Josua 2:1 - Iaai Bible 1901 (New Caledonia)

¹ KE haba Josua nöku Nuna ame kunâ duöngâ ûheny Sitima li at he ka ecmak, me ha, ka habe, He thö ka wâ hnyei, me Jeriko. Me ödru me he me o ka hnyi uma umen momo hnyi gethen, Rahaba ien, me mokut eling.

Josua 2:1 Iomraidhean Croise

Genese 42:16

Kunâ thö ke at gabun he ka hom keibun, kʼ adre me he ka eʼ öbun me cubec hobun hofuc, öbun e ne hnathu: ke ame ne ba, kia inya Farao a öbun je hnyat ame he ka ecmâkâ hnyei.

Genese 42:9

Ke Josefa ame ûnykûme li bwi e ame bo gadrin, me e ame ha ködrin, ka habe, Öbun je hnyat ae kong; öbun e o but he ka ecmâkâ hnyei ae ba ûnyi.

Mika 6:5

Lakeik lö, ûnykûme thö walang ang ge hna elâm gan hnö Baraka than Moaba, ke hnö Balaama nöku Beora hna thu kâu; ûnykûme ju hwân hnyi Sitima ke ne o but huyi Gilegala, me me khanʼ öbun Hwakecin ae wisa anyi Iehova.

Numera 13:1

KE Iehova ame ha kö Mose, ka habe,

Numera 13:2

Kunâ ke je hnyat he ka ecmâkâ hnyei Kanana, wale oge ham ka lakon, Isaraela: öbun a he ka kunâ ûsa khaca ûnyi hnyi je tribu hia anyin lakamödrin, a je than hia.

Numera 25:1

KE haba at Isaraela adre me labā Sitima, ke ame hwân tavat he ka bi unyi monu me omomoiny Moaba:

Numera 33:49

Ke adre me hunuma hnyi Joridano, hwân Beth-jesimoth ke ne o but Abela-sitima hnyi dok ae tha hon hnyi Moaba.

Mataio 1:5

Salemona ame hnöku Boaza ûnyi ga Rakaba; Boaza ame hnöku Obed ûnyi ga Rutha; Obed ame hnöku Jese;

Mataio 10:16

Wâ bi, inya oge me kunʼ öbun helâ me ta je mamoe hnyi wanben ta je luko: anyin a wale metâ but öbun helâ me ta je on, me menyik helâ me ta je biny.

Efeso 5:5

Anyin ae ti khanʼ öbun ang, a haba at ame bi ûnyi monu, ke ikiki hwakecin, ke behnyekon, a at khudrung ka je hnatheat, me ame ca he ka hu hwajekhon hnyi dokhu dokhon Keriso me Khong.

Heberu 11:31

Hnen labageju ame ca tha mok Rahaba, a momo hnyi gethen, me tavat adre me ca ûling, anyin a e ame kap soâ li at adre kunâ he ka ecmak.

Iakobo 2:25

He helâe minya, adre ca haiwisai Rahaba momo hnyi gethen ge ta je huliwa hnyi hnen hna kap soâ li at ecmak me kunʼ ödru hnyi ke gethen bi?

Josua 1:18

Ke haba at ame he ka ûkhin fuc ge ânyâm hnanyibu, me ca long hwâm hofuc hnyi ta je ûnyi hia a me he ka hûna kâu, me adre me he ka hlingâ e: ke so bi hwege thö, me hnyok baga but.

Josua 2:2

Me adre me thumeto thaniny Jeriko, ka habe, Wâ bi, ame he jem li at eja hnyinghet ûheny unyin lakon Isaraela, he ka ecmâkâ hnyei.

Josua 21:31

Halekath me je utkânâiny, me Rehoba me je utkânâiny; vak ta taun.

Josua 3:1

KE Josua ame vesâkong, kʼ adre me he ûheny Sitima me he hnyi Joridano, a e me lakon Isaraela hia thithö; ke adre me mokut eling kʼ ödra tiga ca hanyâûâ.

Josua 5:10

Ke ame hunuma hnyi Gilegala, lakon Isaraela; ke ödrin e ânyâ paseka hnyi bong a fortininy tehi hnyi sahac, hnyi dok ae tha hon hnyi Jeriko.

Owisa 1:23

Ke haba lap anyi Josefa odrin e ûkhûnöng ka ecmâkâ Beth-ela. (Ke Luza ien taun ehac.)

Owisa 18:14

Me ame fuc tavat a thabûng hnyat ödrin e ecmâkâ hnyei Laisi, me ha ka je liamekeiny mödrin, ka habe, Hawa, e khanʼ öbun a gʼ ame hu iefoda hnyi je uma eang, me je idola, me hnatheat adre tretrao, me hnatheat adre oköiâ? Ke walang ang wâhmakhmeto ju öbun ûnyi he ka ânyâ.

Owisa 18:17

Me ame he hnyat a thabûng a hnyat ecmâkâ hnyei, me didro, me hom hnatheat adre tretrao, me iefoda, me je idola, me hnatheat adre oköiâ: ke ame tha tot at bihut hnyi homagöule me tavat a siks haded ae hu omjehen vat.

Owisa 18:2

Ke haba laku Dana, ödrin e kunâ je hnyat ûnyi hnyi anyidrin lap a ödrin faiv, ûnyi hnyi ûseidrin hia, a je hnyat ae hwege, ûheny Zorea, me Esetaol, he ka ecmâkâ hnyei, me elâm e; ke ödrin e ba ködrin, ka habe, He thö ka elâm hnyei: ke ödrin e o but ka hnyi hnyei ae hut hnyi Eferaima, hnyi uma umo Mika, me ödrin e mokut eling.