oga, waleji öbun e ohia.

Josua 2:10 Iomraidhean Croise

Salamo 74:15

U je khenâ luâ pupua me wadutö: U je ohmö ta je wagewe ae gan hmâ.

Numera 20:14

Ke haba Mose ame kunâ je ûthûmetu ûheny Kadesi ka thaniny Edoma, he ka ha, ka habe, Walang hofuc ho Isaraela a liamekeiny möu, ka habe, E khanö u ta je vec a o köhmun:

Numera 23:22

Khong ame hum ödra ûhedra Aigupito; Ke e hu but gan helâke tang hwegeiny bolok ae hiny.

Numera 24:8

Haba Khong ame hom e ûheny Aigupito E hwege helâ me bolok ae hiny: E ame he ka an je hnyei, a je iwahnaihmiony mē, Me thu omomonou je jeiödra Me sânʼ ödra ge anyin je fana.

Deuteronomi 2:30

Ke e höcö Sihona than Hesebona he ka hnʼ ota ka gethen unyin: anyin a Iehova Khongom ame okhötâ hnyekon, me ohwegiâ hnyekon, me me he ka hna e ka hnyi hnyamâm, a helâe hnyi bong ang.

Josua 24:12

Ke oge me kunâ bânâ je wahankânâ, me ame obʼ ödrin hnyi hnyimaköbun, wale li than Amora; ca hnen ânyâm hele vat, me ânyâm fana.

Josua 4:24

me me khana hnen tavat hia thithö eang hmelen ge hnyamö Iehova, ae hwege; mʼ adre, me he ka outö Iehova Khongubun nyiele balua.

Josua 5:1

KE haba je tuhan hia at Amora a ödrin hoton Joridano ke e jio, me je tuhan hia at Kanana hnyi hobat köiö, me ödrin e long a Iehova ame hia but ohmö köien Joridano hnyi hnyimakan lakon Isaraela ke ne o but ate me hanyâûâ, me ame gâ udrin, ke ba hmetu hwege eû hnyi je hnyekudrin ge lakon Isaraela.

Josua 9:10

me je ûnyi hia e ame ânyâ ka li thaniny at Amora, wale hoton Joridano, kö Sihona than Hesebona, me Oga than Basana hnyi Aseterotha.