Josua 10:23 - Iaai Bible 1901 (New Caledonia)

²³ Me adre me ânyâ helâe me hom kâu je than eling a thabûng, ûnyi hnyi op, a than Jerusalema, me than Heberona, me than Jamuth, me than Lakisa, me than Egelona.

Josua 10:23 Iomraidhean Croise

Deuteronomi 7:24

Ke e ame he ka hna anyidra je than ka hnyi hnyamâm, ke u ma he ka ohia je iödrin eang hmeledrany: e ba at ae khana he ka tot hnyi hnyimâkâm, ke ne o but u je hia but ohiʼ ödra.

Josua 10:1

KE Adoni-zedeka thaniny Jerusalema ame long a ga hia but Josua hûgûnâ Ai, ke ohia e; ke ame ânyâ ka Ai me thaniny helâji me hnen hna ânyâ ka Jeriko me thaniny; ke a hia but tavat aten Gibeona ûsoköu me at Isaraela mʼ ödrin e tha laba unyidra;

Josua 10:22

Ke Josua ame ha, ka habe, Khong uthnyimen op, ke hom jem könya je than eling a thabûng ûnyi hnyi op.

Josua 10:3

Anyin a wale Adoni-zedeka than Jerusalema ame ûkhûnöng kö Hoham thaniny Heberona, mo Pirama thaniny Jamuth, me Jafia thaniny Lakisa, me Debira thaniny Egelona, he ka ha, ka habe,

Josua 10:5

Anyin a wale ame ûkhacaköu thö je thaniny Amora a faiv, wale thaniny Jerusalema, me thaniny Heberona, me thaniny Jamuth, me thaniny Lakisa, me thaniny Egelona, me he thö, ödra me anyidra je utbavat hia thithö, me hunuma cicö Gibeona, me vat mē.

Josua 12:10

than Jerusalema, khaca; than Heberona, khaca;

Josua 12:12

than Egelona, khaca; than Gezera, khaca;