Josua 10:12 - Iaai Bible 1901 (New Caledonia)

¹² Ke Josua ame ha hofuc kö Iehova hnyi bong Iehova ame hna at Amora hnyi hnyimakan lakon Isaraela; ke e ame ha hnyi hnyimakan at Isaraela, ka habe, Seûno lö, todru u hon Gibeona; Me u Tehi hnyi hnyigöulen bucen Aijalona.

Josua 10:12 Iomraidhean Croise

II. Samuela 2:12

Ke ame he but Abinera nöku Neri me lakei Ise-boseth a nöku Saulo ûheny Mahanaima Gibeona ai.

II. Je Than 20:10

Haba Hezekia ame ha, ka habe, Ûnyi ae hâhâ he ka he bala hmenon seûno ke ne o but hnyi ten je haten: ohe, e so e hmetu hmenon hnyi ten je haten.

II. Je Than 20:11

Haba Isaia perofeta ame hongot kö Iehova: ke e ame ohmeto hmenon ten je haten, wale je haten adre me vheno hnyi haten seûno anyi Ahaza.

II. Je Than 20:9

Me haingö Isaia, ka habe, Walang haten köu ûnyi ga Jehova, a gʼ ame he Iehova ka ânyâ ûnyi a ha: hawa, ame he ka he bala hmenon seûno hnyi ten je haten, ame ne he ka he hmetu hnyi ten je haten?

I. Man Ûlabainy Je Than. 8:13

me Beria, me Sema, wale li ban je lap anyin lakamen aten Ajalona, tavat ödrin e obâ aten Gatha;

II. Man Ûlabainy Je Than. 11:10

me Zorea, me Ajalona, me Heberona, wale hnyi Juda me Beniamina, je taun adre up haginy.

Jobu 9:7

E ame hûna ka seûno, me me ca he ka o; Ke e ame okeceâ khötâ je okhû.

Salamo 148:3

Ogânâ thö e öbu seûno me tehi: Ogânâ thö e öbun hia ta je okhû ae umumelam.

Salamo 19:4

Ame he but anyidrin tö tutut ka hnyi hmeledrany hia, Me hodrin je hofuc ke ne o but ka hnyi je can hmeledrany. E ame hia but otilâ hnyin uma menâ hobi kâu seûno,

Salamo 74:16

Ânyâm bi lany ânyâm minya bi lit: U je hia but penapena melam me seûno.

Isaia 28:21

Anyin ame he Iehova ka todrö helâji me hnyi bucen Farez, kʼ ame he ka hmonyin helâji me hnyi hnyigöulen Gibeona; me me ânyâ anyin huliwa, wale anyin huliwa ae ke bongon bi, me oâ hnen hna ânyâ, wale hnen hna ânyâ ae ke bongon bi.

Isaia 38:8

wâ bi, oge me he ka ohmeto hmenon hnyi hon wacuat, waleji ame dit hnyi haten seûno anyi Ahaza, he ka hmetuhmetu ten je haten. Me ame hmetu seûno hnyi ten je haten waleji ame dit hnyin.

Isaia 60:20

Ame ca he hmetu ka dit ânyâm seûno, ke ame ca he bi ka hia ânyâm tehi: anyin ame he Iehova ka melamâm nyiele balua, ke adre me he ka umo je bonginy tenge a u.

Jeremia 28:1

KE haba hnyi huna eling, hnyi hwâniny musi a Zedekia than Juda, hnyi huna a vakiny, hnyi tehi a thabûnginy, me ame fuc könya Hanania nöku Azura perofeta at ûheny Gibeona, hnyi uma umö Iehova hnyi hnyimakan tavat bihut me tavat hia, ka habe,

Amosa 2:9

Ke so bi, oge me ohia at Amora hnyi hnyimakodra, waleji a helâ me ûgöranyin je arasi ûgöranyidra, ke ûcû me je iwajo tang hwe-giödra; ke so bi oge me ohia wan gadra ethö, me je iwân eû.

Amosa 8:9

Ke haingen Than Iehova, ka habe, Hnyi ûen eling oge me he ka odilâ seûno hnyi jebigo, me olidrâ hnyei hnyi lany.

Habakuka 2:20

Ke e bi Iehova hnyi hnyin umen uma ae kap: e so ame he hmeledrany hia ka laba hnyibû ju hnyi hnyimakan.

Habakuka 3:11

Ame tot seûno me tehi hnyi hnödru; Hnyi melaminy ânyâm je fana adre gâ, Hnyi melaminy ânyâm ö ame hadröngoc.

Zakaria 2:13

Tavat hia thithö lö, laba hnyibû ju hnyi hnyimakö Iehova; anyin a e ame todrö ûheny hnyi hnyaban ae kap.

Deuteronomi 17:3

kʼ ame he me bi athnyabainy ke je khong me khudrung ködrin, ame ne seûno, ame ne tehi, ame ne ke ûnyi hnyi drany, wale oge ca hûna;

Deuteronomi 4:19

ke wâ u nye bwele thö hnyi drany ai, ke u je wâ seûno, me tehi, me je okhû, a je ûnyi ae se hia hnyi drany, kʼ adre me hum u he ka khudrung me bi athnyabainy ta je ûnyi e, waleji Iehova ame ip hobi kâu ta je hnyei hia eang hmeledrany.

Josua 10:13

Me ame todru seûno, ke ame todru tehi, Ke ne o but hnyei ame bi hwaban ka ta je iwahnaihmiony. Hawa, adre ca sihnalimen e hnyi tusi Jasera? Haba seûno ame tot hnyi wanben drany, kʼ ame ca logot bi he ka dit helâke bong ae bekhöt.

Josua 19:42

me Salabin, me Ajalona, me Iethela;

Josua 21:24

me Ajalona me je utkânâiny, me Gatha-rimona me je utkânâiny; vak ta taun.

Owisa 12:12

Ke ame mokcu Elona at Zebulona, me adre me konâm e hnyi Ajalona hnyi Zebulona.

Owisa 5:20

Ödrin e vat ûheny hnyi drany A vat me Sisera je okhû hnyi je deny.

I. Samuela 12:18

Me Samuela ame hongot kö Iehova; me Iehova ame kunâ hendreng me we hnyi bong eling: me ame ot gan hmâ tavat hia thithö kö Iehova me Samuela.

I. Samuela 14:31

Ke ödrin e kot at Filisiti hnyi bong eling hwân Mikemas ke ne o but hnyi Ajalona: ke ame sënyin gan hmâ but tavat.