Josua 12:1 - Iaai Bible 1901 (New Caledonia)

¹ WALANG li thaniny hnyei a kot ge lakon Isaraela, me hom idrin hnyei hnyi ke keihen Joridano hnyi hna o hnen seûno, hwân hnyi hnyigöulen bucen e Arenona ke ne o but hnyi bucen Heremona, me dok ae tha hon hia e deiö:

Josua 12:1 Iomraidhean Croise

I. Je Than 4:19

ke Gebera nöku Uri, hnyi hnyei Gileada, hnyei i Sihona than Amora, me Oga than Basana; ke hake e thibi obotkong hnyi hnyei.

Salamo 133:3

E ûcû me dân hau hnyi Heberona, Ame ta hon je bucen Ziona: Anyin a Iehova ame hûna eling hnahic, A möt nyiele balua.

Salamo 136:21

Kʼame ham idra hnyei hnân hwajekhoû. Anyin a nyiele balua anyin ibetengiö:

Salamo 89:12

Haba hwadro me hwaiöu me u je up li dok e: Tabora me Heremona ame senyinâ iâm.

Isaia 16:2

Ke ame he wahluiny Moaba hnyi je hna utihai hnyi Arenona ka helâ me je meno ame gâ monu, ke helâ me hâûeu meno adre oveseâ.

Numera 21:13

Ke ûhedra e me adre me hunuma hoton Arenona, wale hnyi hnyebuba gethen ame o ûnyi hnyi hnyei iny at Amora: anyin a Arenona me hnyigöulen Moaba, wanben Moaba me hnyei Amora.

Numera 21:21

Haba Isaraela ame kunâ je ûthûmetu kö Sihona thaniny at Amora, me ha, ka nabe.

Numera 21:24

Ke Isaraela ame kot e ge hele vat, me hûgûnâ iny hnyei hwân Arenona ke ne o but Jaboka, a ke ne o but je laku Amona: anyin ae hwege hnyigöulen je laku Amona.

Numera 32:19

Anyin a ohmun e ca he bi ka tha tren hnyei mödra hnyi ke keihen Joridano ke e jio, anyin adre kû köhmun ihmun hnyi ke keihen e deiö Joridano.

Numera 32:32

Ohmun e he ka hom omjehen vat me hanyâûâ hnyi hnyimakö Iehova ka hnyi hnyei Kanana, me me he ka hu ihmun hnyei hnyi ke keihen e deiö Joridano.

Numera 32:33

Me haba Mose ame ham ködra, a laku Gada, me laku Reubena, me hafiny tribu Manase a nöku Josefa, dökhu dökhu Sihona thaniny at Amora, me dökhu dökhu Oga thaniny Basana, wale hnyei me je tauniny, a je tauniny hngei igigilö.

Deuteronomi 2:24

Köûö thʼ öbun me he, ke hanyâûâ hnyigöulen bucen e Arenona: wâ bi, oge hia but ham ka hnyi hnyamâm Sihona at Amona, thaniny Hesebona, me iny hnyei: hwân dö he ka hûgûnâ, ke tet metâ kâu hnyi vat.

Deuteronomi 2:32

Ke ame o thö Sihona ûcûta, a tha e me lakeiny hia me vat e Jahaza.

Deuteronomi 3:1

ME ate me khenyi me he hnyi gethen ûhenyʼ Basana: me ame o but Oga than Basana ûcûta, a e me lakeiny he ka vat hnyi Ederei.

Deuteronomi 4:44

Ke walang hnanyibu ame ip Mose hnyi hnyimakan lakon Isaraela:

Deuteronomi 4:46

hnyi hoton Joridano, hnyi hnyigöulen bucen cicö Bethe-peora, hnyi hnyei i Sihona thaniny at Amora, at ame laba e Hesebona, waleji ame kot hnö Mose me lakon Isaraela, ödra ka o but ûheny Aigupito:

Deuteronomi 4:48

hwân Aroera hnyi baten hnyigöulen bucen e Arenona ke ne o but hnyi bucen Siona (wale Heremona),

Josua 1:15

ke ne o but a hia but Iehova omenâ je liamekeiny möbun, helâ möbun, me ödrin e hia but hom hnyei Iehova Khongubun ame ham ködrin; ke hnyi ûen e, öbun e he ka hmetu ka hnyi ibun, me labā e, wale Mose athnyabai Iehova ame ham köbun hoton Joridano, ricö hna o hnen seûno.

Josua 11:17

hwân hnyi bucen Halaka gethen ûheny Seira ke ne o but Baala-gada hnyi hnyigöulen bucen e Lebanona, wale hmelen bucen Heremona: ke e ame hom je than hia me kuc ödrin, me hlingʼ ödrin.

Josua 11:3

me tavat Kanana e deiö me jio, me at Amora, me Heth, me Perizi, me at Jebusi hnyi je bucen, me at Hivi hmelen Heremona hnyi hnyei Mizepa.

Josua 13:8

ke haba e, a tha e me at Reubena me Gada ödrin e hia but kap idrin, wale a ham ködrin Mose hnyi hoton Joridano e deiö, helâji me a ham ködrin Mose athnyabai Iehova;

Josua 22:4

Ke walang ang Iehova Khongubun ame omenâ je liamekeiny möbun, helâji me hnen hna ha ködra, anyin a wale hmetu thʼ öbun, me he ka hnyi umöbun je uma, ka hnyi je ibun, waleji a ham köbun Mose athnyabai Iehova hoton Joridano.

Owisa 11:18

Ke e ame vheno hnyebuba, me igigilo hnyei Edoma, me hnyei Moaba, me he hnyi ke keihen e deiö hnyei Moaba, me hunuma hnyi ke keihen Arenona; ke ödrin e ca o hnyi hnyigöulen Moaba, anyin a Arenona hnyigot me Moaba ehac.