Josua 11:6 - Iaai Bible 1901 (New Caledonia)

⁶ Ke Iehova ame ha kö Josua, ka habe, Ca he ka oût ödra; anyin a nyi hnyi ûen a helâng, oge me he ka hnʼ ödra hia thithö adre hlingʼ ödra, hnyi hnyimakan at Isaraela: u me he ka sö can haledrin je hos, me le anyidrin je kariota ge meic.

Josua 11:6 Iomraidhean Croise

II. Samuela 8:4

Ke Davita ame hûgûnâ gan khaca thauzan ke seven haded tavat tabö hors, ke twente thauzan tavat he hon kânâ: ke Davita ame sö can je hors hanen je kariota hia, kʼ ame ip biju keihen hobi kâu je kariota a khaca haded.

II. Je Than 6:16

Ke haingen, ka habe, Ca ot bi: anyin a hnyat ödrin e laba unyitin ame se hia hon hnyat adre laba unyidrin.

II. Man Ûlabainy Je Than. 20:16

Haba nyi he thʼ öbun ködrin: wâ bi ödrin e ölö jem deny Ziz; kʼ öbun e he ka ödrin hnyi obiny hnyigöuleny bucen, cicö hnyebubainy Jeruela.

Salamo 46:10

Më soju, ke khanʼ öbun dö a inya thibi Khong: Oge me he ka beönua hnyi ta je hnyei, oge me he ka beönua eang hmeledrany.

Salamo 46:11

Tha e mota Iehova tuhan sabaoth; Hnöta hnabâ Khongu Jekob. [Sela.

Salamo 46:9

E ame bi obiny je vat ke ne o but can hmeledrany; E ame ohmetro cafana, me subâ luâ o; E ame thong degecâ je kariota ge meic.

Ta je Vejec 20:7

Haba at ae wisa, wale at ame he hnyi anyin wisa, Me hnahic bi lakon hwaban.

Isaia 30:16

Ke haingöbun, ka habe, E ba, anyin öhmun e he ka tabö hors me kec; awe, öbun e he ka kec: ke haingöbun, Öhmun e he ka tabâ je meno ae logot; awe ame he bi ka logot tavat hnu öbun.

Isaia 31:1

EKÖLÖ gadra tavat adre me he Aigupito ai, he ka hok ûhadruo, me labageju ka ta je hors; me labageju ka ta je kariota, anyin ae se hia: me labageju ka tavat tabö hors, anyin a ödra ti hwege; ke adre me ca bwela ka Kabi Isaraela, me ca elom Iehova!

Ezekiela 39:9

Ke ame he tavat adre me labâ je taun Isaraela ka hû meic, me thong degecâ je ûnyi hnân vat, wale je bec, me je bec ae gan, je cafana me fana, me je ong ö, me je ö, ke adre me he ka thong degecâ ge meic hnyi seven je huna:

Hosea 14:3

Ame ca he Asuria ka omeli ohmun; ohmun e ca he ka tabâ je hors: ke ohmun e ca he hmetu bi ka ha ke je huliwa anyin je hnyamöhmun, ka habe, Obun je konguhmun: anyin ame wâ unyâm betenge ge tavat a mokcu kamödra.

Nahuma 2:13

Wâ bi, e ve inya möu haingö Iehova tuhan sabaoth, ke oge me he ka thong anyin je kariota hnyi hai, kʼ ame he hele vat ka an halem je nak liona: ke oge me he ka subâ degecâ hanem ûnyi eang hmeledrany, ke adre me ca he hmetu ka long ifucin ânyâm je ûthumetu.

Deuteronomi 7:16

Ke u me he ka ohia ta je hnyei hia ame he Iehova ka hna köu; kʼ ame ca he emakâm ka betenge gadra: ke u ma ca bi athnyabainy anyidra je khong; anyin â wale hnân nuc u.

Josua 10:8

Ke haba Iehova ame ha kö Josua, ka habe, Ca ot gadra: anyin oge hia but hnʼ ödra ka hnyi li hnyamâm; ke ame ca he ke at gadra ka tot hnyi hnyimâkâm.

Josua 11:5

Ke ame ûkhacaköu je than hia thithö eling, me adre me he but me tha hunuma cicö an Meroma, he ka vat me at Isaraela.

Josua 11:7

Ke haba Josua me tavat hia thithö adre me tha o outhmoki ödra hnyi an Meroma, me utut ködra.

Josua 11:9

Ke Josua ame ânyâ ködra helâ me Iehova ame ha kâu: e ame sö can haledrin je hos, me le anyidrin je kariota ge meic.

Josua 3:5

Ke haba Josua ame ha ka tavat, ka habe, Okabi öbun dö, anyin a haba bong nyi me Iehova ame he ka ânyâ unyibun ta je ûnyi hnân lâiâ.

Owisa 20:28

ke haba Fineasa nöku Eleazara, nöku Arona at ame tot hnyi hnyimakan hnyi ûen e,) me ha, ka habe, Hawa, oge me he ka he hmetu he ka vat me laku Beniamina je liamekeiny mönya, hawa, ame ne hna ju? Ke haingö Iehova, ka habe, He thö, anyin oge me he ka hnʼ ödrin nyi ka hnyi hnyamâm.

Owisa 7:9

Ke haba hnyi lit eling, Iehova ame ha kâu, ka habe, Todrö, me utut ka hnyi hna hunuma; anyin a oge hia but hna e ka hnyi hnyamâm.

I. Samuela 11:9

Me adre me ha ka je metâ ödrin e o, ka habe, Öbun e he ka ha ka at Jabese-gileada, ka habe, Haba nyi e ka vec ut hwan seûno, me adre me he ka hnʼ öbun. Me ame he je metâ me thumeto at Jabese, me ödrin e senyin.