Josua 10:3 - Iaai Bible 1901 (New Caledonia)

³ Anyin a wale Adoni-zedeka than Jerusalema ame ûkhûnöng kö Hoham thaniny Heberona, mo Pirama thaniny Jamuth, me Jafia thaniny Lakisa, me Debira thaniny Egelona, he ka ha, ka habe,

Josua 10:3 Iomraidhean Croise

Genese 23:2

Ke a mokcu Sara hnyi Kiriath-areba (wale Heberona) hnyi hnyei Kanana: ke ame o but Aberahama he ka hnyamok me tenge ga Sara.

Genese 37:14

Ke e ame ha kâu, ka habe, He thö ka wâ, hawa, e sot latuhâm, me hnahat meno; ke u hmetu thö ka thumetu nya. Wale e ame kunâ e ûheny hnyi hnyigöulen bucen e Heberona, me e ame e but Sekema.

II. Samuela 2:11

Ke haba ûen ame musi hnyi Heberona Davita hon lap anyi Juda, me seven je huna ke siks ta tehi.

II. Je Than 18:14

Haba Hezekia than Juda ame ûkhûnöng Lakisa ai ka than Asuria, me ha, ka habe, Oge hia but monu; hmetu ju gak: haba ta je ûnyi hia u me he ka ip huk me oge me he ka hom. Haba than Asuria ame bi hwaban kö Hezekia than Juda a kun ta haded talan sileva ke thote je talan gol.

II. Je Than 18:17

Ke haba than Asuria ame kunö Taretana, me Rabesarisa, me Rabesake ûheny Lakisa Jerusalema ai kö Hesekia than, me utbavat ae gan. Ke ödrin e he me o hnyi Jerusalema. Ke ödrin e hia but ölö, me ödrin e tot hnyi deny köioiny an ethö, wale hnyi gethen ame he ka hnyi utkânâ anyin at hnû mano.

II. Man Ûlabainy Je Than. 11:9

me Adoraima, me Lakisa, me Azeka,

Jeremia 34:7

hnyi ûen ame vat deo vat anyin than Babulona me Jerusalema, me je tauniny Juda hia a je kolon, wale Lakisa, me Azeka: anyin a wale li kolon je tauniny Juda, je taun adre up haginy.

Mika 1:13

At ame laba hnyi Lakisa lö, ca ju kariota ka hnyi meno ame he logot: haba momo e, me hwân hulo ka hluiny Ziona; anyin adre me wâ unyâm je hna hanyâûâ hnen Isaraela.

Numera 13:22

Ke ödrin e ölö hnyi Hwaiöu, me o hnyi Heberona; wale Ahiman, me Sesai, me Talemai, a laku Anaka. (Ke haba Heberona, me adre bödra ka op e ehac seven ta huna e tiga ca op Zoana hnyi Aigupito.)

Josua 10:1

KE Adoni-zedeka thaniny Jerusalema ame long a ga hia but Josua hûgûnâ Ai, ke ohia e; ke ame ânyâ ka Ai me thaniny helâji me hnen hna ânyâ ka Jeriko me thaniny; ke a hia but tavat aten Gibeona ûsoköu me at Isaraela mʼ ödrin e tha laba unyidra;

Josua 10:23

Me adre me ânyâ helâe me hom kâu je than eling a thabûng, ûnyi hnyi op, a than Jerusalema, me than Heberona, me than Jamuth, me than Lakisa, me than Egelona.

Josua 10:34

Ke Josua ame tha he me at Isaraela hia ûheny Lakisa, Egelona ai; me hunuma cicö e, me vat mē:

Josua 10:5

Anyin a wale ame ûkhacaköu thö je thaniny Amora a faiv, wale thaniny Jerusalema, me thaniny Heberona, me thaniny Jamuth, me thaniny Lakisa, me thaniny Egelona, me he thö, ödra me anyidra je utbavat hia thithö, me hunuma cicö Gibeona, me vat mē.

Josua 14:15

Ke haba ien Heberona ehac me Kiriath-areba; haba Areba eling me wale at ae beönua unyin at Anaka. Kʼ ame menâ hnyei ke ba vat.

Josua 15:54

me Humeta, me Kiriatha-areba (wale Heberona), me Ziora; nain je taun, me je tauniny ae ûhnyûkong.

Josua 15:63

Ke haba at Jebusi, ödrin e labā Jerusalema, me ca khana laku Juda he ka obʼ ödrin: kʼ ame tha laba at Jebusi me je laku Juda hnyi Jerusalema ke ne o but hnyi bong ang.

Josua 18:28

me Zela, me Elef, me Jebusi (wale Jerusalema), me Gibea, me Kiriatha; fortin je taun me je tauniny ae ûhnyûkong. Wale jekhon je laku Beniamina hoton anyidrin je lap.