Josua 15:7 - Iaai Bible 1901 (New Caledonia)

⁷ kʼ ame he bala bi hnyigöulen Debira ai, hwân hnyi hnyigöulen bucen Akora, ke helâe ka hnyi hwadrö cicö Gilegala, wale cicö gethen ame he Adumim ai, wale hnyi baten köiö ka hnyi hwaiöu: ke ame he bala hnyigöulen ka hnyi köiö Eni-semes, me ame um ju hnyi Eni-rogel:

Josua 15:7 Iomraidhean Croise

II. Samuela 17:17

Ke Jonathana me Ahimaza ödru me laba bi hnyi Eni-rogel; ke ame labö he ke athnyaba a hlu me thumetu ödru; me ödru me he me thumetu Davita than: anyin e ca ûcû he ka ö ödru hnyi taun.

I. Je Than 1:9

Ke haba Adonia ame thân je mamoe me je bolok me je meno ae pipikhenya, hnyi veto anyi Zoeleth wale hnyi En-rogel; me e ame hawâ je liamekeiny më hia a lakon than, me hnyat Juda hia lathnyabainy than:

Isaia 65:10

Ke ame he Sarona ka hnân hnyeuleiny ta je mamoe, ke haba, hwatapkoluiny Akora me hnân mokut hnen je hna hat meno, hobi kâu lakeik waleji tavat adre me elom nya.

Hosea 2:5

Anyin a hiny-ödrin ame bi ûnyi monu: momo a hnöku ödrin ame ânyâ ûnyi hnân hmehma; anyin a haingen, ka habe, Oge me he ka hnu hoton lawek, tavat adre me ha ök, me belik köiö, me leûnen mamoe,, me lino, me wakaco, me belik.

Josua 10:43

Ke haba Josua ame tha hmetu me at Isaraela hia, ka hnyi hna hunuma e Gilegala.

Josua 15:15

Ke e ame he ûheny e he ka tet metâ ka tavat adre me labā taun Debira: ke haba ien Debira ehac, me, Kiriatha-sefer.

Josua 15:6

ke ame he bala bi hnyigöulen Bath-ogela ai, ke ame he bala bi ka hnyi hwadrö iny Beth-araba; ke ame he hnyigöulen ke ne o but ka veto anyi Bohan nöku Reubena:

Josua 18:17

ke adre me tuluto hnyi hwadrö me umo hnyi Eni-semes, me he Geliloth ai, wale cicö gethen ame ölö Adumim ai; kʼ ame he ka hnyi veto anyi Bohan nöku Reubena;

Josua 4:19

Ke ame ölö tavat ûheny hnyi Joridano hnyi bong a teniny tehi a bân, me hunuma hnyi Gilegala hnyi ke keihen e deiöiny Jeriko.

Josua 7:24

Ke haba Josua me lakon Isaraela hia, adre me hum Akana, nöku Zera, me sileva, me ûkhaû, me ong gol, me lakon baga me hlu, me haleny je bolok, me haleny je mamoe, me umen uma mano, me anyin ta je ûnyi hia thithö, ke adre me hum ödrin ka hnyi hnyigöulen bucen Akora.

Josua 7:26

Me adre me khon gânâ je veto ethö hon, a wale bi e ke ne o but hnyi bong ang; me haba Iehova ame hwiö ûnyi hnyi anyin hmönyin ae hwege. Anyin a wale adre me hwenyi ien dok eling, me, Hnyigöulen bucen Akora ke ne o but hnyi bong ang.