Josua 13:9 - Iaai Bible 1901 (New Caledonia)

⁹ hwân Aroera, hnyi baten hnyigöulen bucen e Arenona, me taun hnyi wanben e, me hnyei hia ae tha hon hnyi Medeba, ke ne o but Dibona;

Josua 13:9 Iomraidhean Croise

II. Samuela 24:5

Ke ödrin e he hanyâûâ Joridano me hunuma hnyi Aroera, hnyi ke keihen metân taun hnyi wanben hnyigöulen bucen e Gada, me cicö Jazera;

I. Man Ûlabainy Je Than. 19:7

Ke ödrin e bi hwaban je kariota a thote tu thauzan, me than Maaka me lakeiny: me ödrin e o but me laba cicö Medeba. Ke ame ûkhacaköu lakon Amona ûnyi hnyi anyidrin je taun me he ka hnyi vat.

Nehemia 11:25

Ke haba ge je taun ae ûhnyûkong me je utkânâiny, me ame laba ke je laku Juda hnyi Kiriath-areba, me je tauniny, me Dibona me je tauniny, me Jekabezel me je tauniny;

Isaia 15:2

Me e ame ölö ka hnyi uma kap, me Dibona, ka hnyi je dok ae gorany he ka tenge: Moaba ame kuku tenge ge Nebo, me Medeba: ame hadreû je bödra hia, kʼ adre me sö degecâ je waidra hia thithö.

Jeremia 48:18

Hlu ame laba hnyi Dibona lö, utut ûhem hnyi ânyâm hmanenang, ke laba biju hnyi dok ae atgec; anyin ame o köu at ame söh Moaba, e ame ohia ânyâm je hnabâ.

Jeremia 48:22

me Dibona, me Nebo, me Bethe-dibela-thaim;

Jeremia 48:8

Ke ame he ka utut at söh ka hnyi je taun hia, ke ame ca he ka mot ke taun; ke adre me he ka okongoâ hnyegöulen bucen, me öba wan dok ae tha hon; helâ me hna ba hnö Iehova.

Numera 21:30

Ötin e sânʼ ödra; a kong ut Hesebona ke ne o but Dibona, Kʼ ötin e hia but hûgûnʼ ödra ke ne o but Nofa, Wale ke ne o but Medeba.

Deuteronomi 2:36

E ba ke taun ae hwege huta, hwân hnyi Aroera hnyi baten hnyigöulen bucen e Arenona, me taun a e hnyi hnyigöulen bucen, ke ne o but Gileada: Iehova Khonguta ame hna but hia köta hnyi hnyima-köta:

Deuteronomi 3:12

Ke ate me labā hnyei e hnyi ûen eling: hwân Aroera hnyi hnyigöulen bucen e Arenona, me hafiny hnyei hnyi bucen Gileada, me je tauniny, me waleji oge ham ka at Reubena me Gada:

Deuteronomi 3:16

Ke oge me ham ka at Reubena me Gada, hwân Gileada ke ne o but hnyi hnyigöulen bucen e Arenona, a hnyi wanben e, me baten: ke ne o but hnyi wagewe Jaboka, wale hnyigöulen laku Amona:

Josua 12:2

Sihona thaniny at Amora, at ame laba Hesebona, at musi hwân Aroera hnyi baten hnyigöulen bucen e Arenona, me taun hnyi wanben e, me ke keihen Gileada a hafiny, ke ne o but hnyi wagewe Jaboka, hnyigöulen je laku Amona;

Josua 13:10

me je taun hia anyi Sihona than Amora, at ame musi hnyi Hesebona, ke ne o but hnyigöulen je laku Amona;

Josua 13:16

Ke haba hnyigöulödrin, hwân Aroera hnyi baten hnyigöulen bucen e Arenona, me taun hnyi wanben e, me hnyei hia ae tha hon hnyi Medeba;

Josua 13:8

ke haba e, a tha e me at Reubena me Gada ödrin e hia but kap idrin, wale a ham ködrin Mose hnyi hoton Joridano e deiö, helâji me a ham ködrin Mose athnyabai Iehova;