Josua 14:4 - Iaai Bible 1901 (New Caledonia)

⁴ Anyin a haba lo li tribu, li laku Josefa, jia Manase me Eferaima; ke ödrin e ca ham ka at Levi ke keihen hnyei; ke so bi je taun hnân me labā, me utkânâ igigilö e hobi kâu haledrin je meno me anyidrin je anyi.

Josua 14:4 Iomraidhean Croise

Genese 41:51

Ke Josefa ame hwenyi ien atö, Manase: haingen, ka habe, Anyin a hia but Khong okhöti nya hnyi anyik ta je vec hia, me hnyaba cica hia.

Genese 41:52

Ke e ame hwenyi ien wakeiat Eferaima: haingen, ka habe, Anyin a Khong ame osi nya hnyi hnyei adre oveci nya hnyin.

Genese 46:20

Ke adre hnokoâ lo laku Josefa hnyi hnyei Aigupito, jia Manase me Eferaima, wale hnö Asenatha nöku Potifera, at bihut hnyi Ona.

Genese 48:1

HWABAN ta je ûnyi e, adre me thumetu Josefa, ka habe, Wâ bi e hu mok anyin kâmâm: me e ame hom li lakon Manase me Eferaima.

Genese 48:5

Ke walang ang haba li lakom jia Eferaima me Manase adre hnokoâ gam hnyi hnyei Aigupito, kʼ iny tiga ca o köu eang Aigupito, me ödru li lakuk bi, helâ me Reubena me Simeona.

Genese 48:6

Ke haba je lakom u ma he ka hnokoâ hwabödru, me ka je lakom bi; adre me he ka hwenyi iödrin hoton ien je liamekeiny mödrin hnyi je hwajekhöûdrin.

II. Man Ûlabainy Je Than. 30:1

KE haba Hezekia ame ûkhûnöng ka at Isaraela me Juda hia, me sihnalimen minya je tusi ka at Eferaima me Manase, mʼ ödrin e he ka o ka hnyi uma umü Iehova hnyi Jerusalema, he ka hnyi ânyâ paseka kö Iehova, Khongon Isaraela.

Numera 26:28

Ke haba laku Josefa hoton anyidra je lap: Manase me Eferaima.

Josua 16:4

Ke haba li laku Josefa, jia Manase me Eferaima, me ödru me labā idru.