Josua 1:9 - Iaai Bible 1901 (New Caledonia)

⁹ Hawa, oge ca hûna köu? Hwege thö, ke hnyok baga but; ca ot, ke ca öbubuny bi, anyin a e bi unyâm Iehova Khongom hnyi je dok u me be ka hnyin.

Josua 1:9 Iomraidhean Croise

Genese 28:15

Ke wâ bi, tha inya möu, ke oge me he ka tuö u hnyi je hnyei hia u je he ka hnyin, me ohmetu u ka hnyi hnyei eang: anyin oge ma ca he ka hnö u ke ne o but oge hia but ânyâ hnök hna ha köu.

Genese 39:2

Ke tha Iehova me Josefa, ke e at ae sot; kʼ ame laba hnyi hnyaban at Aigupito a tuhan.

Genese 39:3

Ke a wâ but tuhan a tha Iehova mē, ke levoha ame ohnahicâ hia ta je ûnyi e ame ânyâ.

II. Samuela 13:28

Ke Abasoloma ame hûna ka lathnyabainy, ka habe, Wâ wia öbun, e ka senyin hnyeku Aminona ge waina; ke iny ka ha köbun, ka habe, Kuc Aminona but, awe, hlingâ but e, ca ot bi, hawa, inya oge ca hûna köbun? hwege thö, me hnyok baga but.

I. Man Ûlabainy Je Than. 28:20

Ke Davita ame ha kö Solomona a nokon, ka habe, Hwege thö, me hnyok baga but, me ânyâ thö; ca ot bi, ke ca öbubuny bi: anyin ame he Iehova Khong, a Khonguk, ka tha e möu; e ame ca he ka hia unyâm, me hna degeci u, ke ne o but adre umo ta je ûnyi hia hnân huliwainy uma umö Iehova.

II. Man Ûlabainy Je Than. 15:7

Ke hwege thʼ öbun, ke ca ohimö je hnyamöbun; anyin adre me he ka bi hwaban anyibun huliwa.

Salamo 46:7

Iehova tuhan sabaoth ame laba unyita! Khongu Jekob hnöta hnabâ [Sela.

Isaia 41:10

awe, ca ot bi, anyin a tha inya möu; ca hlohlo bi, anyin a inya Khongom: oge me he ka ohwegiö u; eke, oge me he ka hadruo u; eke, oge me he ka ci u ge hnyamök a metök ae wisa.

Isaia 43:1

KE walang ang, walang hna ha hnö Iehova at a up u Jekob, me at a huliwön u Isaraela, ka habe, Ca ot bi, anyin a oge hia but ûcö ânyâm möt; oge hia but hawâ iâm, anyin a atök ut u.

Isaia 43:5

Ca ot bi, anyin a tha inya möu: oge me he ka hom ta je mâtrânâm ûheny jimeio, me ûkhaca-köuö u ûheny jimeû;

Isaia 8:12

Ca he öbun ka hnyi ha, ka habe, Ame sihnân, hnyi ta je ûnyi hia thithö ame he tavat ang, ka ha hnyin ka habe, Ame sihnân; ke haba khaca, ca ot bi helâ me iotidra, ke ca öbubuny bi.

Daniela 10:19

Ke e ame ha, ka habe, At adre me betenge gan lö, ca he bi ka ot; hnahic ju, hwege thö, eke, hwege thö. Ke a hia but fuc könya, me oge me hwege but, me ha, ka habe, Than lö, ha thö; anyin a u je ohwegiö nya.

Hagai 2:4

Ke walang ang, Zerubabela lö, hwege thö, haingö Iehova; ke hwege thö u Josua nöku Jozadaka at bihut ae nua; ke hwege thʼ öbun tavat hia aten hnyei, haingö Iehova, ke huliwa thö: anyin a tha inya but möbun haingö Iehova tuhan sabaoth,

Hagai 2:5

hoton hofuc oge me ûhi-hinyköuâ mʼ öbun hnyi ûen öbun e he but ûhebun Aigupito, kʼ ame laba hanuk unyibun: ca ot bi öbun.

Ta je huliwa 4:19

Ke haba Peteru me Ioane ödru me thu ködrin, ka habe, Ûnykûme ju öbun ame ne wisa hnyi hnyimakan Khong he ka ling öbun, ame ne he ka long Khong:

Deuteronomi 1:21

Wâ bi, hnö Iehova Khongom hna ip hnyei hnyi hnyimâkâm: ölö thö me labā, helâ me Iehova Khongon lakâmâm ame ha köu; ca ot bi me öbubuny.

Deuteronomi 20:1

U KA he ka vat me je iwahnaihmiony mou, me wâ je hors, me je kariota, me tavat ae se hia hom, me u me ca he ka outʼ ödra: anyin a e unyâm Iehova Khongom, a at ame hum u ûheny hnyi hnyei Aigupito.

Deuteronomi 31:23

Ke e ame hûna kö Josua nöku Nuna, ka habe, Hwege thö ke hnyok baga thö; anyin a u me he ka hom lakon Isaraela ka hnyi hnyei oge khemanyin ködra: me oge me he ka tha inya möu.

Deuteronomi 31:28

Ûkhacaköu thö könya wahingatiny hia anyibun je tribu, me je homakan gabun, mʼ oge me he ka ha ta je hofuc eang ka hnyi je hnyikonyödra, me hawâ drany me hmeledrany he ka ohnathoâ ködra.

Josua 1:10

Ke haba Josua ame hûna ka je homakan ge tavat, ka habe.

Josua 1:17

Öhmun e he ka ling u helâ me hnöhmun hna ling Mose hnyi ta je ûnyi hia thithö: ke e na tha e ju mou Iehova Khongom, helâ me hnen hna tha e me Mose.

Josua 1:18

Ke haba at ame he ka ûkhin fuc ge ânyâm hnanyibu, me ca long hwâm hofuc hnyi ta je ûnyi hia a me he ka hûna kâu, me adre me he ka hlingâ e: ke so bi hwege thö, me hnyok baga but.

Josua 10:25

Ke haingö Josua ködra, ka habe, Ca ot bi, ke ca öbubuny; hwege thö me hnyok baga but öbun; anyin ame he Iehova ka ânyâ helâe ka je iwahnaihmiöny hia thithö möbun tavat öbun e vat mödrin.

Josua 10:8

Ke haba Iehova ame ha kö Josua, ka habe, Ca ot gadra: anyin oge hia but hnʼ ödra ka hnyi li hnyamâm; ke ame ca he ke at gadra ka tot hnyi hnyimâkâm.

Josua 3:7

Ke haba Iehova ame ha kö Josua, ka habe, Oge me he ka hwân hnyi bong ang ka oganö u hnyi hnyimakan at Isaraela hia thithö, me me khanʼ ödra a tha inya möu, helâji me tha inya me Mose.

Josua 6:27

Ke tha Iehova me Josua, me ame lung hnyi hnyei hia.

Josua 8:1

KE haba Iehova ame ha kö Josua, ka habe, Ca ot bi me öbubuny: ke tha hom dö tavat vat hia thithö mou, ke höhöi thö me he Ai ai: wâ bi oge hia but ham ka hnyi hnyamâm thaniny Ai, me lakeiny, me anyin taun, me iny hnyei:

Owisa 6:14

Ke haba Iehova ame wâ e, me ha, ka habe, He thö me tang hwegiâm eang me omelö at Isaraela ûnyi hnyi hnyamö Midiana: hawa, oge me ca kunö u?

I. Samuela 10:7

Ke e ka āt do köu je haten eling, u me he ka ânyâ hnâm hna wâhmakhmeto; anyin a e unyâm Khong.