Josua 17:11 - Iaai Bible 1901 (New Caledonia)

¹¹ Ke e hu ga Manase hnyi Isakara me Asera, Betheseana me je tauniny, me Ibeleama me je tauniny, me aten Dora me je tauniny, me aten En-dora me je tauniny, me aten Tanaka me je tauniny, me aten Megido me je tauniny, wale je dok ae hut.

Josua 17:11 Iomraidhean Croise

II. Samuela 21:12

Ke habe Davita ame he me hom je jeiö Saulo me je jeiö Jonathana a nokon unyin at Jabesi-gileada, tavat adre venâu e ûnyi hnyi gethen hnyi Bethe-san, wale hnen at Filisiti hna uhno hnyin, hnyi ûen at Filisiti ödrin e hlingö Saulo hnyi Gibeboa:

I. Je Than 9:15

Ke walang bongon a ga ûca at hnö Solomona than he ka op uma umo Iehova, me umen uma bi, me Milo, me hak vetoiny Jerusalema, me Hazora, me Megido, me Gezera.

II. Je Than 9:27

Haba Ahazia than Juda ame wâ me e me kec hnyi getheniny uma umen hna belök. Ke haba Jehu ame hnu e, me ha, ka habe, Kot e hnyi kariota: me adre me kot e hnyi gethen ûheny Gura hnyi Ibeleama. Ke e ame kec Megido ai, me e ame mokcu eling.

I. Man Ûlabainy Je Than. 6:70

ke ûnyi hnyi hafiny tribu Manase; Anere me je hnyaban igigilo, me Bileam me je hnyaban igigilo, hobi kâu kolon lap anyin laku Kohatha.

I. Man Ûlabainy Je Than. 7:29

ke haba hnyi hnyigöulen je laku Manase, Bethe-seana me je tauniny, Megido me je tauniny, Dora me je tauniny. Adre labâ e hnen laku Josefa nöku Isaraela.

II. Man Ûlabainy Je Than. 35:22

Ke so bi ame ca hwio bi Josea gan, ke e ame oiyongâ e bi, me me he ka vat më, kʼ ame ca long bi hofuc ho Neko ûnyi ge Khong, me e ame o ka hnyi vat hnyi hinyigöuleu bucen e Megido.

Salamo 83:10

Waleji adre ohiʼ ödra hnyi Eni-dora; Adre me wiʼ ödra me me helâ me tatet hobi kâu kânâ.

Jeremia 49:2

Anyin a wale, wâ bi, ame he ka o je bong, haingö Iehova, me oge me he ka olungâ hnyi Raba iny lakon Amona hwan vat; me e ame he ka hna digic thatûnyi ae ba onyen, kʼ adre me he ka thong degecâ ge meic lakon wahlu: kʼ ame he Isaraela ka hom iny tavat waleji adre me hom iny, haingö Iehova.

Zakaria 12:11

Hnyi bong eling ame he ka tenge thungaû hnyi Jerusalema, helâ me tenge thungaû hnyi Hadaderimona hnyi hnyigöulen bucen Megido.

Josua 11:2

me ka je thaniny hnyi hwadrö, wale hnyei ae hut, me dok ae tha hon hnyi Kinereth ke e hwaiöu, me hnyi hnyei ae ca hut, me je dok ae göranyiny Dora e jio,

Josua 12:21

than Tanaka, khaca; than Megido, khaca;

Josua 12:23

than Dora hnyi bucen Dora, khaca; than Goim hnyi Gilegala, khaca;

Josua 16:9

ke ca ha bi je taun adre hake ip hobi kâu je laku Eferaima wale hnyi wanben jekhon laku Manase, a ta je taun hia thithö me ta je tauniny ae ûhnyûkong.

Josua 17:10

ke i Manase ka hnyi hwaiöu, ke i Eferaima ka hnyi hwadrö, ke haba hnyigöulen, me, köiö; kʼ ame he ke ne o but Asera hnyi hwadrö, me Isakara e deiö.

Josua 17:16

Me ame ha je laku Josefa, ka habe, E ca ûcû kohmun bucen: ke haba at Kanana adre me laba hnyi hnyigöulen bucen me ödrin e tren je kariota fao, wale tavat hnyi Bethe-seama me je tauniny, me tavat minya hnyi hnyigöulen bucen e Jezerela.

Owisa 1:27

Ke haba at Manase odrin e ca obâ tavat adre me laba hnyi Bethe-seana me je tauniny, me Tanaka me je tauniny, me tavat adre me labā Dora me je tauniny, me tavat adre me labā Ibeleama me je tauniny, me tavat adre me labā Megido me je tauniny: ke hwege at Kanana he ka laba bala bi hnyi hnyei eling.

Owisa 5:19

Ame o but je than me vat; Me ame vat je thaniny Kanana, Hnyi Tanaka hnyi je an hnyi Megido: Ödrin e ca hok mone me hwaban.

I. Samuela 28:7

Me Saulo ame ha ka lathnyabainy, ka habe, He thö ka elâm hobi könya ke momo ae tren biobotkong, me inye he kâu he ka elâm unyin. Me ame ha kâu lathnyabainy, ka habe, Wâ bi, e hnyi Eni-dora momo ae tren biobotkong.

I. Samuela 31:10

Ke adre me ip omjehen vat hnyi uma umo Aseira: ke haba unyin bi, me adre me uhno hnyi hna up hak veto hnyi Bethe-san.

I. Samuela 31:12

me ame todrö tavat hwege hia, me he hnyi lit, me hom unyi Saulo, me unyin ta lakon a kun ûnyi hnyi hna up hak veto hnyi Bethe-san; me ödrin e o hnyi Jabesi, me thong degecâ je unyin eling.