Josua 10:16 - Iaai Bible 1901 (New Caledonia)

¹⁶ Ke ame kec je than eling a thabûng me lubaduöng hnyi op e Makeda.

Josua 10:16 Iomraidhean Croise

Salamo 68:12

Ame kec je tuhan je utbavat, adre me kec dö: Ke haba momo ame laba eiö hnyin uma ame khenâ omjeû adre söh.

Salamo 68:13

Hawa, öbun e he ka mokut hnyi je haginy mamoe, Helâ me li labenyin biny adre tube ge sileva, Me je leûnen unyin ge gol ae hadröngöc.

Amosa 9:2

Eja ke ne adre ne hiny kânâ ke ne o but hnyi hedis, ame he hnyamok ka lili ödra ûheny e; eja ke ne adre ne ölö hnyi drany ai oge me he ka hum ödra ûheny e.

Mika 7:17

Kʼ adre me he ka drem kânâ helâ me on; adre me he ka o me öbubuny helâ me ta je ûnyi adre me iyâwâ kânâ ûnyi hnyi je dok ae nedrong: adre me he ka o me ot kö Iehova Khonguta, ke adre me he ka outö u.

Josua 10:15

Ke haba Josua me at Isaraela hia adre me tha hmetu ka hnyi hna hunuma Gilegala.

Josua 10:17

Ke adre me thumetu Josua, ka habe, Adre wâ je than a thabûng ödrin e lubaduöng hnyi op e Makeda.

Josua 10:5

Anyin a wale ame ûkhacaköu thö je thaniny Amora a faiv, wale thaniny Jerusalema, me thaniny Heberona, me thaniny Jamuth, me thaniny Lakisa, me thaniny Egelona, me he thö, ödra me anyidra je utbavat hia thithö, me hunuma cicö Gibeona, me vat mē.

Hna Omanenâ 6:15

Ke haba ta je thaniny hmeledrany, me ta je tuhan, me je taben vat ae nua, me tavat tren omjeû, me tavat ae hwege, me ta je athnyaba hia, me tavat he baû hia, adre me ve ikhölö hnyi je hmonop me je khūth hnyi ta je bucen;

Owisa 6:2

Ke hwege at Midiana hon at Isaraela: ke can at Midiana, haba lakon Isaraela adre me ânyâ hobi ködra bi je thop hnyi bucen, me je op, me je hnabâ.

I. Samuela 13:6

Ke a wâ but at Isaraela a gʼ adre vhet ut (anyin ame gâ on tavat,) haba tavat adre me ve lubaduöng hnyi je hmonop, me hnyot, me kic, me op me hna hiny.

I. Samuela 24:3

Ke e ame o but hnyi je haginy mamoe eû hnyi gethen, wale ae hu op; ke Saulo ame didro he ka tube li can. Ke Davita me lahien ödrin e laba hnyi je ouben op.

I. Samuela 24:8

Ke Davita ame tot hwaban e me didrut ûheny hnyi op, me hongot hotu Saulo, ka habe, Tuhok, than lö. Ke Saulo ame hwio, me Davita ame nom me hnyimakan hnyikânâi, me ogânâ,