Josua 10:13 - Iaai Bible 1901 (New Caledonia)

¹³ Me ame todru seûno, ke ame todru tehi, Ke ne o but hnyei ame bi hwaban ka ta je iwahnaihmiony. Hawa, adre ca sihnalimen e hnyi tusi Jasera? Haba seûno ame tot hnyi wanben drany, kʼ ame ca logot bi he ka dit helâke bong ae bekhöt.

Josua 10:13 Iomraidhean Croise

II. Samuela 1:18

ke e ame hûna ködrin he ka nâ lakon Juda ge utengien cafana: wâ bi, adre sihnalimen e hnyi tusi Jasar; ka habe,

II. Je Than 20:10

Haba Hezekia ame ha, ka habe, Ûnyi ae hâhâ he ka he bala hmenon seûno ke ne o but hnyi ten je haten: ohe, e so e hmetu hmenon hnyi ten je haten.

Esetera 8:13

Haba hna oc hna sihnalimen, adre me omanenâ ka hnyi je hnyei hia, mʼ adre me he ka ham hnân hnanyibu hnyi je ke keihen hnyei hia, me me laba penapena at Juda hnyi boug eling he ka bi hwaban ka je iwahnaihmiony mödrin.

Jobu 9:7

E ame hûna ka seûno, me me ca he ka o; Ke e ame okeceâ khötâ je okhû.

Salamo 148:3

Ogânâ thö e öbu seûno me tehi: Ogânâ thö e öbun hia ta je okhû ae umumelam.

Salamo 19:4

Ame he but anyidrin tö tutut ka hnyi hmeledrany hia, Me hodrin je hofuc ke ne o but ka hnyi je can hmeledrany. E ame hia but otilâ hnyin uma menâ hobi kâu seûno,

Isaia 24:23

Ke ame he ka hmak tehi, me hmehma bi seûno; anyin ame he Iehova tuhan sabaoth ka musi hnyi hmanenang hnyi bucen Ziona, me hnyi Jerusalema, me hnyi hnyimakan anyin wahingat.

Isaia 38:8

wâ bi, oge me he ka ohmeto hmenon hnyi hon wacuat, waleji ame dit hnyi haten seûno anyi Ahaza, he ka hmetuhmetu ten je haten. Me ame hmetu seûno hnyi ten je haten waleji ame dit hnyin.

Joela 2:10

Ame öbubuny hmeledrany hnyi hnyimakodra; kʼ ame jijing drany; ame menekholom seûno me tehi, kʼ ame ca melam ta je okhû:

Joela 2:31

Ame he ka wia seûno me me lit, me tehi me me dra, me ame he ka o but bong bongu Iehova, bong ae gan hmâ ke hnân outen.

Joela 3:15

A lit ut seûno me tehi, ke ame ca melam ta je okhû.

Habakuka 3:11

Ame tot seûno me tehi hnyi hnödru; Hnyi melaminy ânyâm je fana adre gâ, Hnyi melaminy ânyâm ö ame hadröngoc.

Numera 21:14

Anyin a wale ame ha hnyi tusiny Je vat anyi Iehova, ka habe, Vaeba hnyi Sufa Me je hnyigöulen bucen e Arenona,

Numera 31:2

U me he ka bi hwaban at Midiana can lakon Isaraela: ke hwaban e, me adre me he ka tha hum u ka lakâmâm.

Mataio 24:29

Ke hwaban vec hnyi ûen eling, ame he ka ie menekholom but seûno, ke ame ca he hmetu ka melam tehi, ke ame he ka kolu but ta je okhû, ke adre me he ka jijing ta je man hnyi drany:

Mataio 5:45

mʼ öbun e he bi ka lakon Kamöbun ethö hnyi drany: anyin a e ame oâ anyin seûno hon tavat ae kong me tavat ae so, kʼ ame kunâ we ka tavat ae wisa me tavat ae ca wisa bi.

Luka 18:7

Ke hawa, ame ca he Khong ka owisa ka tavat e ame ûca, a tavât adre me hongot kâu hnyi lany me lit, ke e ame hok hnyoki ödra beû hmâ ju?

Ta je huliwa 2:20

Adre me he ka bödra ka wia seûno me me lit bi, Me tehi me me dra, Me ame he ka o but bong bongon Than, Wale bong ae gan me lung:

Josua 10:11

Ke adre ödrin me kec ge at Isaraela ke adre me tiga he hnyi hna utut Bethe-horona, me Iehova ame khûâ hudrin je veto ae gan ûnyi hnyi drany ke ne o but Azeka, me adre me mokcu: ke se hia tavat a mokcu ge je veto, wale we ae wahma, ke wakhalet thibi haniny lakon Isaraela ge hele vat.

Josua 10:14

Ke ba ke bong helâe ehac ke hwaban e, wale Iehova ame löng ifucin at: anyin a Iehova ame vat hobi kâu at Isaraela.

Hna Omanenâ 21:23

Ke ca ûnyi hnathu bi seûno me tehi he ka omelamâ taun; anyin ame omelamâ e honen hmanenanginy Khong, ke lamepainy Arenio.

Hna Omanenâ 6:10

ke adre me ha hwegiâ, ka habe, Tabony Than lo, at ae kap me hnathu, ke ne o but kehö u me ca he ka hnö me bi hwaban dröhmun hon tavat adre me laba eang hmeledrany?

Hna Omanenâ 6:12

Ke oge me wâ e ame khong hna ohmâ haten a siksiny, me ame gan hmâ but hwiöi; me ame hlit ut seûno helâ me mano a leûnen meno, ke haba tehi hia, me helâ me dra;

Hna Omanenâ 8:12

Ke ame tûâ thö trutru hnen angela a vakiny, me adre me kot ke keihen a kuniny seûno, me ke keihen a kuniny tehi, me ke keihen a kuniny ta je okhû; waleling me me menekholom but je ke keihen a kuniny, ke ame ca melam hmetu ke keihen a kuniny bong, ke helâe minya ge lit.

Owisa 16:28

Haba Samasona ame haö Iehova, ka habe, Iehova Khong lö, ö u ûnykûme könya, me okhaca hmetu bi owhegiö nya, Khong lö, me inye he ka bi hwaban li emakök ka at Filisiti.

Owisa 5:2

Anyin ame homakan je taben hnyi Isaraela, Ke haba tavat adre ka ve ham ödra bi me ca höcö Awe, Oganö Iehova.