Josua 18:16 - Iaai Bible 1901 (New Caledonia)

¹⁶ ke ame o hnyigot ka hnyi obiny bucen cicö hnyigöulen bucen anyi nöku Hinom, wale hnyi hnyigöulen bucen anyin tavat ae beû ka hnyi hwadrö; ke ame he ka hnyi hnyigöulen bucen anyi Hinom ka hnyi ke keihen at Jebusi ka hnyi hwaiöu, me he Eni-rogel ai;

Josua 18:16 Iomraidhean Croise

II. Samuela 17:17

Ke Jonathana me Ahimaza ödru me laba bi hnyi Eni-rogel; ke ame labö he ke athnyaba a hlu me thumetu ödru; me ödru me he me thumetu Davita than: anyin e ca ûcû he ka ö ödru hnyi taun.

II. Samuela 5:18

Haba at Filisiti ödrin e o me avâ hnyigöuleny bucen Refai.

I. Je Than 1:9

Ke haba Adonia ame thân je mamoe me je bolok me je meno ae pipikhenya, hnyi veto anyi Zoeleth wale hnyi En-rogel; me e ame hawâ je liamekeiny më hia a lakon than, me hnyat Juda hia lathnyabainy than:

II. Je Than 23:10

Ke e ame oikikiâ Tofet a e hnyi hnyigöulen bucen iny laku Hinom, me me ca he ke at ka kunâ nokon baga ame ne hlu he ka he hnyi wanben meic kö Moleka.

I. Man Ûlabainy Je Than. 14:9

Ke a o at Filisiti me sö hnyigöulen bucen e Refai.

II. Man Ûlabainy Je Than. 28:3

Ke haba khaca e ame leû utö ae bo so hnyi hnyigöulen bucen anyin lakon Hinom, kʼ ame thong lakon bi ge meic, hoton je hwakecin ae ikiki anyin je wanaithila waleji a obâ Iehova hnyi hnyimakan lakon Isaraela.

II. Man Ûlabainy Je Than. 33:6

Ke e ame kunâ minya lakon he ka he hnyi wanben meic hnyi hnyigöulen bucen anyin nöku Hinom, me e ame bihihwakecin, me biobotkong, me bi khong, me elâm unyin tavat ae tren biobotkong, me tavat bi khong: e gan hmâ hulo e ame ânyâ hnyi hnyimakö Iehova, me ohmönyinâ e.

Isaia 30:33

Anyin adre hia but penapena Tofet kâû adrem; eke, adre hia but penapena e hobi kâu than; e ame hia but ânyâ e ae dit me lau: haba hna khon e, wale meic me uto ae se hia, ke ame vâc e ge homenö Iehova, helâ me wagewe teio.

Jeremia 19:11

Ke u me he ka ha ködrin, ka habe, Walang hna ha hnö Iehova tuhan sabaoth, ka habe, Oge me he ka ohmouca hnyei ang helâ me hna thö kaia kânâ, wale ae ca khanʼ ödra he ka obekhötâ hmetu: ke adre me he ka khon komok hnyi Tofet, ke ne o but ame ba but dok hnân khon komok hnyin.

Jeremia 19:2

ke he thö ka hnyi hnyigöulen bucen anyin nöku Hinom, ae hnyi homagouleny Harsith, ke khetâ thö eling ta je hofuc oge me he ka ha köu:

Jeremia 19:6

anyin a wale, wâ bi, ame he ka o je bong, haingö Iehova, ke adre me ca he hmetu ka ha ka dok ang Tofet me hnyigöulen bucen anyin nöku Hinom, ke so bi, Thopiny hlingö at.

Jeremia 32:35

Ke adre me otilâ je dok ae gorany anyi Baala, hnyigöulen bucen anyin nöku Hinom, me kunâ je lakudra obaga me wahlu ka he hnyi wanben meic kö Moleka; waleji a oge ca ûkhûnöng, ke oge ca ûnykûme, agʼ adre me he ka ânyâ ûnyi eling ae ikiki; he ka oâ hulo ge at Juda.

Josua 15:63

Ke haba at Jebusi, ödrin e labā Jerusalema, me ca khana laku Juda he ka obʼ ödrin: kʼ ame tha laba at Jebusi me je laku Juda hnyi Jerusalema ke ne o but hnyi bong ang.

Josua 18:28

me Zela, me Elef, me Jebusi (wale Jerusalema), me Gibea, me Kiriatha; fortin je taun me je tauniny ae ûhnyûkong. Wale jekhon je laku Beniamina hoton anyidrin je lap.

Owisa 1:21

Ke haba laku Beniamina, odrin o ca obâ at Jebusi, wale tavat adre me labā Jerusalema: ke haba at Jebusi odrin e tha laba me laku Beniamina hnyi Jerusalema ke ne o but hnyi bong ang.

Owisa 1:8

Ke haba laku Juda odrin e vat me Jerusalema, me hûgûnâ e, me kot ge hele vat, me thong taun ge meic.

Owisa 19:10

Ke höcö bi baga he ka mokut hmetu, me e ame tot me he, me e ame o hnyi hnyei cicö Jebusi (wale Jerusalema): ke e unyin li asina adre hûkâlâ li taben hudru; me anyin minya momo.