Josua 18:12 - Iaai Bible 1901 (New Caledonia)

¹² Ke haba hnyigöulödrin ka hnyi hwadrö, hwân hnyi Joridano; ke ame he hnyigöulen ka hnyi ke keihen hwadröiny Jeriko, me he ka hnyi hnyei ae hut e jio; kʼ ame umo hnyi hnyebuba Beth-aven.

Josua 18:12 Iomraidhean Croise

Hosea 10:5

Ame he tavat adre me laba hnyi Samaria ka hmak hnyekudra ge je nokon kau hnyi Beth-aven; anyin ame he aten ka tenge can e, ke tavat bihut hnyin, waleji adre hobeluâ ge hmanenanginy, anyin ae hia but e.

Hosea 4:15

Isaraela lö, eja ke ne u je ne bi ûnyi monu, ke so u Juda ame ca he bi ka monu; ke ca he öbun Gilegala ai, ke ca he Beth-aven ai, ke ca khemanyin bi, ka habe, Kia inya Iehova.

Hosea 5:8

Tûâ thʼ öbun sofa hnyi Gibea, me trutru hnyi Rama: kuku thö hnân haten hnyi Beth-aven; e hnyi hotom Beniamina.

Josua 16:1

KE haba jekhon laku Josefa me hwân hnyi Joridano e Jeriko wale hnyi köien Jeriko e deiö, ke ne o but hnyi hnyebuba, gethen ûheny Jeriko hnyi wanben hnyei ae hut ke ne o but Beth-ela;

Josua 18:11

Ke ame āt dö ge leköp tribu anyin laku Beniamina hoton anyidrin je lap: ke ame hnyigöulen jekhöûdrin hnyi wanben laku Juda, me laku Josefa.

Josua 2:1

KE haba Josua nöku Nuna ame kunâ duöngâ ûheny Sitima li at he ka ecmak, me ha, ka habe, He thö ka wâ hnyei, me Jeriko. Me ödru me he me o ka hnyi uma umen momo hnyi gethen, Rahaba ien, me mokut eling.

Josua 3:16

me ame todru köiö ûheny hnyi hwadrö ame görany dö helâ me khölöki ûsâkâûö, hwân Adamu, wale taun cicö Zaretana: ke ame hme köiö ame di ka hnyi köien dok ae tha hon, wale Köiö ae Hiny, ame subâ but: me ame he hanyâûâ ge tavat cicö Jeriko.

Josua 6:1

(KE ame ti thelöng hwegiâ Jeriko can lakon Isaraela: e ba at ame didrut, ke ba at ame didrö.)

Josua 7:2

Ke haba Josua ame kunâ ke je hnyat ûheny Jeriko Ai ai, wale ae hakekeny Beth-aven, hnyi ke keihen Beth-ela ke deiö, me ha ködra, ka habe, He thʼ öbun me ecmâkâ hnyei Me ame he je hnyat me ecmâkâ Ai.

Josua 8:15

Ke haba Josua me at Isaraela hia thithö me adre me kec iyawö hnyi hnyimaködrin, ke adre me kec hnyi gethen ûheny hnyi hnyebuba.

I. Samuela 13:5

Haba at Filisiti adre me ûkhacaköu he ka vat me at Isaraela, thote thauzan je! kariota, ke siks thauzan tavat tabö hors, me tavat helâ me önyin köiö ûseidra: ke adre me he me hunuma hnyi Mikemas, Beth-aven ke e deiö.