Josua 13:16 - Iaai Bible 1901 (New Caledonia)

¹⁶ Ke haba hnyigöulödrin, hwân Aroera hnyi baten hnyigöulen bucen e Arenona, me taun hnyi wanben e, me hnyei hia ae tha hon hnyi Medeba;

Josua 13:16 Iomraidhean Croise

II. Samuela 24:5

Ke ödrin e he hanyâûâ Joridano me hunuma hnyi Aroera, hnyi ke keihen metân taun hnyi wanben hnyigöulen bucen e Gada, me cicö Jazera;

I. Man Ûlabainy Je Than. 19:7

Ke ödrin e bi hwaban je kariota a thote tu thauzan, me than Maaka me lakeiny: me ödrin e o but me laba cicö Medeba. Ke ame ûkhacaköu lakon Amona ûnyi hnyi anyidrin je taun me he ka hnyi vat.

Isaia 15:4

Ke Hesebona ame kuku, me Eleala; kʼ adre me long hodra ke ne o but hnyi Jahaza: anyin a wale haba vat anyi Moaba adre me hongot goranyai; kʼ ame öbubuny je hnyekudra.

Numera 21:26

Anyin a Hesebona, me, wale taun anyi Sihona thaniny at Amora, waleji at ame vat me ke than Moaba ehac, me hûgûnâ iny hnyei hia, ke ne o but: Arenona.

Deuteronomi 3:12

Ke ate me labā hnyei e hnyi ûen eling: hwân Aroera hnyi hnyigöulen bucen e Arenona, me hafiny hnyei hnyi bucen Gileada, me je tauniny, me waleji oge ham ka at Reubena me Gada:

Josua 12:2

Sihona thaniny at Amora, at ame laba Hesebona, at musi hwân Aroera hnyi baten hnyigöulen bucen e Arenona, me taun hnyi wanben e, me ke keihen Gileada a hafiny, ke ne o but hnyi wagewe Jaboka, hnyigöulen je laku Amona;

Josua 13:15

Ke haba Mose ame khenâ ka tribuiny laku Reubena hoton anyidrin je lap.

Josua 13:17

Hesebona me je tauniny hia thithö hnyi dok ae tha hon; Dibona me Bamotha-baala me Bethe-baalameon;

Josua 13:9

hwân Aroera, hnyi baten hnyigöulen bucen e Arenona, me taun hnyi wanben e, me hnyei hia ae tha hon hnyi Medeba, ke ne o but Dibona;

Josua 14:3

Anyin a Mose ame hia but ham iny lo li tribu me hafiny tribu hnyi ke keihen e deiö Joridano: ke e ame ca khene iny at Levi unyidrin.

Josua 18:7

Anyin ae ba iny at Levi unyibun; anyin a haba hanymen tavat bihut kö Iehova, wale jekhöûdrin: ke haba Gada, me Reubena, me hafiny tribu Manase, ödrin e hia but kap jekhöûdrin hnyi ke keihen e deiö Joridano, wale a ham ködrin Mose athnyabai Iehova.

Owisa 11:26

Ke ame tiga laba Isaraela ehac hnyi Hesebona me je tauniny, me Aroera me je tauniny, me ta je taun hia thithö hnyi hnyigöulen Arenona hnyi je huna a theri haded; me ieû gabun öbun e ca hûgûnâ e hnyi ûen eling?

I. Samuela 30:28

me ködrin hnyi Aroera, me Sifemo, me Esetemoa;