Josua 18:3 - Iaai Bible 1901 (New Caledonia)

³ Ke Josua ame ha ka lakon Isaraela, ka habe, Ieû gabun öbun e bec he ka he me hûgûnâ hnyei wale a ham köbun Iehova Khongon lakamöbun?

Josua 18:3 Iomraidhean Croise

Ta je Vejec 10:4

Ame he ka ba ta ûnyi ge at ame huliwa me hnyam ae hwen höcö: Ke haba hnyamen at ae hwege huliwa ame he ka tren omjeû.

Ta je Vejec 13:4

Ame weny hnen hnyekon ūsēnyin, ke ba bi: Kʼ ame he ka pipikhenya at ae hwege huliwa.

Ta je Vejec 15:19

Haba gethen deny ūsēnyin, me helâ me hak ûö ae udedö: Ke adre ânyâ deny at ae wisa me me hna cit gethen.

At Khet 9:10

Haba hna wâ hnen li hnyamâm he ka ânyâ, ânyâ thö hnen hwegiâm; anyin ae ba huliwa, me ûnykûme, me wâhmakhmeto, me metâ, hnyi erkemok, u me he ka hnyin.

Zefania 3:16

Hnyi bong eling adre me he ka ha ka Jerusalema, ka habe, Ca ot bi: Ziona lö, e so ame ca he ka him bi li hnyamâm.

Mataio 20:6

Ke haba hnyi awa a eleven, e ame dit hmetu but, me wâ keihen adre me ûtitilen baû; me e ame ba kodra, ka habe, Ieû gabun öbun e ûtitilen baû ke obekhötâ bong?

Ioane 6:27

Ca huliwa bi hobi kâu jeû wale ûnyi ame he ka bobot, ke so bi jeû ae tet hmâ ke ne o but ka hnyi möt ame ca ba balua, wale ame he Nokon at ka ham köbun: anyin a wale at Kamen ame okeceâ haten hon, wale Khong.

Josua 1:6

Hwege thö, ke hnyok baga but: anyin a hamâm he ka ohuâ hnyei ka tavat eang, waleji oge me khemanyin he ka ham ka lakamödra.

Josua 13:1

KE a hingat ut Josua, ke se hia but hunainy; ke haba Iehova ame ha kâu, ka habe, U je hingat ut, ke se hia hunaiâm, ke se hia biju je hnyei öbun e tiga ca hûgûnâ.

Josua 18:2

Ke seven biju je tribuiny lakon Isaraela a ödrin tiga ca khenâ jekhöûdrin.

Josua 18:4

Uca thö unyibun ke je hnyat ûsa kun hobi kâu je tribu: me oge me he ka kunʼ ödrin, ke ödrin e he ka todrö me vheno hnyei, me omanenâ e hoton je jekhöûdrin; me ödrin e he ka he jem könya.

Owisa 18:9

Ke haingödrin, ka habe, Todrö, me otin e he ködrin, anyin a ohmun e wâ hnyei, ke wâ bi, e ti so; ke ieû gabun öhun e laba ju? ca bec bi he ka he, me he thö ka hu hnyei.