Josua 10:10 - Iaai Bible 1901 (New Caledonia)

¹⁰ Ke haba Iehova ame ohmakiʼ ödra hnyi hnyimakan at Isaraela, me kuc ödra, ke gan hmâ hna kuc ödra hnyi Gibeona, me hnu ödra tilʼ ödra hnyi gethen ame ölö Bethe-horona ai, me kuc ödra ke ne o but Azeka, me Makeda.

Josua 10:10 Iomraidhean Croise

II. Samuela 22:15

Ke e ame kunâ je fana me ovesei ödrin; Me hucuce, mʼ ödrin e monumonu.

I. Je Than 9:17

Me Solomona ame op Gezera, me Bethe-horona eû,

II. Man Ûlabainy Je Than. 14:12

Me haba Iehova ame kot at Aithiope hnyi hnyiinakö Asa, me Juda; me ame kec dö at Aithiope.

II. Man Ûlabainy Je Than. 25:13

Ke haba aten deo vat waleji a kunâ hmetu Amazia, mʼ adre me ca tha he më ka hnyi vat, me, ödrin e utut ka hnyi je tauniny Juda, hwân hnyi Samaria ke ne o but hnyi Bethe-horona, me hlingâ kun ta thauzan gadrin, me sö gan hmâ.

Salamo 18:14

Ke e ame fana anyin je fana me ovesei ödra; Eke, je hucuce ae se, me omomonu ödra.

Salamo 44:3

Anyin a adre me ca hu hnyei hnen bi anyidra ta je hele vat, Ke adre me ca möt hnen je hing hnyamödra bi: Ke so bi hnen hnyamâm, me benyâm, me melaminy hnyimâkâm, Anyin a u me betenge baû gadra.

Salamo 68:14

Hnyi ûen Ataekhanahia ame oveseâ je than hnyin e, Waleji ame helâ me ûtainy kiona hnyi Zalemon.

Salamo 78:55

E ame obâ aten ke je hnyei hnyi hnyi makodra, Me ve khene idra hnen tulut, Me olaba je tribu Isaraela hnyi umödra je uma mano,

Isaia 28:21

Anyin ame he Iehova ka todrö helâji me hnyi bucen Farez, kʼ ame he ka hmonyin helâji me hnyi hnyigöulen Gibeona; me me ânyâ anyin huliwa, wale anyin huliwa ae ke bongon bi, me oâ hnen hna ânyâ, wale hnen hna ânyâ ae ke bongon bi.

Isaia 30:30

Ke ame he Iehova ka olöngâ ifucin ae hmanenang, me omanenâ ûköluiny hnyamen, tha e me anyin hmonyin ae gan, me bâhlân meic ame han, tha e me hna oamamâ, me weneû, me we wahma.

Jeremia 34:7

hnyi ûen ame vat deo vat anyin than Babulona me Jerusalema, me je tauniny Juda hia a je kolon, wale Lakisa, me Azeka: anyin a wale li kolon je tauniny Juda, je taun adre up haginy.

Zakaria 14:3

Ke haba Iehova ame he ka he but, me vat me je hnyei eling, helâji me hnen hna vat hnyi bonginy vat.

Deuteronomi 7:23

Ke ame he Iehova Khongom ka hnʼ ödra köu, me okongu ödra ge hna okongoâ ae gan, ke ne o but adre ohiʼ ödra.

Josua 10:11

Ke adre ödrin me kec ge at Isaraela ke adre me tiga he hnyi hna utut Bethe-horona, me Iehova ame khûâ hudrin je veto ae gan ûnyi hnyi drany ke ne o but Azeka, me adre me mokcu: ke se hia tavat a mokcu ge je veto, wale we ae wahma, ke wakhalet thibi haniny lakon Isaraela ge hele vat.

Josua 10:28

Ke Josua ame hûgûnâ Makeda hnyi bong eling, me kot e ge hele vat, me thaniny e; e ame ti ohiʼ ödrin me tavat hia thithö hnyin, e ame ca hna bi ke kolon a khaca: ke e ame ânyâ ka thaniny Makeda helâ me hnen hna ânyâ ka thaniny Jeriko.

Josua 10:9

Anyin a wale, Josua ame o outhmoki ödra; e ame he ûheny Gilegala hnyi lit ae bekhöt.

Josua 11:8

Ke Iehova ame hnʼ ödra ka at Isaraela, me adre me kuc ödra, me hnu ödra ke ne o but Zidona ae gan, ke ne o but Miserefo-maim, me hnyigöulen bucen Mizepa e deiö; me adre me kuc ödra ke ne o but ame ba but kolon.

Josua 12:16

than Makeda, khaca; than Beth-ela, khaca;

Josua 15:35

me Jamuth, me Adulama, me Soko, me Azeka;

Josua 15:41

me Gederoth, me Bethe-dagona, me Naama, me Makeda; wale sikstin je taun me je tauniny ae ûhnyûkong.

Josua 16:3

kʼ ame be bala bi jio ka hnyi hnyigöulen at Jafelet, ke ne o but hnyigöulen Bethe-horona eû, ke ne o but Gezera: kʼ ame umo hnyi köiö.

Josua 16:5

Ke haba hnyigöulen laku Eferaima hoton anyidrin je lap, haba hnyigöulen jeköûdrin e deiö, me, Ataroth-adara ke ne o but hnyi Bethe-horona ethö;

Josua 21:22

me Kibezam me je utkânâiny, me Bethe-horona me je utkânâiny; vak ta taun.

Owisa 4:15

Ke haba Iehova ame ohmöiöngi Sisera, me anyin ta je kariota hia, me anyin ta je utbavat hia, ge hele vat hnyi hnyimakö Baraka; ke Sisera ame utut ûheny hon anyin kariota, me kec hon kânâ.

Owisa 4:16

Ke Baraka ame hnu je kariota me je utbavat, ke ne o but Haroseth hnyi je hnyei: ke ame ta but je utbavat hia thithö anyi Sisera ge hele vat, ke ba but kolon.

Owisa 5:20

Ödrin e vat ûheny hnyi drany A vat me Sisera je okhû hnyi je deny.

I. Samuela 13:18

ke ke bunyen ame saû hnyi gethen ûheny Bethe-horona: ke ke bunyen bi ame saû ka hnyi getheniny hnyigot cicö hnyigöulen bucen Zeboim hnyi hnyebuba.

I. Samuela 17:1

KE haba at Filisiti adre me ûkhacaköuâ anyidra je utbavat he ka vat, ke adre me ûkhacaköu hnyi Soko, i Juda, me hunuma knyi wanben Soko me Azeka hnyi Efesi-damim.