Josua 1:8 - Iaai Bible 1901 (New Caledonia)

⁸ Haba tusiny hnanyibu eang, me ame ca he ka hia ûnyi hnyi hnyimâm, ke u me be ka ûnykûme e hnyi lany me lit, me tuö me ânyâ hia helâ me hna sihnalimen hnyin: mʼ u me he ka so hnyi dem je gethen, mʼ u me he ka hnahic.

Josua 1:8 Iomraidhean Croise

Genese 24:63

Ke Isaaka ame he but hnyi sahac ka hnyi utkânâ hnân he ka ûnykûme: ke e ame bwele me wâ, ke wâ bi ame he jem je kamela.

II. Man Ûlabainy Je Than. 26:5

Ke e ame penapena hnyekon he ka elâm Khong hnyi je bong bongu Zakaria, at a hu metâ hnyi je hna omanenâ hnen Khong: ke haba hnyi ta je bong e ame elöm Iehova me haba Khong ame ohnahicâ e.

Salamo 119:11

Oge hia but hitangen hwâm hofuc eû hnyi hnyekuk, Me inye ca he ka ânyâ hulo köu.

Salamo 119:15

Oge me he ka ûnykûme wia ka ânyâm je hnanyibu, Me wâ wia dem je gethen.

Salamo 119:97

Shaiba ge hnok hna hnyok ka ânyâm hnanyibu! E bi mekhunen hnyekuk hnyi je bong hia.

Salamo 119:99

Iny metâ hon tavat hia adre me nö nya; Anyin a inya oge me ûnykûme wia hnâm ta je hna ohnathoâ.

Salamo 19:14

E so e me he je hofuc hnyi hnyimök me je hna ûnykûme eû hnyi hnyekuk ka ûcû but hnyi hnyimâkâm, Iehova, kicik, at ame omeli nya.

Salamo 40:10

Oge ca hia but ikhâlâ eû hnyi hnyekuk hwakecâm ae wisa; Ke oge hia but omanenâ ânyâm hnathu me ûhomeli gam: Oge ca hia but ikhâlâ ânyâm ibetengiö me hnathu ka ûkhacaköu ae gan.

Ta je Vejec 3:1

NÖKUK lö, ca he ka hnying anyik hnanyibu; Ke hna bi hnyekom he ka tuö hnok je hna hûna:

Isaia 59:21

Ke haba inya, waleû anyik ûhihinyköu mödra, haingö Iehova: Haba hanuk at ame laba hom, me hok je hofuc waleji oge ip hnyi hnyimâm, ame ca he ka hia ûnyi hnyi hnyimâm, me hnyimen ta je mâtrânâm, me hnyimen ta je mâtrâniny ta je mâtrânâm, hwân walang ang, ke ne o but nyiele balua, haingö Iehova.

Mataio 12:35

Haba at ae so ame hom but ta je ûnyi ae so ûnyi hnyi tang omjehen ae so; ke haba at ae kong ame hom but ta je ûnyi ae kong ûnyi hnyi tang omjehen ae kong.

Mataio 28:20

ke nʼ ödra thö he ka vheno ta je ûnyi hia thithö waleji oge me hûna köbun: ke wâ bi, inya oge me tha e möbun hnyi ta je bong hia thithö ke ne o but ka hnyi obiny hmeledrany.

Mataio 7:21

Adre me ca he ka dit hia ka hnyi homagouleny drany hnyat adre me ha könya, ka habe, Taböny Than lö, Tabon Than lö; ke so thibi at ame ânyâ weny Kamök ethö hnyi drany.

Mataio 7:24

Anyin a wale haba at ame long hok ta je hofuc ang, me mâdrâ, oge me he ka oûco e me at ae metâ, wale at ame otilâ umen uma hon kic:

Luka 11:28

Ke e ame ha, ka habe, E beönua bi hnahic hnen tavat adre me long hofuc hwan Khong me vheno e.

Ioane 13:17

A ne khanʼ öbun ta je ûnyi e, hnobun hnahic öbun e ne he ka ânyâ e.

Ioane 14:21

Haba at ae hu gan anyik je hnanyibu, kʼ ame vheno e, me wale bi e at ame hnyok könya: haba at ame hnyok könya, me ame he Cica ka hnyok kâu, ke oge me he bi nya ka hnyok kâu, ke oge me he minya ka omanenö nya kâu.

Efeso 4:29

Ca he bi ka o ûnyi hnyi je hnyimöbun hofuc ae ikiki, ke so bi hofuc ae so hobi kâu ûen ae ûcû, me me okûâ so ka tavat adre me long.

Deuteronomi 29:8

me otin e hûgûnâ idru hnyei me ham e me iny at Reubena, me Gada, me hafiny tribu Manase.

Deuteronomi 29:9

Anyin a wale tuö ju ta je hofuciny ûhihinyköu eang, me ânyâ, mʼ öbun e hnahic hnyi ta je ûnyi hia öbun e ânyâ.

Deuteronomi 30:14

Ke so bi e hakekeny hmönyin hofuc köu, a hnyi hnyimâm me hnyi hnyekom, mʼ u me he ka ânyâ.

Deuteronomi 31:11

e ka o at Isaraela hia he ka manen hnyi hnyimakö Iehova Khongom, hnyi dok e ame he ka ûca, me u me he ka aû hnanyibu eang hnyi hnyimakan at Isaraela hia, ke hnyi je hnyikönyidra.

Deuteronomi 31:24

Ke Mose ame umo sihnalimen ta je hofucin hnanyibu eang hnyi tusi, ke ne o but ame um dö,

Deuteronomi 5:1

KE haba Mose ame hawâ lakon Isaraela hia, me ha ködra, ka habe,. Isaraela lö, löng ju je hnanyibu, me je hna owisa oge me haimemenâ ka hnyi je hnyikönyöbun hnyi bong ang, me me khanʼ öbun e, me tuö, me ânyâ.

Deuteronomi 5:29

E na hu ju gadra hnyok ae ûcû mʼ adre me outö nya, me löng bala hnok ta je hna hûna hia, mʼ adre me so me je mâtrânidra nyiele balua!

Deuteronomi 5:32

Ke wâ wia ju öbun he ka ânyâ helâ me Iehova Khongubun ame hûna köbun: ca he öbun ka saû ka hnyi ke keihen metâ me me.

Kolose 3:16

E so e he hofuc hwan Keriso ka laba hmâ hnyi je hnyekubun me metâ hia; ûnöbunköu öbun ju ge ta je salamo, me ta je khumöng, me ta je fehuâ ûnyi hnyi hanu, khumöng dö ka Than me ibetengiö eû hnyi je hnyekubun.

Josua 1:7

Ke so bi, hwege thö, me ti hnyok baga, mʼ u me he ka wâ wia me ânyâ hia hnanyibu a hûna köu Mose a athnyabaik: ca saû thö ûheny e ka hnyi ke keihen metâ, me me, mʼ u me he ka hu hnahic hnyi je dok hia u me he ka hnyin.

Josua 8:34

Ke hwaban e me e ame aû hofuciny hnanyibu hia, wale hnahic me hnaûhango, helâ ma hna sihnalimen hia hnyi tusiny hnanyibu.

Hna Omanenâ 22:14

Hnahic hnen tavat adre me hneû anyidra ta je ûkhaû, me me ûcû kodra he ka he ka hnyi ûöiny möt, me he ka dit ka hnyi je homagöuleiny taun.