Josua 16:10 - Iaai Bible 1901 (New Caledonia)

¹⁰ Ke haba at Kanana a tavat adre me laba hnyi Gezera, me adre me ca obʼ ödrin dut: me haba at Kanana ödrin e laba unyin at Eferaima ke ne o but hnyi bong ang, me bi athnyabaidrin me ânyâ anyidrin je huliwa.

Josua 16:10 Iomraidhean Croise

I. Je Than 9:15

Ke walang bongon a ga ûca at hnö Solomona than he ka op uma umo Iehova, me umen uma bi, me Milo, me hak vetoiny Jerusalema, me Hazora, me Megido, me Gezera.

I. Je Than 9:16

Haba Farao than Aigupito ame hia but he me hûgûnâ Gezera, me thong ge meic, me hlingâ at Kanana tavat a idrin taun, me ham e hnân bwihlany ka nokon hlu, a öiö Solomona.

I. Je Than 9:21

ke lakon aten hnyei a wan hwabodrin, waleji ae ca khana lakon Isaraela he ka ohia, me haba Solomona ame ûca hnyat gadrin he ka ânyâ anyin ta je huliwa ke ne o but hnyi bong ang.

II. Man Ûlabainy Je Than. 8:8

ke lakudrin a je wan hwabodrin hnyi hnyei, waleji a ca ohia hnen lakon Isaraela, me haba Solomona ame wia keihen gadrin he ka bi athnyaba, ke ne o but hnyi bong ang.

Josua 10:33

Me ame he but Horema thaniny Gezera he ka hadruâ at Lakisa; ke haba Josua ame kot e me lakeiny ke ne o but ame ba but kolon.

Josua 15:63

Ke haba at Jebusi, ödrin e labā Jerusalema, me ca khana laku Juda he ka obʼ ödrin: kʼ ame tha laba at Jebusi me je laku Juda hnyi Jerusalema ke ne o but hnyi bong ang.

Josua 16:9

ke ca ha bi je taun adre hake ip hobi kâu je laku Eferaima wale hnyi wanben jekhon laku Manase, a ta je taun hia thithö me ta je tauniny ae ûhnyûkong.

Josua 17:12

Ke ca khana bi laku Manase he ka obâ aten je taun eling; anyin ame belaba at Kanana hnyi hnyei eling.

Josua 17:13

Ke hnyi ûen ame hwege but lakon Isaraela me ödrin e kunâ at Kanana he ka huliwa hnyi je hna khenâ huliwa, kʼ adre ca ti obʼ ödrin.

Owisa 1:29

Ke haba at Eferaima odrin e ca obâ at Kanana tavat adre me laba hnyi Gezera; ke at Kanana ame laba hnyi Gezera unyi drin.