Josua 17:1 - Iaai Bible 1901 (New Caledonia)

¹ KE walang jekhon tribu anyi Manase; anyin a e nöku Josefa a bân. Hobi kö Makir nöku Manase a bân, kamö Gileada, anyin a e at vat, me adre me ham me iny Gileada me Basana.

Josua 17:1 Iomraidhean Croise

Genese 41:51

Ke Josefa ame hwenyi ien atö, Manase: haingen, ka habe, Anyin a hia but Khong okhöti nya hnyi anyik ta je vec hia, me hnyaba cica hia.

Genese 41:52

Ke e ame hwenyi ien wakeiat Eferaima: haingen, ka habe, Anyin a Khong ame osi nya hnyi hnyei adre oveci nya hnyin.

Genese 46:20

Ke adre hnokoâ lo laku Josefa hnyi hnyei Aigupito, jia Manase me Eferaima, wale hnö Asenatha nöku Potifera, at bihut hnyi Ona.

Genese 48:17

Ke Josefa ame wâ a kamen ame ip hnyamen a metân hon bö Eferaima, me ame vec hnyekon: me e ame kap göranyai hnyamen kamen he ka hai hon bö Eferaima ka hnyi bö Manase bi.

Genese 48:18

Ke haingö Josefa ka kamen, ka habe, Cica lö, ca helâe, anyin a atö at ang; ip dö hnyamâm a metâm hon bân.

Genese 50:23

Ke Josefa ame wâ laku Eferaima ke ne o but ka hnyi do a kuniny: me laku Makir minya nöku Manase adre hnokoâ me ip hnyi li jevö Josefa.

II. Samuela 2:9

me otilâ e ka than hon at Gileada, me Asuri, me Jezerela, me Eferaima, me Beniamina, me Isaraeli hia.

I. Man Ûlabainy Je Than. 2:23

Ke haba Gesuri me Arama ödru me hûgûnâ je taun anyi Jaira ûnyi gadrin, tha e me Kenath, me je tauniny ae ûhnyûkong, sikste je taun. Ödrin hia je baga laku Makir kamö Gileada.

Ezekiela 47:13

Walang hna ha hnen Than Iehova, ka habe, Waleû hnyigöulen öbun e he ka khenâ hnyi hnyei hnân hwajekhon hoton je tribu Isaraela a twelv: ame he ka hu je hwajekhoû Josefa.

Ezekiela 48:4

Ke haba hnyi hnyigöulen Nafatali, hwân hnyi ke keihen e jimeyö ke ne o but hnyi ke keihen e jimeû; khaca jekhoû Manase.

Numera 26:29

Haba laku Manase: ûnyi ga Makir, me, je lap anyin at Makir: ke Makir ame hnöku Gileada: ûnyi ga Gileada, me, lap anyin at Gileada.

Numera 27:1

KE ame o but je hlu laku Zelofeada, nöku Hefera, nöku Gileada, nöku Makir, nöku Manase, a je lap anyi Manase nöku Josefa: ke walang ien lakon je hlu, jia Mala, me Noa, me Hogela, me Mileka, me Tireza.

Numera 32:33

Me haba Mose ame ham ködra, a laku Gada, me laku Reubena, me hafiny tribu Manase a nöku Josefa, dökhu dökhu Sihona thaniny at Amora, me dökhu dökhu Oga thaniny Basana, wale hnyei me je tauniny, a je tauniny hngei igigilö.

Deuteronomi 21:17

ke e ame he ka oûnyihnathoâ atö, a nokon momo e ame hûkötiâ, ge li jekhöû e ame he ka ham, ûnyi hnyi anyin ta je ûnyi hia; anyin a nokon hidröu a e; ke e bi gan hanymen atö.

Josua 17:2

Ke haba jekhon eling hobi kâu ke keihen laku Manase hoton anyidrin je lap; hobi kâu laku Ahiezera, me laku Heleka, me laku Aseriela, me laku Sekema, me laku Hefera, me laku Semida: wale je baga noku Manase nöku Josefa hoton anyidrin je lap.

Josua 22:7

Ke a hia but Mose khene jekhoû hnyi Basana ka hafiny tribu Manase: ke haba ka ke haf, Josua ame khenâ unyin je liamekeiny mödrin hoton Joridano ke e jio. Ke haba khaca, hnyi ûen e ame kunʼ ödrin ka hnyi umödrin je uma, me Josua ame hahnahici ödrin,

Owisa 5:14

Ûhedrin hnyi Eferaima ke anyidra wân ûheny Amaleka; Kʼ ame he hotom Beniamina, aten em hnyei; Ke ame ok je taben ûheny Makir, Ke ûheny Zebulona tavat hok uciny at muso vat,