Josua 18:1 - Iaai Bible 1901 (New Caledonia)

¹ KE ame ûkhacaköu tavat a lakon Isaraela hia hnyi Silo, ke adre me otilâ eling uma mano a uma ûkhacaköu: ke ame ngâ but hnyei hnyi hnyimaködrin.

Josua 18:1 Iomraidhean Croise

II. Samuela 7:6

Anyin oge me ca laba eiö hnyin uma hwân hnyi bong oge me hom jem hnyin lakon Isaraela ûheny Aigupito keneo but hnyi bong ang; ke oge me hia but laba hnyi uma mano ame ne uma menâ.

I. Je Than 14:2

Me Jeroboama ame ha ka âiân, ka habe, Ö u todrö, ke oiyongi u bi, me me ca manen a u öiö Jeroboama: ke he thö Silo ai; wâ bi, eling Ahia perofeta, at ame ha könya a oge me he ka thaniny hnyei ang.

I. Je Than 14:4

Ke ame ânyâ helâe öiö Jeroboama, me e ame tot me he Silo ai, me o ka hnyi uma umö Ahia. Ke ca khanö Ahia but bwele, anyin ae hâe but li emakan anyin a hingat ut.

I. Je Than 2:27

Me haba Solomona ame obö Abiathara ûnyi hnyi hanymen at bihut kö Iehova; me me ohwâdâ hofuc ho Iehova, waleji a ha ge lap anyi Eli hnyi Silo.

Nehemia 9:24

Me ame he ka hnyin je lakon me hu hnyei, ke u je hom ûhnyûkongoâ hnyi hnyimaködrin at Kanana tavat a idrin hnyei, me hnʼ ödrin ka hnyi hnyamödrin, tha ödrin me je tuhödrin, me tavat aten hnyei, mʼ ödrin e he ka ânyâ wedrin ködrin.

Salamo 78:60

Me e ame hna degecâ uma hnyi Silo, Waleji uma mano e ame otilâ unyin tavat;

Salamo 78:66

Ke e ame kot tilâ ta je iwahnaihmiöny mē hnyi kec a ödra: Me hnʼ ödra hnân taben ûhiö nyiele balua.

Jeremia 26:6

awe, oge me he ka wia uma eang me me helâ me Silo, ke oge me he ka wia taun ang hnân hangâ hnen je hnyei hia eang hmelen.

Jeremia 26:9

Anyin a ieû, u je perofeta hnyi iö Iehova me ha, ka habe, Ame he Uma kap eang ka helâ me Silo, ke ame he ka hnyot taun ang, ke ama ba at ame he ka labā e? Ke ame ûkhacaköu tavat hia kö Jeremia hnyi uma umö Iehova.

Jeremia 41:5

me ame o but tavat a eite ûhedra Sekema me Silo me Samaria, adre giâ je waidra, me kia anyidra je ûkhaû, me ka kavi ödra bi, adre me hom je bwihlany me libanu ka hnyi uma umö Iehova.

Numera 32:22

me hom ûhnyûkongo hnyei hnyi hnyimakö Iehova: awe, öbun e he ka hmetu hwaban e, kʼ ame he ka ba hulö gabun hnyi hnyimakö Iehova, me hnyi hnyimakan at Isaraela; ke haba hnyei eang, me ibun bi hnyei hnyi hnyimakö Iehova.

Ta je huliwa 7:45

Ke haba lakamöta unyi Josua, me adre me hom ûnyi eling hnyi ûen adre me kap hnyei iny Aten ta je hnyei, waleji hnen Khong hna obâ hnyi hnyimakan lakamöta, ke ne o but hnyi ta je bong bongu Davita;

Josua 18:2

Ke seven biju je tribuiny lakon Isaraela a ödrin tiga ca khenâ jekhöûdrin.

Josua 18:8

Me ame todrö tavat me he: ke Josua ame hûna ködrin wale hnyat ödrin e he he ka omanenâ hnyei, ka habe, he thö, me vheno hnyei, me omanenâ e, ke hmetu ju könya, me oge me he ka ugleköbâ eang hobi köbun hnyi hnyimakö Iehova hnyi Silo.

Josua 19:51

Wale je hwajekhon a khene idrin ga Eleazara at bihut, me Josua noku Nuna, me je kamen je tribuiny lakon Isaraela, ge ugleköp hnyi Silo, hnyi hnyimakö Iehova, hnyi hwanumen uma ûkhacaköu. Ke adre me umo thö khenâ hnyei.

Josua 21:2

ke ödrin e fuc ködrin e Silo hnyi hnyei Kanana, ka habe, Iehova ame hûna a deny Mose he ka ham kohmun je taun hnân labā, me je utkânâ igigilö e hobi kâu halehmun je meno.

Josua 22:12

Ke a long ut lakon Isaraela, me ame ûkhacaköu tavat hia a je lakon Isaraela hnyi Silo, he ka vat mödrin.

Josua 22:19

Ke so bi ame ne bo kong hnyei ae hu ibun hnyin, awe, hanyâûâ thö ka hnyi i Iehova adre otilâ hnyin uma mano umo Iehova, mʼ öbun e hu hnyei unyihmun: ke ca he ka khikhin ga Iehova, me ûkhin fuc möhmun, wale möbun e otilâ taben anyibun hut kö Iehova Khonguhmun.

Josua 22:9

Me ame he hmetu je laku Reubena, me je laku Gada, me hafiny tribu Manase ge lakon Isaraela ûheny Silo hnyi hnyei Kanana, he ka he ka hnyi hnyei Gileada, ka hnyi idrin hnyei, wale ae hu gadrin, helâji me hna ha hnö Iehova a deny Mose.

Owisa 18:31

Ke ödrin e otilâ hobi ködrin hnatheat adre tretrao anyi Mika, wale e ame ânyâ, hnyi ta je bong hia wale a e bi hnyi Silo uma umen Khong.

Owisa 21:12

Ke ödrin e wâ unyin at Jabese-gileada foa haded je hlu a ödrin tiga ca tha mwi me baga: ke ödrin e hum ödrin Silo ai ka hnyi hna hunuma hnyi hnyei Kanana.

Owisa 21:19

Me Ödrin e ha, ka habe, Wâ bi, e hu bijeû anyi Iehova hnyi Silo hnyi je huna wale hnyi ke keihen Beth-ela, ke keihen e deiö gethen ame he Sekema ai ûheny Beth-ela, ke keihen Lebona ka hnyi hwai-öuiny.

I. Samuela 1:24

Ka hia but hnebaiö e, e ame hom e me je bolok minya a kun, ke khaca efa falawa, me tap waina, me hom e ka hnyi uma umo Iehova hnyi I Silo: ke tiga ûhnyûkong wanakat.

I. Samuela 1:3

Ke haba at eling ame labö he hnyi je huna ûheny hnyi hnyaban he ka hnyi hmi me bi hut kö Iehova tuhan sabaoth hnyi Silo. Ke haba eling li laku Eli, jia Hofeni me Fineasa, a li at bihut kö Iehova.