Josua 15:4 - Iaai Bible 1901 (New Caledonia)

⁴ kʼ ame he Azemona ai, me o ka hnyi wageweiny Aigupito; kʼ ame um ju hnyigöulen eling hnyi köiö: me wale hnyigöulöbun ka hnyi hwaiöu.

Josua 15:4 Iomraidhean Croise

Genese 15:18

Haba hnyi bong eling Iehova ame ha ûhihinyköu me Aberama, ka habe, Oge hia but ham hnyei ang ka ta je mâtrânâm, hwân hnyi wageweiny Aigupito keneo but wagewe ae gan, wale wagewe Euferate:

I. Je Than 8:65

Me Solomona ame ânyâ bijeû hnyi ûen eling, a tha e me at Isaraela hia, e gan hmâ ûkhacaköu, hwân hnyi gethen ûheny Hamath ke ne o but hnyi wagewe Aigupito, hnyi hnyimakö Iehova Khonguta, seven ta bong ke seven minya ta bong, wale fotin je bong.

Esodo 23:31

Ke oge me he ka si hnyigöulâm hwân hnyi Köiö ae Dra ke ne o but ka hnyi köien at Filisiti, ke hwân hnyi hnyebuba ke ne o but hnyi Wagewe: anyin oge me he ka hna ka hnyi hnyamöbun tavat adre me labâ hnyei; kʼ u me he ka obʼ odra hnyi hnyimâkâm.

Isaia 27:12

Hnyi bong eling ame he Iehova ka tau wan, hwân hnyi wadutöiny Wagewe, ke ne o but hnyi wageweiny Aigupito, kʼ adre me he ka hlu öbun a ûsa khaca, öbun lakon Isaraela.

Numera 34:5

ke ame he ka khenyi hnyigöulen ûheny Azemona ke ne o but hnyi wageweiny Aigupito, kʼ ame he ka umo hnyi köiö.

Josua 13:3

hwân hnyi Sihora cicö Aigupito, ke ne o but hnyigöulen Ekerona ka hnyi hwadrö, kʼ adre me aû e, me hnyei iny at Kanana: ödrin thabûng je thaniny at Filisiti; ke at Gaza me at Asedoda, me at Asekelona, me at Giti, me at Ekerona,

Josua 15:3

kʼ ame he ka hnyi hwaiöu ke ne o but hnyi gethen ame he Akerabima ai, kʼ ame he bala Zin ai me he ka hnyi hwaiöuiny Kadesi-banea, me he Hezerona ai, me Adara ai, kʼ ame khenyi ke ne o but Kareka:

Josua 15:47

Asedoda me je tauniny me je tauniny ae ûhnyûkong; Gaza me je tauniny e me je tauniny ae ûhnyûkong; ke ne o but hnyi wageweiny Aigupito, me köiö ae gan me hobatköiny.