Josua 17:4 - Iaai Bible 1901 (New Caledonia)

⁴ Me ödrin e he kö Eleazara at bihut, me Josua nöku Nuna, me je than, me ha ka habe, Iehova ame hûna kö Mose he ka haʼ ihmun unyin je liamekeiny möhmun: anyin a wale e ame haʼ idrin unyin je liamekeiny me kamödrin, helâ me hna ha hnö Iehova.

Josua 17:4 Iomraidhean Croise

Numera 27:1

KE ame o but je hlu laku Zelofeada, nöku Hefera, nöku Gileada, nöku Makir, nöku Manase, a je lap anyi Manase nöku Josefa: ke walang ien lakon je hlu, jia Mala, me Noa, me Hogela, me Mileka, me Tireza.

Numera 27:4

Geû adre me he ka ohia ien kamöhmun hnyi wanben anyin lap, anyin ae ba nokon baga? Ha ihmun bi unyin je liamekeiny me cica.

Numera 36:10

Ke haba je hlu a laku Zelofeada, me ödrin e ânyâ helâ me hna hûna hnö Iehova kö Mose:

Galatia 3:28

Ke ba hmetu at Juda, ke ba at Helene, ke ba at hwenbâ, ke ba at he baû, ke ba baga, ke ba momo; anyin a khaca thibi öbun hia unyin Keriso Iesu.

Josua 14:1

KE walang je hnyei ame hom hnen lakon Isaraela hnyi hnyei Kanana, wale ame khenâ Eleazara at bihut, me Josua nöku Nuna, me je ban a je kamen je tribuiny lakon Isaraela hnân idrin,

Josua 17:5

Ke adre khenâ kö Manase libenyita je ke keihen, ke ca ha bi hnyei Gileada me Basana, wale hoton Joridano;

Josua 21:1

KE haba je ban lakamen at Levi, ödrin e he kö Eleazara at bihut, me Josua nöku Nuna, me je ban je tribuiny lakon Isaraela;